khun-e-jigar aankhon se bahaayaa gham kaa sahraa paar kiyaa — Zafar Anwar

dil ki zakhmon ko kiyaa kartaa hai taaza har-dam
phir sitam ye hai ki rone bhi nahin detaa hai

baat jab hai ki har ik phuul ko yaksaan samjho
sab kaa aameza vahi aab vahi gil bhi vahi

gham hai na ab khushi hai na ummid hai na yaas
sab se najaat paae zamaane guzar gae

husn jalva dikhaa gayaa apnaa
ishq baiThaa rahaa udaas kahin

jab ki pahlu se yaar uThtaa hai
dard be-ikhtiyaar uThtaa hai

mahv-e-hairat huun kharaash-e-dast-e-gham ko dekh kar
zakhm chehre par hain yaa hai aaina TuuTaa huaa

dil dabaa jaataa hai kitnaa aaj gham ke baar se
kaisi tanhaai Tapakti hai dar o divaar se

gham sabhi dil se rukhsat hue
dard be-intihaa rah gayaa