SHAWORDS

baagh kyaa kyaa shajar dikhaate hain — Afzaal Naveed

Home›Afzaal Naveed›Ghazal
"baagh kyaa kyaa shajar dikhaate hain ham bhi apne samar dikhaate hain aa tujhe be-khabar dikhaate hain haalat-e-naama-bar dikhaate hain kuchh mazaahir hain jo nagar mein hamein dusraa hi nagar dikhaate hain ruh-e-mutlaq mein 'ishq jazb huaa 'arsh kaa kaam kar dikhaate hain khud to pahunche hue hain manzil par paanv ko dar-ba-dar dikhaate hain ham ko matlub khud se jaanaa hai vaan nahin hain jidhar dikhaate hain kitnaa phailaav raqs-e-aab mein hai apne sar se utar dikhaate hain aa dikhaate hain tujh ko apnaa aap aur dil khol kar dikhaate hain aa karaate hain sair-e-dil tujh ko aa tujhe bahr-o-bar dikhaate hain jab dikhaani ho raunaq-e-raftaar vo yahaan se guzar dikhaate hain uThte paani si lahr lene se vo sar se paa tak kamar dikhaate hain kaun suraj hamaari aankhon ko khvaab-e-shaam-o-sahar dikhaate hain raah-e-dushvaar jab nahin kaTti vo koi baat kar dikhaate hain mat uThaa ab koi nai divaar ham tujhe apnaa sar dikhaate hain chaandni kyaa kahin pe bikhregi tere dar par bikhar dikhaate hain dekh ik tangi-e-qayaamat-khez ham tujhe apnaa ghar dikhaate hain baam-e-aflaak se utaar hamein haath par diip dhar dikhaate hain asl rukh kaa nahin hai ushr-e-ashir jo hamein chaara-gar dikhaate hain kuchh to mazmun bane-banaae hain aur kuchh baandh kar dikhaate hain ghamza-haa-e-pas-e-nazaara 'naved' ham ko raah-e-safar dikhaate hain"
Urdu

باغ کیا کیا شجر دکھاتے ہیں ہم بھی اپنے ثمر دکھاتے ہیں آ تجھے بے خبر دکھاتے ہیں حالت نامہ بر دکھاتے ہیں کچھ مظاہر ہیں جو نگر میں ہمیں دوسرا ہی نگر دکھاتے ہیں روح مطلق میں عشق جذب ہوا عرش کا کام کر دکھاتے ہیں خود تو پہنچے ہوئے ہیں منزل پر پاؤں کو در بدر دکھاتے ہیں ہم کو مطلوب خود سے جانا ہے واں نہیں ہیں جدھر دکھاتے ہیں کتنا پھیلاؤ رقص آب میں ہے اپنے سر سے اتر دکھاتے ہیں آ دکھاتے ہیں تجھ کو اپنا آپ اور دل کھول کر دکھاتے ہیں آ کراتے ہیں سیر دل تجھ کو آ تجھے بحر و بر دکھاتے ہیں جب دکھانی ہو رونق رفتار وہ یہاں سے گزر دکھاتے ہیں اٹھتے پانی سی لہر لینے سے وہ سر سے پا تک کمر دکھاتے ہیں کون سورج ہماری آنکھوں کو خواب شام و سحر دکھاتے ہیں راہ دشوار جب نہیں کٹتی وہ کوئی بات کر دکھاتے ہیں مت اٹھا اب کوئی نئی دیوار ہم تجھے اپنا سر دکھاتے ہیں چاندنی کیا کہیں پہ بکھرے گی تیرے در پر بکھر دکھاتے ہیں دیکھ اک تنگیٔ قیامت خیز ہم تجھے اپنا گھر دکھاتے ہیں بام افلاک سے اتار ہمیں ہاتھ پر دیپ دھر دکھاتے ہیں اصل رخ کا نہیں ہے عشر عشیر جو ہمیں چارہ گر دکھاتے ہیں کچھ تو مضموں بنے بنائے ہیں اور کچھ باندھ کر دکھاتے ہیں غمزہ ہائے پس نظارہ نویدؔ ہم کو راہ سفر دکھاتے ہیں

