in parbaton ke biich thi mastur ik guphaa — Wahab Danish

jangalon mein ghumte phirte hain shahron ke faqih
kyaa darakhton se bhi chhin jaaegaa aalam vajd kaa

jab safar ki dhuup mein murjhaa ke ham do pal ruke
ek tanhaa peD thaa meri tarah jaltaa huaa

khul gayaa raaz chhupi chaah kaa sab mahfil par
naam le kar jo miraa us se pukaaraa na gayaa

vo rang kaa hujum saa vo khushbuon ki bhiiD si
vo lafz lafz se javaan vo harf harf se hasin

mujid jo nuur kaa hai vo meraa charaagh hai
parvaana huun main anjuman-e-kaaenaat kaa

chaand bhi hairaan dariyaa bhi pareshaani mein hai
aks kis kaa hai ki itni raushni paani mein hai

miri is chashm-e-tar se abr-e-baaraan ko hai kyaa nisbat
ki vo dariyaa kaa paani aur ye khun-e-dil hai barsaati

sab ummidein mire aashob-e-tamannaa tak thiin
bastiyaan ho gaiin gharqaab to dariyaa utraa

chaand hai paani mein yaa bhule hue chehre kaa aks
saahil-e-dariyaa pe dekho main bhi hairaani mein huun

mar gae 'joshish' isi daryaaft mein
kyaa kahein hai kaun si shai zindagi