mohabbat tu mat kar dil us bevafaa se — Taban Abdul Hai

havaa bhi ishq ki lagne na detaa main use hargiz
agar is dil pe hotaa haae kuchh bhi ikhtiyaar apnaa

buraa na maaniyo main puchhtaa huun ai zaalim
ki be-kason ke sataae se kuchh bhalaa bhi hai

aataa nahin vo yaar-e-sitamgar to kyaa huaa
koi gham to us kaa dil se hamaare judaa nahin

aaine ko tiri surat se na ho kyuun kar hairat
dar o divaar tujhe dekh ke hairaan hai aaj

imaan o diin se 'taabaan' kuchh kaam nahin hai ham ko
saaqi ho aur mai ho duniyaa ho aur ham hon

le meri khabar chashm mire yaar ki kyun-kar
bimaar ayaadat kare bimaar ki kyun-kar

sabhi se jab mohabbat chaahte ho
mohabbat kyon nahin karte sabhi se

husn jalva dikhaa gayaa apnaa
ishq baiThaa rahaa udaas kahin

maktab-e-ishq kaa dastur niraalaa dekhaa
us ko chhuTTi na mile jis ko sabaq yaad rahe

'aql aur 'ishq laDte rahe der tak
'aql maari gai 'ishq zinda rahaa

tujh ko haq hai tu dil dukhaa meraa
main tujhe pyaar bhi to kartaa huun

ye 'ishq jazba-e-ruhaaniyat hai maantaa huun
magar tu jism ki majburiyaan bhi samjhaa kar