Hindi

बाग़ क्या क्या शजर दिखाते हैं हम भी अपने समर दिखाते हैं आ तुझे बे-ख़बर दिखाते हैं हालत-ए-नामा-बर दिखाते हैं कुछ मज़ाहिर हैं जो नगर में हमें दूसरा ही नगर दिखाते हैं रूह-ए-मुतलक़ में 'इश्क़ जज़्ब हुआ 'अर्श का काम कर दिखाते हैं ख़ुद तो पहुँचे हुए हैं मंज़िल पर पाँव को दर-ब-दर दिखाते हैं हम को मतलूब ख़ुद से जाना है वाँ नहीं हैं जिधर दिखाते हैं कितना फैलाव रक़्स-ए-आब में है अपने सर से उतर दिखाते हैं आ दिखाते हैं तुझ को अपना आप और दिल खोल कर दिखाते हैं आ कराते हैं सैर-ए-दिल तुझ को आ तुझे बहर-ओ-बर दिखाते हैं जब दिखानी हो रौनक़-ए-रफ़्तार वो यहाँ से गुज़र दिखाते हैं उठते पानी सी लहर लेने से वो सर से पा तक कमर दिखाते हैं कौन सूरज हमारी आँखों को ख़्वाब-ए-शाम-ओ-सहर दिखाते हैं राह-ए-दुश्वार जब नहीं कटती वो कोई बात कर दिखाते हैं मत उठा अब कोई नई दीवार हम तुझे अपना सर दिखाते हैं चाँदनी क्या कहीं पे बिखरेगी तेरे दर पर बिखर दिखाते हैं देख इक तंगी-ए-क़यामत-ख़ेज़ हम तुझे अपना घर दिखाते हैं बाम-ए-अफ़्लाक से उतार हमें हाथ पर दीप धर दिखाते हैं अस्ल रुख़ का नहीं है उश्र-ए-अशीर जो हमें चारा-गर दिखाते हैं कुछ तो मज़मूँ बने-बनाए हैं और कुछ बाँध कर दिखाते हैं ग़म्ज़ा-हा-ए-पस-ए-नज़ारा 'नवेद' हम को राह-ए-सफ़र दिखाते हैं

Afzaal NaveedAfzaal NaveedRaatMaaSafarIshq
baaġh kyā kyā shajar dikhāte haiñ
Afzaal Naveed
Afzaal Naveed
Afzaal Naveed
poet37 quotes

