havaa bahaar ki aaegi aur main chumungaa — Zeeshan Sahil

aayaa thaa mere paas vo kuchh der ke liye
suraj magar gahan mein bahut der tak rahaa

main zindagi ke sabhi gham bhulaae baiThaa huun
tumhaare ishq se kitni mujhe sahulat hai

bas ek rang hai dil mein kisi ke hone se
ab apne-aap ko is se bhi saada kyaa karnaa

kis qadar mahdud kar detaa hai gham insaan ko
khatm kar detaa hai har ummid har imkaan ko

khiDki ke raste se laayaa kartaa huun
main baahar ki duniyaa khaali kamre mein

guzar gai hai magar roz yaad aati hai
vo ek shaam jise bhulne ki hasrat hai

shor din ko nahin sone detaa
shab ko sannaaTaa jagaa detaa hai

us ko sochun to dhyaan mein mere
khushbu aati hai pahli baarish ki

har ek shaakh pe viraaniyaan musallat hain
badan-darakht bhi goyaa hai aashiyaan-e-shab

aisi duniyaa mein kab tak guzaaraa karein tum hi kah do ki kaise gavaaraa karein
raat mujh se miri bebasi ne kahaa bebasi ke liye ek taaza ghazal

us ko aanaa thaa ki vo mujh ko bulaataa thaa kahin
raat bhar baarish thi us kaa raat bhar paighaam thaa

ab bhi barsaat ki raaton mein badan TuTtaa hai
jaag uThti hain ajab khvaahishein angDaai ki