dil-e-naadaan tiri haalat kyaa hai — Saifuddin Saif

'saif' andaaz-e-bayaan rang badal detaa hai
varna duniyaa mein koi baat nai baat nahin

shor din ko nahin sone detaa
shab ko sannaaTaa jagaa detaa hai

husn jalva dikhaa gayaa apnaa
ishq baiThaa rahaa udaas kahin

paas aae to aur ho gae duur
ye kitne ajiib faasle hain

gham-gusaaro bahut udaas huun main
aaj bahlaa sako to aa jaao

us musaafir ki naqaahat kaa Thikaana kyaa hai
sang-e-manzil jise divaar nazar aane lage

sabhi se jab mohabbat chaahte ho
mohabbat kyon nahin karte sabhi se

urdu mein baat kijiye urdu mein boliye
haq hai zabaan kaa pyaar kaa ras is mein gholiye

niind ke ghar mein hain khvaab aane lage
'ishq hai naachtaa aankh ke sahn mein

biich dariyaa mein utar kar dekhiye
'ishq-dariyaa mein kinaare kuchh nahin

ye mere saathi hain pyaare saathi magar inhein bhi nahin gavaaraa
main apni vahshat ke maqbare se nai tamannaa ke khvaab dekhun

tamaam vahm o gumaan hai to ham bhi dhoka hain
isi khayaal se duniyaa ko main ne pyaar kiyaa