More by Afzaal Naveed

View all →
Quote
"makaan-e-khvaab mein jangal ki baas rahne lagi koi na aayaa to zinon pe ghaas rahne lagi tire vajud kaa jab se libaas rahne lagi liye diye hue mujh se kapaas rahne lagi ye aur baat anokhi si pyaas rahne lagi miri zabaan pe us ki miThaas rahne lagi jhalak thi yaa koi khushbu-e-khadd-o-khaal thi vo chali gai to mire aas paas rahne lagi gayaa hujum liye baaz-did naqsh-e-qadam havaa-e-raahguzar bad-havaas rahne lagi zaraae jo the mayassar hue ghubaar-e-shanaakht darun se chashm-e-darun naa-shanaas rahne lagi abhi ghubaar na utraa thaa saans kaa andar utarne ki pas-e-zindaan bhaDaas rahne lagi utaar pheink diyaa jo thaa jism-e-bosida sitaaron ki koi utran libaas rahne lagi ziyaada zor lagaane se kuchh na ho saktaa so aae roz ki halchal hi raas rahne lagi lahad ne daaman-e-yakh-basta khol kar rakkhaa badan mein garmi-e-khauf-o-hiraas rahne lagi na jaane andhe kuon ki vo tishnagi thi kyaa har ek aankh mein jo be-libaas rahne lagi bigaaD jis se ho paidaa koi bigaaD nahin so moajize ki mire dil ko aas rahne lagi mughaairat se bhari tirgi ke biich 'naved' ik andaruni ramaq ru-shanaas rahne lagi"
Afzaal NaveedAfzaal Naveed
YaadDil
Quote
"khaali huaa gilaas nasha sar mein aa gayaa dariyaa utar gayaa to samundar mein aa gayaa yakjaai kaa tilism rahaa taari TuuT kar vo saamne se haT ke baraabar mein aa gayaa jaa kar jahaan pe rakkhaa thaa honaa kiyaa durust itnaa saa kaam kar ke main pal bhar mein aa gayaa lekin baDaai kaa koi ehsaas kab rahaa chakkar thaa duniyaa-daari kaa chakkar mein aa gayaa aa jaa ke munhasir rahaa nigaraani par tamaam aksar se jaa rahaa kabhi aksar mein aa gayaa yak gosha-e-vajud mein rakkhaa qayaam kuchh baahar baDaa fasaad thaa so ghar mein aa gayaa TuuTaa kahin se aur giraa sahn mein mire saaraa parinda yuun lagaa is par mein aa gayaa aavaaz dungaa saath mire aa sako to aao thoDaa jo aur haalat-e-behtar mein aa gayaa duniyaa ke khvaab dekhte guzraa tamaam roz uThte hi khvaab-e-asl se daftar mein aa gayaa jaagungaa jab sadaa-e-uluhi sunungaa kuchh jaanungaa jab parinda sanobar mein aa gayaa shaayad nazaare ki yahi be-hayyati rahi manzar se jaane par koi manzar mein aa gayaa hilnaa paDe na taaki kisi ranj par mujhe saare kaa saaraa main kisi patthar mein aa gayaa khud ko qayaam karne pe targhib dungaa main koi jo ism kal mire mantar mein aa gayaa be-martaba bhi saans kaa lenaa giraan na thaa taqdis kaa khayaal muqaddar mein aa gayaa baazaar mein nigaah na dil par paDi tiri naayaab jins-e-dahr thaa vaafar mein aa gayaa sayyaargaan to apni ravish par the gaamzan lekin 'naved' tu kahaan chakkar mein aa gayaa"
Afzaal NaveedAfzaal Naveed
SadDil
Quote
"subu uThaaun to piine ke biich khulti hai koi gali mere siine ke biich khulti hai tamaam raat sitaare talaash karte hain vo chaandni kisi ziine ke biich khulti hai tu dekhtaa hai to tashkil paane lagtaa huun miri bisaat nagine ke biich khulti hai giraft-e-hosh nahin sahl dast-bardaari girah ye sakht qarine ke biich khulti hai kinaara-e-mah-o-anjum jahaan tilak bhi ho ye raushni isi jiine ke biich khulti hai na baadbaan koi aur na rud-o-samt-o-sukun to kis ki khinch safine ke biich khulti hai rukun to dekh sakun aasmaan ki khiDki jo ek baar mahine ke biich khulti hai zaraa saa aur bhi kiina ai kina-parvar-e-jaan miri nazar tire kiine ke biich khulti hai ye kaun chhoD gayaa hai maqaam-e-asl 'naved' ye kis ki baas dafine ke biich khulti hai"
Afzaal NaveedAfzaal Naveed
RaatMaa
Quote
"apne hi tale aai zaminon se nikal kar aa jaataa huun shaakhon pe dafinon se nikal kar darvaaze the kuchh aur bhi darvaaze ke pichhe barson pe gai baat mahinon se nikal kar so jaati hai basti to makaan pichhli gali mein tanhaa khaDaa rahtaa hai makinon se nikal kar kis subh-e-tamaashaa kaa bachaayaa huaa sajda rukh par chalaa aataa hai jabinon se nikal kar aisi koi aasaan hai divaangi yaaro aai bhi to aaegi qarinon se nikal kar vo aur koi abr hai jo khultaa nahin hai sar par jo khaDaa rahtaa hai sinon se nikal kar muddat se mire raaste mein aayaa huaa hai patthar saa koi tere naginon se nikal kar ik roz jo divaar thi vo ham ne giraa di paani mein chale aae safinon se nikal kar ye dekh miraa nakhl-e-kutub-haa-e-darakhshaan jo phail gayaa khuun pasinon se nikal kar aa jaate hain saahil pe dikhaane hamein munh log taariki mein Duube hue zinon se nikal kar ik den hai ham jaison ki aashufta-sari ko tham rahtaa hai aafaaq pe dinon se nikal kar zerin kahin rahti hai tapasyaa se bhari lahr budh aur hai andoh-nashinon se nikal kar mismaar ajaaib jo huaa jang-o-jadal se miTTi ke zaruf aa gae minon se nikal kar hamraah asaason ki kahaan DhunD sakeinge aayaa na agar saanp khazinon se nikal kar atraaf-e-dar-o-baam hi le baiTheinge mujh ko gar qasd-e-chahaarum na ho tinon se nikal kar phir saamnaa hogaa miraa apni hi mashin se aayaa bhi jo bil-farz mashinon se nikal kar duniyaa ko piroegaa 'naved' ek laDi mein aaegaa koi khaak-nashinon se nikal kar"
Afzaal NaveedAfzaal Naveed
Maa
Quote
"ek ujli umang uDaai thi ham ne tum ne patang uDaai thi shaam baarish mein tere chehre se abr ne qaus-e-rang uDaai thi main ne bachpan ki khushbu-e-naazuk ek titli ke sang uDaai thi apni hi az-rah-e-tafannun-e-tabaa dhajji-e-naam-o-nang aDaai thi khvaab ne kis khumaar ki khaashaak darmiyaan-e-palang uDaai thi koi bairuni aanch thi jis ne andaruni tarang uDaai thi chhin kar ek dusre ki baqaa ham ne tazhik-e-jang uDaai thi ehtimaam-e-dhamaal kho baiThaa kis ne khaak-e-malang uDaai thi mere chaaron taraf labon ki dhanak us ne lagte hi ang uDaai thi ham ne puchhaa nahin hamaari anaa kis se ho kar dabang uDaai thi phuljhaDi thi ki tere kuche mein taan gaa kar talang uDaai thi khud se thaa bair paani mein rah kar ham ne mauj-e-nahang uDaai thi ek din ham ne haath phailaa kar chaadar-e-paa-e-tang uDaai thi parkhache chaaron or bikhre the ik badan ne surang uDaai thi pheink kar apne doston ki taraf izz-o-jaah-e-khadang uDaai thi zaaiqa jaa sakaa na munh se 'naved' daavat-e-shokh-o-shang uDaai thi"
Afzaal NaveedAfzaal Naveed
MaaBachpan

