banaayaa toD ke aaina aaina-khaana — Nazm Tabatabai

yuun main sidhaa gayaa vahshat mein bayaabaan ki taraf
haath jis tarah se aataa hai garebaan ki taraf

dard-e-dil se ishq ke be-pardagi hoti nahin
ik chamak uThti hai lekin raushni hoti nahin

bichhaD ke tujh se mujhe hai umiid milne ki
sunaa hai ruuh ko aanaa hai phir badan ki taraf

dil is tarah havaa-e-mohabbat mein jal gayaa
bhaDki kahin na aag na uTThaa dhuaan kahin

nashshe mein sujhti hai mujhe duur duur ki
naddi vo saamne hai sharaab-e-tuhur ki

asiri mein bahaar aai hai fariyaad-o-fughaan kar lein
nafas ko khun-fishaan kar lein qafas ko bostaan kar lein

us ke dushman hain bahut aadmi achchhaa hogaa
vo bhi meri hi tarah shahr mein tanhaa hogaa

main tanhaa thaa main tanhaa huun
tum aao to kyaa na aao to kyaa

pichhle safar mein jo kuchh biitaa biit gayaa yaaro lekin
aglaa safar jab bhi tum karnaa dekho tanhaa mat karnaa

ab jahaan main huun vahaan mere sivaa kuchh bhi nahin
main isi sahraa mein rahtaa thaa magar tanhaa na thaa

main apni zaat ki tanhaai mein muqayyad thaa
phir is chaTaan mein ik phuul ne shigaaf kiyaa

monis-e-shab rafiq-e-tanhaai
dard-e-dil bhi kisi se kam to nahin