shahr mein kis se sukhan rakhiye kidhar ko chaliye — Naseer Turabi

tujhe kyaa khabar mire be-khabar miraa silsila koi aur hai
jo mujhi ko mujh se baham kare vo gurez-paa koi aur hai

ye ruuh raqs-e-charaaghaan hai apne halqe mein
ye jism saaya hai aur saaya Dhal rahaa hai miyaan

usi ne mujh pe uThaae hain sang jis ke liye
main paash paash huaa ghar nigaar-khaana huaa

milne ki tarah mujh se vo pal bhar nahin miltaa
dil us se milaa jis se muqaddar nahin miltaa

kuchh roz nasir aao chalo ghar mein rahaa jaae
logon ko ye shikva hai ki ghar par nahin miltaa

ye havaa saare charaaghon ko uDaa le jaaegi
raat Dhalne tak yahaan sab kuchh dhuaan ho jaaegaa

gham hai na ab khushi hai na ummid hai na yaas
sab se najaat paae zamaane guzar gae

husn jalva dikhaa gayaa apnaa
ishq baiThaa rahaa udaas kahin

jab ki pahlu se yaar uThtaa hai
dard be-ikhtiyaar uThtaa hai

koi sadi miri muntazir hai kisi sadi se guzar rahaa huun
main ek manzar mein ji uThungaa main ek manzar mein mar rahaa huun

us kaa chehraa udaas hai 'maajid'
aaine par nazar gai hogi

kaun saa dard utar aayaa hai tahriron mein
saare alfaaz janaaze ki tarah lagte hain