mere andar use khone ki tamannaa kyuun hai — Saqi Faruqi

vo miri ruuh ki uljhan kaa sabab jaantaa hai
jism ki pyaas bujhaane pe bhi raazi niklaa

duniyaa pe apne ilm ki parchhaaiyaan na Daal
ai raushni-farosh andheraa na kar abhi

khaak main us ki judaai mein pareshaan phirun
jab ki ye milnaa bichhaDnaa miri marzi niklaa

hairaani mein huun aakhir kis ki parchhaain huun
vo bhi dhyaan mein aayaa jis kaa saaya koi na thaa

pyaas baDhti jaa rahi hai bahtaa dariyaa dekh kar
bhaagti jaati hain lahrein ye tamaashaa dekh kar

haadsa ye hai ki ham jaan na moattar kar paae
vo to khush-bu thaa use yuun bhi bikhar jaanaa thaa

miri tamannaa hai ab ke tum phir milo to ji bhar ke muskuraaein
ki dekhnaa hai ye raushni kaa safar bahut der baa'd jaa kar

main ne apni palkon par gham-kade sajaae hain
aarzu ke maatam mein sogvaar hasti hai

us shaan-e-aajizi ke fidaa jis ne 'aarzu'
har naaz har ghurur ke qaabil banaa diyaa

ab bhi barsaat ki raaton mein badan TuTtaa hai
jaag uThti hain ajab khvaahishein angDaai ki

hai kahaan tamannaa kaa dusraa qadam yaa-rab
ham ne dasht-e-imkaan ko ek naqsh-e-paa paayaa

sab ummidein mire aashob-e-tamannaa tak thiin
bastiyaan ho gaiin gharqaab to dariyaa utraa