bulaati hai magar jaane kaa nain — Rahat Indori

"nae safar kaa jo elaan bhi nahin hotaa to zinda rahne kaa armaan bhi nahin hotaa tamaam phuul vahi log toD lete hain vo jin ke kamron mein gul-daan bhi nahin hotaa khamoshi oDh ke soi hain masjidein saari kisi ki maut kaa elaan bhi nahin hotaa vabaa ne kaash hamein bhi bulaa liyaa hotaa to ham pe maut kaa ehsaan bhi nahin hotaa"

"apne divaar-o-dar se puchhte hain ghar ke haalaat ghar se puchhte hain kyuun akele hain qaafile vaale ek ik ham-safar se puchhte hain kyaa kabhi zindagi bhi dekheinge bas yahi umr-bhar se puchhte hain jurm hai khvaab dekhnaa bhi kyaa raat-bhar chashm-e-tar se puchhte hain ye mulaaqaat aakhiri to nahin ham judaai ke Dar se puchhte hain zakhm kaa naam phuul kaise paDaa tere dast-e-hunar se puchhte hain kitne jangal hain in makaanon mein bas yahi shahr bhar se puchhte hain ye jo divaar hai ye kis ki hai ham idhar vo udhar se puchhte hain hain kanizein bhi is mahal mein kyaa shaah-zaadon ke Dar se puchhte hain kyaa kahin qatl ho gayaa suraj raat se raat-bhar se puchhte hain kaun vaaris hai chhaanv kaa aakhir dhuup mein ham-safar se puchhte hain ye kinaare bhi kitne saada hain kashtiyon ko bhanvar se puchhte hain vo guzartaa to hogaa ab tanhaa ek ik rahguzar se puchhte hain"

"ye khaak-zaade jo rahte hain be-zabaan paDe ishaara kar dein to suraj zamin pe aan paDe sukut-e-zist ko aamaada-e-baghaavat kar lahu uchhaal ki kuchh zindagi mein jaan paDe hamaare shahr ki binaaiyon pe rote hain tamaam shahr ke manzar lahu-luhaan paDe uThe hain haath mire hurmat-e-zamin ke liye mazaa jab aae ki ab paanv aasmaan paDe kisi makin ki aamad ke intizaar mein hain mire mohalle mein khaali kai makaan paDe"

"jab kabhi phulon ne khushbu ki tijaarat ki hai patti patti ne havaaon se shikaayat ki hai yuun lagaa jaise koi itr fazaa mein ghul jaae jab kisi bachche ne quraan ki tilaavat ki hai jaa-namaazon ki tarah nuur mein ujlaai sahar raat bhar jaise farishton ne ibaadat ki hai sar uThaae thiin bahut surkh havaa mein phir bhi ham ne palkon ke charaaghon ki hifaazat ki hai mujhe tufaan-e-havaadis se Daraane vaalo haadson ne to mire haath pe baiat ki hai aaj ik daana-e-gandum ke bhi haqdaar nahin ham ne sadiyon inhin kheton pe hukumat ki hai ye zaruri thaa ki ham dekhte qilon ke jalaal umr bhar ham ne mazaaron ki ziyaarat ki hai"

"ham ne khud apni rahnumaai ki aur shohrat hui khudaai ki main ne duniyaa se mujh se duniyaa ne saikDon baar bevafaai ki khule rahte hain saare darvaaze koi surat nahin rihaai ki TuuT kar ham mile hain pahli baar ye shuruaat hai judaai ki soe rahte hain oDh kar khud ko ab zarurat nahin razaai ki manzilein chumti hain mere qadam daad diije shikasta-paai ki zindagi jaise-taise kaaTni hai kyaa bhalaai ki kyaa buraai ki ishq ke kaarobaar mein ham ne jaan de kar baDi kamaai ki ab kisi ki zabaan nahin khulti rasm jaari hai munh-bharaai ki"

"ise saamaan-e-safar jaan ye jugnu rakh le raah mein tirgi hogi mire aansu rakh le tu jo chaahe to tiraa jhuuT bhi bik saktaa hai shart itni hai ki sone ki taraazu rakh le vo koi jism nahin hai ki use chhu bhi sakein haan agar naam hi rakhnaa hai to khushbu rakh le tujh ko an-dekhi bulandi mein safar karnaa hai ehtiyaatan miri himmat mire baazu rakh le miri khvaahish hai ki aangan mein na divaar uThe mire bhaai mire hisse ki zamin tu rakh le"

"is ishq-e-junun-khez mein kyaa kyaa nahin hotaa divaana hai jo qais se lailaa nahin hotaa kuchh hashr lahad par abhi barpaa nahin hotaa aae ho to Thahro koi zinda nahin hotaa kyuun kar ye kahun husn kaa nashsha nahin hotaa hotaa to bahut hai magar itnaa nahin hotaa kuchh kahiye to sharmaa ke jhukaa lete hain gardan bhule se bhi ab vaada-e-fardaa nahin hotaa milte hain vo dil surkh hui jaati hai chuTki naazuk hain bahut khun-e-tamannaa nahin hotaa deti hai mazaa mai kaa hamein talkhi-e-tauba jab haath mein paimaana-e-sahbaa nahin hotaa vo hashr ke din kushte ko Thukraa chuke sau-baar kuchh jaan si paD jaati hai zinda nahin hotaa boli ye tamannaa jo ruke vo dar-e-dil par ghar aap kaa hai aap se pardaa nahin hotaa tiron ko jagah dete hain jo siine mein apne un logon ke ai jaan kaleja nahin hotaa sahraa se qadam ghar ki taraf khaak uThaaun kaanTe se judaa paanv kaa chhaalaa nahin hotaa baiThe nazar aate hain vahi teri gali mein jin kaa kahin duniyaa mein Thikaanaa nahin hotaa furqat mein hai kyuun nazaa ki taklif gavaaraa mar jaaein 'riyaaz' aap se itnaa nahin hotaa"

