shaayad ab khatm huaa chaahtaa hai ahd-e-sukut — Sattar Syed

yuun ehtimaam-e-radd-e-sahar kar diyaa gayaa
har raushni ko shahr-badar kar diyaa gayaa

kab ban-baas kaTe is shahar ke logon kaa
qufl khulein kab jaane band makaanon ke

samundaron ko sikhaataa hai kaun tarz-e-khiraam
zamin ki tah mein khazaane kahaan se aate hain

sahar ko saath uDaa le gai sabaa jaise
ye kis ne kar diye raste dhuaan dhuaan mere

lahu mein phuul khilaane kahaan se aate hain
nae khayaal na jaane kahaan se aate hain

sabhi se jab mohabbat chaahte ho
mohabbat kyon nahin karte sabhi se

main tujh se saath bhi to umar bhar kaa chaahtaa thaa
so ab tujh se gilaa bhi umar bhar kaa ho gayaa hai

vahaan hamaaraa koi muntazir nahin phir bhi
hamein na rok ki ghar jaanaa chaahte hain ham

nahin vo sham-e-mohabbat rahi to phir 'aasim'
ye kis duaa se mire ghar mein raushni si hai

kisi se ishq apnaa kyaa chhupaaein
mohabbat Tapki paDti hai nazar se

kisi ke zakhm par chaahat se paTTi kaun baandhegaa
agar bahnein nahin hongi to raakhi kaun baandhegaa