tere aane kaa intizaar rahaa — Rasa Chughtai

kaun dil ki zabaan samajhtaa hai
dil magar ye kahaan samajhtaa hai

uThaa laayaa huun saare khvaab apne
tiri yaadon ke bosida makaan se

hai koi yahaan shahr mein aisaa ki jise main
apnaa na kahun aur vo apnaa mujhe samjhe

shahr mein jaise koi aaseb hai
shahr mein muddat se hangaama nahin

us se kahnaa ki kabhi aa ke mile
ham se ranjish kaa sabab jo bhi ho

uTh rahaa hai dhuaan mire ghar mein
aag divaar se udhar ki hai

kam-umri mein sunet hain
mar jaate hain achchhe log

main tujh se saath bhi to umar bhar kaa chaahtaa thaa
so ab tujh se gilaa bhi umar bhar kaa ho gayaa hai

zindagi tu bhi hamein vaise hi ik roz guzaar
jis tarah ham tujhe barson se guzaare hue hain

intizaar aur dastakon ke darmiyaan kaTti hai umr
itni aasaani se to baab-e-hunar khultaa nahin

zindagi sundar ghazal hai dosto
zindagi ko gungunaanaa chaahiye

phir usi bevafaa pe marte hain
phir vahi zindagi hamaari hai