phuul kitne udaas lagte hain — Nadim Nadeem

par kaTe panchhiyon se puchhte ho
tum mein uDne kaa hausla hai kyaa

main jis dariyaa mein kaanTaa Daaltaa thaa
sunaa hai ab vahaan machhli nahin hai

badalte mausamon kaa haath thaame chalne vaalo
sukun pahunchaaegi tum ko shajar-kaari hamaari

din-daar log rab ko manaane mein mast hain
darvesh apne naachne gaane mein mast hain

main huun vo hai sahraa hai
aur ik peD kaa saayaa hai

vahshat nahin hai raqs-e-masarrat hai dasht mein
peDon ki shakl mein ye mire chaar-su ho tum

gham hai na ab khushi hai na ummid hai na yaas
sab se najaat paae zamaane guzar gae

husn jalva dikhaa gayaa apnaa
ishq baiThaa rahaa udaas kahin

jab ki pahlu se yaar uThtaa hai
dard be-ikhtiyaar uThtaa hai

specialist pain-killer de to kaun saa?
''saare jahaan kaa dard hamaare jigar mein hai''

main nibal tanhaa na is duniyaa ki sohbat siin huaa
rustamon kuun kar diyaa hai naa-tavaan inzaal niin

nur-e-sahar kahaan hai agar shaam-e-gham gai
kab iltifaat thaa ki jo khu-e-sitam gai