dard-e-dil se ishq ke be-pardagi hoti nahin — Nazm Tabatabai

yuun main sidhaa gayaa vahshat mein bayaabaan ki taraf
haath jis tarah se aataa hai garebaan ki taraf

bichhaD ke tujh se mujhe hai umiid milne ki
sunaa hai ruuh ko aanaa hai phir badan ki taraf

dil is tarah havaa-e-mohabbat mein jal gayaa
bhaDki kahin na aag na uTThaa dhuaan kahin

banaayaa toD ke aaina aaina-khaana
na dekhi raah jo khalvat se anjuman ki taraf

nashshe mein sujhti hai mujhe duur duur ki
naddi vo saamne hai sharaab-e-tuhur ki

asiri mein bahaar aai hai fariyaad-o-fughaan kar lein
nafas ko khun-fishaan kar lein qafas ko bostaan kar lein

gham hai na ab khushi hai na ummid hai na yaas
sab se najaat paae zamaane guzar gae

jab ki pahlu se yaar uThtaa hai
dard be-ikhtiyaar uThtaa hai

ye aansu ponchh lijiye aur muskuraaiye
chaara nahin hai koi bhi rukhsat kiye baghair

husn jalva dikhaa gayaa apnaa
ishq baiThaa rahaa udaas kahin

ham haal to kah sakte hain apnaa pa kahein kyaa
jab vo idhar aate hain to tanhaa nahin aate

main ne apni palkon par gham-kade sajaae hain
aarzu ke maatam mein sogvaar hasti hai