"hai jo ik maa'raka faisal nahin hone detaa jin vo ho ke mujhe botal nahin hone detaa qatl ik roz hi kartaa huun isi goshe mein aur saabit ise maqtal nahin hone detaa zid hai us ki ki har ik shaakh ho phir sabz hi sabz garche paidaa koi konpal nahin hone detaa raushni apne khayaalon hi se karni hogi koi raushan kahin mash'al nahin hone detaa chun-ki miTTi ki bhi ek apni alag khushbu hai main kahin bhi ise sandal nahin hone detaa ik parinda ki jo sahtaa hai havaaon kaa dabaao aur parvaaz ko paidal nahin hone detaa Dar hai us ko nazar aae na kahin zehn kaa 'aks vo miraa aaina saiqal nahin hone detaa tiraa qaanun hai jangal kaa ghanimat hai ki tu mire is shahr ko jangal nahin hone detaa chalo baat us ki sunein ek 'ajab mantiq se jo kisi baat ko muhmal nahin hone detaa"

"muzhda ai zauq-e-asiri ki nazar aataa hai daam-e-khaali qafas-e-murgh-e-giraftaar ke paas jigar-e-tishna-e-aazaar tasalli na huaa ju-e-khun ham ne bahaai bun-e-har khaar ke paas mund gaiin kholte hi kholte aankhein hai hai khuub vaqt aae tum is 'aashiq-e-bimaar ke paas main bhi ruk ruk ke na martaa jo zabaan ke badle dashna ik tez saa hotaa mire gham-khvaar ke paas dahan-e-sher mein jaa baiThe lekin ai dil na khaDe ho jiye khubaan-e-dil-aazaar ke paas dekh kar tujh ko chaman bas-ki numu kartaa hai khud-ba-khud pahunche hai gul gosha-e-dastaar ke paas mar gayaa phoD ke sar 'ghaalib'-e-vahshi hai hai baiThnaa us kaa vo aa kar tiri divaar ke paas kab faqiron ko rasaai bu-e-mai-khvaar ke paas to bane bu dijiye maikhaane ki divaar ke paas"

"ajab mushkil ki dil kaa haal aisaa ho gayaa hai sabhi ab puchhte hain mujh se ye kyaa ho gayaa hai main ye samjhaa ki gham kaa ab mudaavaa ho gayaa hai kuredaa zakhm to ye aur taaza ho gayaa hai kabhi fursat mile to khud se main baatein karungaa mujhe khud se mile bhi to zamaana ho gayaa hai magar ab sochtaa huun toD duun saare maraasim magar dil bhi tire gham se shanaasaa ho gayaa hai miri barbaad hasti kaa nazaara dekhne ko vo aae aur gham mein phir izaafa ho gayaa hai isi dariyaa mein ab khud ko Dubonaa chaahtaa huun ki is dil kaa talaatum mein kinaare ho gayaa hai chalo bhi 'qalb' ab tum dusraa dekho Thikaanaa ki is basti mein apnaa sab paraayaa ho gayaa hai"

"dil shaad nahin karte aabaad nahin karte mahsus ye hotaa hai vo yaad nahin karte naashaad zamaane ke dil shaad nahin karte kam-aql parindon ko aazaad nahin karte mohtaaj-e-karam aksar rahte hain gharibon ke jo log gharibon ki imdaad nahin karte kuchh log shikaayat ko haq apnaa samajhte hain kuchh log kabhi tum se fariyaad nahin karte ham apne iraadon mein rakhte hain tavaanaai ham daad ke taalib ko bedaad nahin karte jo aap ki niyyat kaa kuchh ilm hamein hotaa ham apni mohabbat ko barbaad nahin karte is daur-e-siyaasat mein 'mahmud' qayaamat hai ahbaab jo karte hain jallaad nahin karte"

"kahe detaa huun go hai to nahin ye baat kahne ki tiri khvaahish nahin dil mein ziyaada der rahne ki bachaa kar dil guzartaa jaa rahaa huun har ta’alluq se kahaan us aable ko taab hai ab choT sahne ki rag-o-pai mein na hangaama kare to kyaa kare aakhir ijaazat jab nahin is ranj ko aankhon se bahne ki bas apni apni tarjihaat apni apni khvaahish hai tujhe shohrat kamaane ki mujhe ik she'r kahne ki jahaan kaa huun vahin ki raas aaegi fazaa mujh ko ye duniyaa bhi bhalaa koi jagah hai mere rahne ki jo kal 'irfaan' par guzri sunaa kuchh us ke baare mein khabar tum ne suni tufaan mein dariyaa ke bahne ki"