naqsh-e-kaf-e-paa ne gul khilaae — Qayyum Nazar

yaad aayaa bhi to yuun ahd-e-vafaa
aah ki be-asari yaad aai

puchho to ek ek hai tanhaa sulag rahaa
dekho to shahr shahr hai mela lagaa huaa

teri nigah se tujh ko khabar hai ki kyaa huaa
dil zindagi se baar-e-digar aashnaa huaa

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

miri tamannaa hai ab ke tum phir milo to ji bhar ke muskuraaein
ki dekhnaa hai ye raushni kaa safar bahut der baa'd jaa kar

yuun to maujud apne ghar mein hai
aadmi mustaqil safar mein hai

safar mein aise kai marhale bhi aate hain
har ek moD pe kuchh log chhuT jaate hain

masala ye hai us ke gaanv ko
dusraa raasta nahin jaataa

dam liyaa thaa na qayaamat ne hanuz
phir tiraa vaqt-e-safar yaad aayaa