chhupaa huun main sadaa-e-baansuli mein — Wali Dakni

tujh lab ki sifat laal-e-badakhshaan suun kahungaa
jaadu hain tire nain ghazaalaan suun kahungaa

raah-e-mazmun-e-taaza band nahin
taa qayaamat khulaa hai baab-e-sukhan

har zarra us ki chashm mein labrez-e-nur hai
dekhaa hai jis ne husn-e-tajalli bahaar kaa

chaahtaa hai is jahaan mein gar bahisht
jaa tamaashaa dekh us rukhsaar kaa

rashk suun tujh labaan ki surkhi par
jigar-e-laala daagh daagh huaa

jise ishq kaa tiir kaari lage
use zindagi kyuun na bhaari lage

gham hai na ab khushi hai na ummid hai na yaas
sab se najaat paae zamaane guzar gae

husn jalva dikhaa gayaa apnaa
ishq baiThaa rahaa udaas kahin

jab ki pahlu se yaar uThtaa hai
dard be-ikhtiyaar uThtaa hai

dard ki baat kisi hansti hui mahfil mein
jaise kah de kisi turbat pe latifa koi

gham-e-habib gham-e-zindagi gham-e-dauraan
kisi maqaam pe ham ji buraa nahin karte

aanaa zaraa tafrih rahegi
ik mahfil-e-sadmaat kareinge