darida-jaib garebaan bhi chaak chaahtaa hai — Zaki Tariq

ham bhi kahne lage hain raat ko raat
ham bhi goyaa kharaab hone lage

'zaki' hamaaraa muqaddar hain dhuup ke kheme
hamein na raas kabhi aayaa saaebaan koi

gumaan hotaa hai mujh ko tumhaare aane kaa
havaa idhar se dabe paanv jab guzarti hai

itaab-o-qahr kaa har ik nishaan bolegaa
main chup rahaa to shikasta makaan bolegaa

roz suntaa huun main hansne ki sadaa
kaun ye mere sivaa hai mujh mein

simTe hue jazbon ko bikharne nahin detaa
ye aas kaa lamha hamein marne nahin detaa

bil-aakhir thak haar ke yaaro ham ne bhi taslim kiyaa
apni zaat se ishq hai sachchaa baaqi sab afsaane hain

shama bujh kar rah gai parvaana jal kar rah gayaa
yaadgaar-e-husn-o-ishq ik daagh dil par rah gayaa

sabhi se jab mohabbat chaahte ho
mohabbat kyon nahin karte sabhi se

na paak hogaa kabhi husn o ishq kaa jhagDaa
vo qissa hai ye ki jis kaa koi gavaah nahin

nahin vo sham-e-mohabbat rahi to phir 'aasim'
ye kis duaa se mire ghar mein raushni si hai

sau fasaad ek ishq mein uTThe
boyaa ik tukhm uge hazaar darakht