kahne ko gham-e-hijr baDaa dushman-e-jaan hai — Naseer Turabi

shahr mein kis se sukhan rakhiye kidhar ko chaliye
itni tanhaai to ghar mein bhi hai ghar ko chaliye

tujhe kyaa khabar mire be-khabar miraa silsila koi aur hai
jo mujhi ko mujh se baham kare vo gurez-paa koi aur hai

ye ruuh raqs-e-charaaghaan hai apne halqe mein
ye jism saaya hai aur saaya Dhal rahaa hai miyaan

usi ne mujh pe uThaae hain sang jis ke liye
main paash paash huaa ghar nigaar-khaana huaa

milne ki tarah mujh se vo pal bhar nahin miltaa
dil us se milaa jis se muqaddar nahin miltaa

ye havaa saare charaaghon ko uDaa le jaaegi
raat Dhalne tak yahaan sab kuchh dhuaan ho jaaegaa

gham hai na ab khushi hai na ummid hai na yaas
sab se najaat paae zamaane guzar gae

husn jalva dikhaa gayaa apnaa
ishq baiThaa rahaa udaas kahin

jab ki pahlu se yaar uThtaa hai
dard be-ikhtiyaar uThtaa hai

dekh qaasid ko mire yaar ne puchhaa 'taabaan'
kyaa mire hijr mein jiitaa hai vo ghamnaak hanuz

main ho ke tire gham se naashaad bahut royaa
raaton ke taiin kar ke fariyaad bahut royaa

ye haal hai to badan ko bachaaiye kab tak
sadaa mein dhuup bahut hai lahu mein lu hai bahut