ghazal us ne chheDi mujhe saaz denaa — Safi Lakhnavi

janaaza rok kar meraa vo is andaaz se bole
gali ham ne kahi thi tum to duniyaa chhoDe jaate ho

banaavaT ho to aisi ho ki jis se saadgi Tapke
ziyaada ho to asli husn chhup jaataa hai zevar se

miri naash ke sirhaane vo khaDe ye kah rahe hain
ise niind yuun na aati agar intizaar hotaa

dekhe baghair haal ye hai iztiraab kaa
kyaa jaane kyaa ho parda jo uTThe naqaab kaa

paighaam zindagi ne diyaa maut kaa mujhe
marne ke intizaar mein jiinaa paDaa mujhe

khatm ho jaate jo husn o ishq ke naaz o adaa
shaaeri bhi khatm ho jaati nubuvvat ki tarah

kam-umri mein sunet hain
mar jaate hain achchhe log

bas ek pal ki tamannaa-e-vasl ki khaatir
tamaam 'umr lagaa di gai sanvarne mein

idhar to tuul diyaa hai umiid ko us ne
udhar hayaat ataa ki hai mukhtasar mujh ko

meri saari zindagi ko be-samar us ne kiyaa
umr meri thi magar us ko basar us ne kiyaa

jiinaa taDap taDap kar marnaa sisak sisak kar
fariyaad ek ji hai kyaa kyaa kharaabiyon mein

main tujh se saath bhi to umar bhar kaa chaahtaa thaa
so ab tujh se gilaa bhi umar bhar kaa ho gayaa hai