kyuun meri tarah raaton ko rahtaa hai pareshaan — Sahir Lakhnavi

kal to is aalam-e-hasti se guzar jaanaa hai
aaj ki raat tiri bazm mein ham aur sahi

manzilein paanv pakaDti hain Thaharne ke liye
shauq kahtaa hai ki do chaar qadam aur sahi

har ek shaakh pe viraaniyaan musallat hain
badan-darakht bhi goyaa hai aashiyaan-e-shab

aisi duniyaa mein kab tak guzaaraa karein tum hi kah do ki kaise gavaaraa karein
raat mujh se miri bebasi ne kahaa bebasi ke liye ek taaza ghazal

shor din ko nahin sone detaa
shab ko sannaaTaa jagaa detaa hai

munh chhupaanaa paDe na dushman se
ai shab-e-gham sahar na ho jaae

sirat na ho to aariz-o-rukhsaar sab ghalat
khushbu uDi to phuul faqat rang rah gayaa

shab-e-vaada fasil-e-hijr se aage chamaktaa hai tiraa ism-e-sitaara-ju
ki jaise koi paivand-e-ridaa-e-subh aa jaae kisi qindil ki zad mein