bichhaD gae to ye dil umr bhar lagegaa nahin — Umair Najmi

kitaab-e-ishq mein har aah ek aayat hai
par aansuon ko huruf-e-muqattiaat samajh

kisi gali mein kiraae pe ghar liyaa us ne
phir us gali mein gharon ke kiraae baDhne lage

us ki tah se kabhi daryaaft kiyaa jaaungaa main
jis samundar mein ye sailaab ikaTThe honge

tum pe kyaa khaak asar hogaa mire sheron kaa
tum ko to mir-taqi-'mir' nahin khinch sakaa

ye saat uTh paDosi kahaan se aae mire
tumhaare dil mein to koi na thaa sivaae mire

nikaal laayaa huun ek pinjre se ik parinda
ab is parinde ke dil se pinjra nikaalnaa hai

kam-umri mein sunet hain
mar jaate hain achchhe log

main tujh se saath bhi to umar bhar kaa chaahtaa thaa
so ab tujh se gilaa bhi umar bhar kaa ho gayaa hai

zindagi tu bhi hamein vaise hi ik roz guzaar
jis tarah ham tujhe barson se guzaare hue hain

milti hai zindagi to yahi puchhti hai bas
vo khud-kushi kaa khvaab jo dekhaa thaa kyaa huaa

niind aati hai magar jaag rahaa huun sar-e-khvaab
aankh lagti hai to ye umr guzar jaani hai

haar ke bhi nahin miTi dil se khalish hayaat ki
kitne nizaam miT gae jashn-e-zafar ke baad bhi