zikr-e-sharaab-e-naab pe vaaiz ukhaD gayaa — Natiq Gulavthi

mujh se naaraaz hain jo log vo khush hain un se
main judaa chiiz huun 'naatiq' mire ashaar judaa

hangaama-e-hayaat se lenaa to kuchh nahin
haan dekhte chalo ki tamaashaa hai raah kaa

vahaan se le gai naakaam badbakhton ko khud-kaami
jahaan chashm-e-karam se khud-ba-khud kuchh kaam honaa thaa

aati hai yaad subh-e-masarrat ki baar baar
khurshid aate aate use kal uThaa to laa

sab ko ye shikaayat hai ki hanstaa nahin 'naatiq'
ham ko ye taajjub ki vo giryaan nahin hotaa

kuchh nahin achchhaa to duniyaa mein buraa bhi kuchh nahin
kijiye sab kuchh magar apni zarurat dekh kar

na tum hosh mein ho na ham hosh mein hain
chalo mai-kade mein vahin baat hogi

kahaan milegi misaal meri sitamgari ki
ki main gulaabon ke zakhm kaanTon se si rahaa huun

ho umr daraaz zakhm-e-dil ki
jis se dar-e-dil ko baaz paayaa

paDe hain nafrat ke biich dil mein baras rahaa hai lahu kaa saavan
hari-bhari hain saron ki faslein badan pe zakhmon ke gul khile hain

mujh ko 'jalil' kaun kahegaa shikasta-dil
khaayaa thaa ek zakhm so vo be-nishaan rahaa

zakhm aur peD ne ik saath duaa maangi hai
dekhiye pahle yahaan kaun haraa hotaa hai