aadaab-e-junun ahl-e-nazar bhuul gae hain — Jalal Aarif

"itni khataa hui ki hanse the kisi ke saath ab ro rahe hain baiTh ke ham zindagi ke saath raahat ke saath dukh hai to aansu hansi ke saath gahraa hai kitnaa gham kaa taalluq khushi ke saath apnaa chalan badalne lage vaqt ki tarah milte the jo har ik se baDi saadgi ke saath saae saron pe maut ke manDlaate hain magar ham phir bhi ji rahe hain ulu-himmati ke saath kis ko tumhaare dard se dil-bastagi nahin raunaq hai anjuman ki isi raushni ke saath shaayad vafaa-shanaas nazar kaa qusur hai 'aarif' suluk un kaa jo hai be-rukhi ke saath"

"bhalaa ho us kaa jo raste mein mujh ko Daal gayaa zamaana sang samajh kar mujhe uchhaal gayaa shajar bhi zor se jis ke zamin-bos hue vahi to jhonkaa havaa kaa mujhe sanbhaal gayaa taDap rahi hai nazar aaj bhi usi ke liye vo ek jalva jo dil ko mire ujaal gayaa mire taDapne pe us ko mazaaq sujhaa thaa hansi hansi mein har ik baat meri Taal gayaa shikaayatein thiin faqat un ke duur rahne tak vo paas aae to dil se har ik malaal gayaa miri tabaahi pe sab ki lagi rahin nazrein kisi kaa bhi na tumhaari taraf khayaal gayaa taghayyuraat ne sab kuchh badal diyaa 'aarif' zamaana ik nae saanche mein ham ko Dhaal gayaa"

"ishq be-khud thaa be-hijaab aaya husn Daale hue naqaab aaya muhr-bar-lab khaDe the ahl-e-vafaa be-savaal aap kaa javaab aaya ham dikhaaeinge hashr mein naaseh kis ke hisse mein kyaa hisaab aaya pyaar un kaa nazar kaa dhokaa thaa paani DhunDaa nazar saraab aaya chalo achchhe hain bakht bhi 'aarif' gham to hisse mein be-hisaab aaya"

"mujhe jism-o-jaan se na kar judaa mujhe zehn-o-dil se miTaa na de mujhe de ke qurb kaa hausla meri tishnagi ko baDhaa na de miri azmatein meri rifatein tiri den hi to hain a khudaa mujhe laa ke baam-e-uruj par kahin pastiyon mein giraa na de mire har qadam pe tu rakh nazar miri raah kaa tu ho paasbaan mire naqsh-e-paa hain yahaan vahaan kahin koi un ko miTaa na de ye fasil jis pe khaDaa hai tu ye fasil-e-shahr-e-ghurur hai mujhe khauf hai yahi har ghaDi koi is fasil ko Dhaa na de vo charaagh jis se hai haq ayaan vahi hogaa rahbar-e-kaarvaan koi jhonkaa baad-e-sumum kaa ise dekh aa ke bujhaa na de main jafaa karun tu vafaa kare tu jafaa kare main vafaa karun yahi rasm rasm-e-vafaa rahe ise mere dost bhulaa na de ai rafiq 'aarif'-e-khasta-dil hai ye aakhiri miri iltijaa mujhe zindagi ki duaa na de mujhe itni sakht sazaa na de"

"jahaan tum jalva-gar hote vahaan par tuur ho jaataa zamin kaa zarra zarra nuur se maamur ho jaataa main tujh ko dekh kar masti mein aisaa chuur ho jaataa ki duniyaa kyaa hai apne aap se bhi duur ho jaataa ghanimat hai uchaTti hi nazar un ki paDi mujh par main kyaa kartaa nazar kaa vaar agar bharpur ho jaataa zaraa si jurat-e-kirdaar bhi hoti agar ham mein zamaana rukh badalne ke liye majbur ho jaataa faqat shohrat nahin hai maqsad-e-sher-o-sukhan 'aarif' zaraa koshish jo kartaa main bahut mashhur ho jaataa"

"duur rahte hue nazdik-e-rag-e-jaan bhi rahe dushman-e-dil bhi rahe dil ke nigahbaan bhi rahe Duub jaate hain kinaare bhi kabhi maujon se ahl-e-saahil zaraa andaaza-e-tufaan bhi rahe un kaa andaaz-e-mohabbat bhi niraalaa dekhaa mujh mein shaamil bhi rahe mujh se gurezaan bhi rahe main tire qurb kaa vo daur bhulaaun kaise tere gesu mire shaanon pe pareshaan bhi rahe jis pe logon ko farishton kaa gumaan ho jaae kaash is daur mein aisaa koi insaan bhi rahe ham ko manzur nahin thi jo numaaish apni bazm mein misl-e-charaagh-e-tah-e-daamaan bhi rahe gham-e-jaanaan kaa taalluq to hai dil se lekin ham vahi hain jo harif-e-gham-e-dauraan bhi rahe dida-e-dil se mohabbat kaa taqaazaa hai yahi tishna-e-did rahe diid kaa armaan bhi rahe aaj daaman mein bas ik daulat-e-gham hai 'aarif' un ki ulfat mein kabhi be-sar-o-saamaan bhi rahe"