More on Raat

View all →
Quote
"na koi dost ho meraa na ho adu meraa tum apne munh se agar kah do mujh ko tu meraa fasurdagi mein junun-e-havaa-e-gul yaani khizaan ke daur mein saudaa-e-rang-o-bu meraa jo tum nahin to bahaar-e-jinaan mein khaak nahin bahut vasia hai daamaan-e-aarzu meraa nibhegi ai dil-e-aavaara ab na tujh se miri bas aaj se na main teraa huun aur na tu meraa banaa rahe hain vo jalve ki apne tasvirein dikhaa dikhaa ke tamaashaa-e-rang-o-bu meraa kisi ki zulf-e-siyah kah rahi hai khul khul kar ghaTaa ne rang uDaayaa hai hu-ba-hu meraa mah-e-siyaam kaa aur intizaam kyaa karte janaab-e-shaikh uDaa le gae subu meraa jafaa kaa rang judaa hai vafaa kaa rang judaa malo na dast-e-hinaai mein tum lahu meraa taDap rahi hai jo abr-e-siyaah mein bijli firaaq mein yahi naqsha thaa hu-ba-hu meraa suhaani raat hai chhiTki hai chaandni 'muztar' miri nigaah mein phirtaa hai maah-ru meraa"
M
Muztar Muzaffarpuri
DilRaat
Quote
"zindagi bojhal hui aazaar se jism jhuktaa jaa rahaa hai baar se doston ne is qadar dhoke diye aur raghbat baDh gai aghyaar se zindagi kaa ik nayaa imkaan huaa ik daricha khul gayaa divaar se ab bayaan kaise karun rudaad-e-gham kaam mushkil hai dil-e-naa-chaar se hijr ki raaton mein bahtaa hi rahaa ek naala chashm-e-dariyaa-baar se misl-e-majnun regzaaron mein rahe sar paTakte ret ki divaar se ham asiraan-e-mohabbat hain yahaan uljhe hain ab gesu-e-khamdaar se 'qalb' teri ghazlein yuun shaadaan karein dard nikle hai tire ashaar se"
Anees QalbAnees Qalb
ZindagiRaat
Quote
"chaahe khoTe hain yaa khare hain ham Dast-e-qudrat ke laaDle hain ham 'aks-e-rafta ko dekhiye saahib kitne maa'sum lag rahe hain ham raat jivan kaa giit gaati hai khvaab-e-tanvim dekhte hain ham 'umr lag jaaegi sanbhalne mein kis bulandi se yuun gire hain ham ek hangaam hai taghayyur kaa kunj-e-nisyaan mein paDe hain ham ab bhi mehndi kaa rang gahraa hai sandalin haath par rache hain ham ik tamaashaa hai kaar-zaar-e-hayaat dekh kar ser ho chuke hain ham jhilmilaate hain aarzu ke kanval dil-jharoke se jhaankte hain ham"
Bushra MasuudBushra Masuud
DilRaat