jab lage khud ko kabhi bimaar se ham — Yashvardhan Mishra

dekh saktaa huun binaa chashme ke main
dost teri bevafaai saaf saaf

chaahiye thi aap ki tasvir so
khinch li tasvir main ne chaand ki

raushni bhi tirgi bhi saath hai yaa yuun kahein
zindagi khush hai magar khush bhi tavaaif ki tarah

daf'atan main Thiik ho saktaa huun chaaraagar mire
tu mujhe pahnaa de us ke naam kaa taa'viz gar

rakh liyaa thaa main ne roza jaan tumhaare naam kaa
tum ko dekhaa khvaab mein aur meri sehri ho gai

rang saare aa gae 'aariz pe mere
jab kahaa us ne mujhe holi mubaarak

ret par ik nishaan hai shaayad
ye hamaaraa makaan hai shaayad

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

tumhein fursat ho duniyaa se to ham se aa ke milnaa
hamaare paas fursat ke sivaa kyaa rah gayaa hai

kaho kyaa mehrbaan naa-mehrbaan taqdir hoti hai
kahaa maan ki duaaon mein baDi taasir hoti hai

pyaaso raho na dasht mein baarish ke muntazir
maaro zamin pe paanv ki paani nikal paDe

vo na aaegaa hamein maalum thaa is shaam bhi
intizaar us kaa magar kuchh soch kar karte rahe