shara-o-aain ki taazir ke baa-vasf shabaab — Syed Aabid Ali Aabid

unhin ko arz-e-vafaa kaa thaa ishtiyaaq bahut
unhin ko arz-e-vafaa naa-gavaar guzri hai

gham ke taarik ufuq par 'aabid'
kuchh sitaare sar-e-mizhgaan guzre

subu uThaa ki ye naazuk maqaam hai saaqi
na ahrman hai na yazdaan hai dekhiye kyaa ho

ik din us ne nain milaa ke sharmaa ke mukh moDaa thaa
tab se sundar sundar sapne man ko ghere phirte hain

kuchh ehtiraam bhi kar gham ki vaza-daari kaa
giraan hai arz-e-tamannaa to baar baar na kar

meraa jiinaa hai sej kaanTon ki
un ke marne kaa naam taaj-mahal

aisi duniyaa mein kab tak guzaaraa karein tum hi kah do ki kaise gavaaraa karein
raat mujh se miri bebasi ne kahaa bebasi ke liye ek taaza ghazal

shor din ko nahin sone detaa
shab ko sannaaTaa jagaa detaa hai

har ek shaakh pe viraaniyaan musallat hain
badan-darakht bhi goyaa hai aashiyaan-e-shab

charaagh ki thartharaati lau mein har os qatre mein har kiran mein
tumhaari aankhein kahaan nahin thiin tumhaaraa chehra kahaan nahin thaa

ik raat chaandni mire bistar pe aai thi
main ne taraash kar tiraa chehra banaa diyaa

ye tanhaa raat ye gahri fazaaein
use DhunDein ki us ko bhuul jaaein