unhin ko arz-e-vafaa kaa thaa ishtiyaaq bahut — Syed Aabid Ali Aabid

gham ke taarik ufuq par 'aabid'
kuchh sitaare sar-e-mizhgaan guzre

shara-o-aain ki taazir ke baa-vasf shabaab
lab-o-rukhsaar ki jaanib nigaraan hai ki jo thaa

subu uThaa ki ye naazuk maqaam hai saaqi
na ahrman hai na yazdaan hai dekhiye kyaa ho

ik din us ne nain milaa ke sharmaa ke mukh moDaa thaa
tab se sundar sundar sapne man ko ghere phirte hain

kuchh ehtiraam bhi kar gham ki vaza-daari kaa
giraan hai arz-e-tamannaa to baar baar na kar

meraa jiinaa hai sej kaanTon ki
un ke marne kaa naam taaj-mahal

kyaa khaaein ham vafaa mein ab imaan ki qasam
jab taar-e-subha rishta-e-zunnaar ho chukaa

mohabbat tu mat kar dil us bevafaa se
dil us bevafaa se mohabbat tu mat kar

kaam aa sakin na apni vafaaein to kyaa karein
us bevafaa ko bhuul na jaaein to kyaa karein

adhuri vafaaon se ummid rakhnaa
hamaare bhi dil ki ajab saadgi hai

na hon khvaahishein na gila koi na jafaa koi
na savaal ahd-e-vafaa kaa ho vahi ishq hai

bhuul kar bhi koi letaa nahin ab naam-e-vafaa
ishq is shahr mein gardan-zadani ho jaise