muD ke dekhaa to hamein chhoD ke jaati thi hayaat — Zahida Zaidi

khvaab to khvaab hain pal bhar mein bikhar jaate hain
sach to ye hai ki bas ik kaahish-e-jaan raqs mein hai

zindagi tu ne to sach hai ki vafaa ham se na ki
ham magar khud tujhe Thukraaein zaruri to nahin

kabhi ishq saaz-e-hayaat thaa kabhi soz-e-dil ne jalaa diyaa
kabhi vasl mein bhi kasak rahi kabhi dard-o-gham ne bhi mazaa diyaa

hamin se anjuman-e-ishq mo'tabar Thahri
hamin ko saunpi gai gham ki paasbaani bhi

kam-umri mein sunet hain
mar jaate hain achchhe log

main tujh se saath bhi to umar bhar kaa chaahtaa thaa
so ab tujh se gilaa bhi umar bhar kaa ho gayaa hai

zindagi tu bhi hamein vaise hi ik roz guzaar
jis tarah ham tujhe barson se guzaare hue hain

umr bhar kaun nibhaataa hai ta'alluq itnaa
ai miri jaan ke dushman tujhe allaah rakkhe

ai gham-e-zindagi na ho naaraaz
mujh ko aadat hai muskuraane ki

umr bhar jis ke liye peT se baandhe patthar
ab vo gin gin ke khilaataa hai nivaale mujh ko