"is ishq-e-junun-khez mein kyaa kyaa nahin hotaa divaana hai jo qais se lailaa nahin hotaa kuchh hashr lahad par abhi barpaa nahin hotaa aae ho to Thahro koi zinda nahin hotaa kyuun kar ye kahun husn kaa nashsha nahin hotaa hotaa to bahut hai magar itnaa nahin hotaa kuchh kahiye to sharmaa ke jhukaa lete hain gardan bhule se bhi ab vaada-e-fardaa nahin hotaa milte hain vo dil surkh hui jaati hai chuTki naazuk hain bahut khun-e-tamannaa nahin hotaa deti hai mazaa mai kaa hamein talkhi-e-tauba jab haath mein paimaana-e-sahbaa nahin hotaa vo hashr ke din kushte ko Thukraa chuke sau-baar kuchh jaan si paD jaati hai zinda nahin hotaa boli ye tamannaa jo ruke vo dar-e-dil par ghar aap kaa hai aap se pardaa nahin hotaa tiron ko jagah dete hain jo siine mein apne un logon ke ai jaan kaleja nahin hotaa sahraa se qadam ghar ki taraf khaak uThaaun kaanTe se judaa paanv kaa chhaalaa nahin hotaa baiThe nazar aate hain vahi teri gali mein jin kaa kahin duniyaa mein Thikaanaa nahin hotaa furqat mein hai kyuun nazaa ki taklif gavaaraa mar jaaein 'riyaaz' aap se itnaa nahin hotaa"

"hai jo ik maa'raka faisal nahin hone detaa jin vo ho ke mujhe botal nahin hone detaa qatl ik roz hi kartaa huun isi goshe mein aur saabit ise maqtal nahin hone detaa zid hai us ki ki har ik shaakh ho phir sabz hi sabz garche paidaa koi konpal nahin hone detaa raushni apne khayaalon hi se karni hogi koi raushan kahin mash'al nahin hone detaa chun-ki miTTi ki bhi ek apni alag khushbu hai main kahin bhi ise sandal nahin hone detaa ik parinda ki jo sahtaa hai havaaon kaa dabaao aur parvaaz ko paidal nahin hone detaa Dar hai us ko nazar aae na kahin zehn kaa 'aks vo miraa aaina saiqal nahin hone detaa tiraa qaanun hai jangal kaa ghanimat hai ki tu mire is shahr ko jangal nahin hone detaa chalo baat us ki sunein ek 'ajab mantiq se jo kisi baat ko muhmal nahin hone detaa"

"muzhda ai zauq-e-asiri ki nazar aataa hai daam-e-khaali qafas-e-murgh-e-giraftaar ke paas jigar-e-tishna-e-aazaar tasalli na huaa ju-e-khun ham ne bahaai bun-e-har khaar ke paas mund gaiin kholte hi kholte aankhein hai hai khuub vaqt aae tum is 'aashiq-e-bimaar ke paas main bhi ruk ruk ke na martaa jo zabaan ke badle dashna ik tez saa hotaa mire gham-khvaar ke paas dahan-e-sher mein jaa baiThe lekin ai dil na khaDe ho jiye khubaan-e-dil-aazaar ke paas dekh kar tujh ko chaman bas-ki numu kartaa hai khud-ba-khud pahunche hai gul gosha-e-dastaar ke paas mar gayaa phoD ke sar 'ghaalib'-e-vahshi hai hai baiThnaa us kaa vo aa kar tiri divaar ke paas kab faqiron ko rasaai bu-e-mai-khvaar ke paas to bane bu dijiye maikhaane ki divaar ke paas"

"ajab mushkil ki dil kaa haal aisaa ho gayaa hai sabhi ab puchhte hain mujh se ye kyaa ho gayaa hai main ye samjhaa ki gham kaa ab mudaavaa ho gayaa hai kuredaa zakhm to ye aur taaza ho gayaa hai kabhi fursat mile to khud se main baatein karungaa mujhe khud se mile bhi to zamaana ho gayaa hai magar ab sochtaa huun toD duun saare maraasim magar dil bhi tire gham se shanaasaa ho gayaa hai miri barbaad hasti kaa nazaara dekhne ko vo aae aur gham mein phir izaafa ho gayaa hai isi dariyaa mein ab khud ko Dubonaa chaahtaa huun ki is dil kaa talaatum mein kinaare ho gayaa hai chalo bhi 'qalb' ab tum dusraa dekho Thikaanaa ki is basti mein apnaa sab paraayaa ho gayaa hai"

"dil shaad nahin karte aabaad nahin karte mahsus ye hotaa hai vo yaad nahin karte naashaad zamaane ke dil shaad nahin karte kam-aql parindon ko aazaad nahin karte mohtaaj-e-karam aksar rahte hain gharibon ke jo log gharibon ki imdaad nahin karte kuchh log shikaayat ko haq apnaa samajhte hain kuchh log kabhi tum se fariyaad nahin karte ham apne iraadon mein rakhte hain tavaanaai ham daad ke taalib ko bedaad nahin karte jo aap ki niyyat kaa kuchh ilm hamein hotaa ham apni mohabbat ko barbaad nahin karte is daur-e-siyaasat mein 'mahmud' qayaamat hai ahbaab jo karte hain jallaad nahin karte"

"kahe detaa huun go hai to nahin ye baat kahne ki tiri khvaahish nahin dil mein ziyaada der rahne ki bachaa kar dil guzartaa jaa rahaa huun har ta’alluq se kahaan us aable ko taab hai ab choT sahne ki rag-o-pai mein na hangaama kare to kyaa kare aakhir ijaazat jab nahin is ranj ko aankhon se bahne ki bas apni apni tarjihaat apni apni khvaahish hai tujhe shohrat kamaane ki mujhe ik she'r kahne ki jahaan kaa huun vahin ki raas aaegi fazaa mujh ko ye duniyaa bhi bhalaa koi jagah hai mere rahne ki jo kal 'irfaan' par guzri sunaa kuchh us ke baare mein khabar tum ne suni tufaan mein dariyaa ke bahne ki"