ye baarish kab rukegi kaun jaane — Tripurari

mohabbat mein shikaayat kar rahaa huun
shikaayat mein mohabbat kar rahaa huun

tum jise chaand kahte ho vo asl mein
aasmaan ke badan par koi ghaav hai

kitni dilkash hain ye baarish ki phuvaarein lekin
aisi baarish mein miri jaan bhi jaa sakti hai

jab se guzraa hai kisi husn ke baazaar se dil
dil ko mahsus ye hotaa hai ki baazaar huun main

main tire jism ke jab paar nikal jaaungaa
vasl ki raat baDi ghaur-talab hogi vo

niind aae to kuchh suraagh mile
kaun hai dafn mere khvaabon mein

pyaaso raho na dasht mein baarish ke muntazir
maaro zamin pe paanv ki paani nikal paDe

baadalon ne aaj barsaayaa lahu
amn kaa har faakhta rone lagaa

vo gulaabi baadalon mein ek niili jhiil si
hosh qaaem kaise rahte thaa hi kuchh aisaa libaas

'saabir' teraa kalaam sunein kyuun na ahl-e-fan
bandish ajab hai aur ajab bol chaal hai

shagufta baagh-e-sukhan hai hamin se ai 'saabir'
jahaan mein misl-e-nasim-e-bahaar ham bhi hain

tum ne kyuun dil mein jagah di hai buton ko 'saabir'
tum ne kyuun kaaba ko but-khaana banaa rakkhaa hai