junun ko Dhaal banaayaa to bach gae varna — Nishant Shrivastava Nayab

vo chaahte hain ki manzil kaa zikr to aae
magar kahaani se rasta haTaa liyaa jaae

ye ishq hi thaa jis se mili shohratein tumhein
varna tumhaaraa shahr tumhein jaantaa na thaa

sivaa us ke na koi aur meraa dost ban paae
vo is Dar se zamaana mein mujhe badnaam kartaa hai

chhaate matlab kho dete hain
kyon itni baarish hoti hai

dhuup jhumke pe jab paDi us ke
Dar ke suraj ne pher li aankhein

khulte khulte mujh pe khulaa ye
main bhi duniyaa ke jaisaa huun

kam-umri mein sunet hain
mar jaate hain achchhe log

main tujh se saath bhi to umar bhar kaa chaahtaa thaa
so ab tujh se gilaa bhi umar bhar kaa ho gayaa hai

zindagi tu bhi hamein vaise hi ik roz guzaar
jis tarah ham tujhe barson se guzaare hue hain

zindagi bhar ki kamaai ye ta'alluq hi to hai
kuchh bache yaa na bache is ko bachaa rakhte hain

vaae naakaami tab aayaa saaqi-e-paimaan-shikan
jab hamaari umr kaa labrez saaghar ho gayaa

jo log maut ko zaalim qaraar dete hain
khudaa milaae unhein zindagi ke maaron se