khush-libaasi hai baDi chiiz magar kyaa kiije — Sarvat Husain

saya-e-abr se puchho 'sarvat'
apne hamraah agar le jaae

shahzaadi tujhe kaun bataae tere charaag-kade tak
kitni mehraabein paDti hain kitne dar aate hain

kyuun girafta-dil nazar aati hai ai shaam-e-firaaq
ham jo tere naaz uThaane ke liye maujud hain

jise anjaam tum samajhti ho
ibtidaa hai kisi kahaani ki

ik daastaan ab bhi sunaate hain farsh o baam
vo kaun thi jo raqs ke aalam mein mar gai

teri aashufta-mizaaji ai dil
kyaa khabar kaun nagar le jaae

gham hai na ab khushi hai na ummid hai na yaas
sab se najaat paae zamaane guzar gae

ishq udaasi ke paighaam to laataa rahtaa hai din raat
lekin ham ko khush rahne ki aadat bahut ziyaada hai

kaun si aisi kami mere khad-o-khaal mein hai
aaina khush nahin hotaa kabhi mil kar mujh se

kuchh aastinon ki majburiyaan bhi hoti hain
khushi se apni bhalaa saanp kaun paaltaa hai

vo kuchh muskuraanaa vo kuchh jheinp jaanaa
javaani adaaein sikhaati hain kyaa kyaa

balaa-e-jaan thi jo bazm-e-tamaashaa chhoD di main ne
khushaa ai zindagi khvaabon ki duniyaa chhoD di main ne