tiri duniyaa mein rah kar kyaa kareinge — Rabia Sultana Nashad

'naashaad' na koi naghma hai ye dard bharaa ik naala hai
kyaa samjhe koi dard-e-jigar jab choT na dil par khaai ho

vaqt ik zarb lagaae to ghazal hoti hai
dard agar dil mein samaae to ghazal hoti hai

mire liye shab-e-mahtaab ik qayaamat hai
tum aao chaand sitaaron mein dil nahin lagtaa

dekhi thiin kabhi main ne bhi barkhaa ki bahaarein
ab TuuTe hue dil ko khudaaraa na dukhaao

kam-umri mein sunet hain
mar jaate hain achchhe log

afsos umr kaT gai ranj-o-malaal mein
dekhaa na khvaab mein bhi jo kuchh thaa khayaal mein

umr hi teri guzar jaaegi un ke hal mein
teraa bachcha jo savaalaat liye baiThaa hai

balaa-e-jaan thi jo bazm-e-tamaashaa chhoD di main ne
khushaa ai zindagi khvaabon ki duniyaa chhoD di main ne

bas ek pal ki tamannaa-e-vasl ki khaatir
tamaam 'umr lagaa di gai sanvarne mein

meri saari zindagi ko be-samar us ne kiyaa
umr meri thi magar us ko basar us ne kiyaa