shaam ki shaam se sargoshi suni thi ik baar — Naheed Virk

shokh havaaon ke aanchal mein tham tham kar
shaam se hi hain dard puraane yaad aae

mujhe dard ki baarishon mein bahaa kar
vo rahnaa tiraa be-khabar yaad aayaa

meri aankhein tiri diid ki laalchi
yaani tu mujh ko yusuf-numaa saahibaa

tu dard bhi duaa bhi tu zakhm bhi davaa bhi
shikve bhi hain tujhi se aur pyaar bhi tujhi se

kitni viraani hai mere andar
kis qadar teri kami hai mujh mein

aur phir dil ne us ko chhoD diyaa
jab ta'alluq bahaal thaa hi nahin

vo na aaegaa hamein maalum thaa is shaam bhi
intizaar us kaa magar kuchh soch kar karte rahe

ghazal mein jab talak ehsaas ki shiddat na ho shaamil
faqat alfaaz ki kaarigari mahsus hoti hai

maarka garm to ho lene do khun-rezi kaa
pahle shamshir ke niche hamin jaa baiTheinge

vasl ki raat ke sivaa koi shaam
saath le kar sahar nahin aati

nur-e-sahar kahaan hai agar shaam-e-gham gai
kab iltifaat thaa ki jo khu-e-sitam gai

aakhiri baar aayaa thaa milne koi
hijr mujh ko milaa vasl ki shaam mein