dil ke maaron se dil-lagi chaahe — Farooq Rahman

"duur tak suuni paDi hai rahguzar dekhegaa kaun apni manzil hi nahin to raahbar dekhegaa kaun chaandni ki bad-du'aa apnaa asar dikhlaa gai kis qadar taarikiyaan hain chaand par dekhegaa kaun jaagti aankhon pe aakhir niind ghaalib aa gai ab tumhaaraa raasta bhi raat-bhar dekhegaa kaun apne ghar kaa saaz-o-saamaan ham ne girvi rakh diyaa hanste hanste zahr piine kaa hunar dekhegaa kaun jaan kaa khatra to hai hi jaal bhi kamzor hai machhliyon ke shauq mein paani magar dekhegaa kaun ab ghazal ke naam par 'faaruq' kuchh bhi pesh kar log sab masruf hain zer-o-zabar dekhegaa kaun"

"tujh se bigDi jo zaraa mein apni subhein apni hain na shaamein apni aap ne bhi na manaayaa aakhir qaid the ham bhi anaa mein apni dost hain apne mehrbaan kitne sang-baari hai dishaa mein apni kaun kaise giraa de dhoke se thaame rahiyegaa lagaamein apni roz uThtaa hai janaaza apnaa roz jalte hain chitaa mein apni aur baaqi bachaa hai kyaa 'faaruq' tujh ko maangaa jo du'aa mein apni"

"yuun zindagi ke maani kisi ne bataa diye tum ret pe do harf likhe aur miTaa diye kaise kahun ki kitnaa vo khul kar milaa hai aaj sharm-o-hayaa ke saare parinde uDaa diye dushman se haar-jit kaa honaa thaa faisla to vaapsi ke ham ne safine jalaa diye tu bakhsh yaa na bakhsh tujhe ikhtiyaar hai guzreinge tere dar se na ham bin sadaa diye 'faaruq' un se koi shikaayat nahin rahi aankhein milin to dhire se vo muskuraa diye"

"milaa ke haath masarrat kashid ki jaae vo saamne nazar aae to 'iid ki jaae junun-e-'ishq kahaan naap-tol jaane hai agar hui hai mohabbat shadid ki jaae vahaan to amn ke sajdon ki nur-paashi thi kahaa thaa kis ne ki masjid shahid ki jaae chalan vafaa kaa tumhaari sarisht mein hi nahin to kis umiid pe tum se umiid ki jaae khulus-o-pyaar se patthar pighalte dekhe hain anaa hai dushman-e-jaanaan murid ki jaae rivaayaton kaa bhi apnaa mizaaj hai 'faaruq' ghazal zaruri nahin hai jadid ki jaae"

"aap se vaabastagi kyaa khuub hai aap hain to zindagi kyaa khuub hai aap se mil kar mile dil ko sukun aap ki maujudgi kyaa khuub hai aap ne paighaam bhejaa hai hamein aap ki ye dil-lagi kyaa khuub hai aap hain bas aap hain bas aap hain aalam-e-divaangi kyaa khuub hai sar jhukaayaa to uThaayaa hi nahin aashiqon ki bandagi kyaa khuub hai chaandni jugnu sitaare aur kiran nuur ki surat giri kyaa khuub hai aap ko lagtaa hai 'faaruq' ajnabi aap ki bhi saadgi kyaa khuub hai"

"jo pahle zaraa si navaazish kare hai vahi phir shab-o-roz saazish kare hai vo dhoke pe dhoka diye jaae lekin ye dil phir bhi us ki sifaarish kare hai kisi din mile vo khilaunon ki surat miraa dil bhi bachchon si khvaahish kare hai ye dil kaa khalal jaan le kar rahegaa masihaa to be-kaar koshish kare hai main us ki ragon mein lahu ban ke dauDun vo mere badan mein rihaaish kare hai use pyaas sahraa ki bhaati nahin hai vo 'faaruq' dariyaa pe baarish kare hai"

"vo mujhe zindagi bataataa hai phir bhalaa kyon nazar churaataa hai main usi ko uThaa rahaa thaa par vo mujhe hi faqat giraataa hai yaad us ko kiyaa yahaan main ne par mujhe vo vahaan bhulaataa hai raaz saare bataa diye main ne kyon magar raaz vo chhupaataa hai log masruf hain mohabbat mein aur vo dil miraa dukhaataa hai"

"zindagi bojhal hui aazaar se jism jhuktaa jaa rahaa hai baar se doston ne is qadar dhoke diye aur raghbat baDh gai aghyaar se zindagi kaa ik nayaa imkaan huaa ik daricha khul gayaa divaar se ab bayaan kaise karun rudaad-e-gham kaam mushkil hai dil-e-naa-chaar se hijr ki raaton mein bahtaa hi rahaa ek naala chashm-e-dariyaa-baar se misl-e-majnun regzaaron mein rahe sar paTakte ret ki divaar se ham asiraan-e-mohabbat hain yahaan uljhe hain ab gesu-e-khamdaar se 'qalb' teri ghazlein yuun shaadaan karein dard nikle hai tire ashaar se"

"is ishq-e-junun-khez mein kyaa kyaa nahin hotaa divaana hai jo qais se lailaa nahin hotaa kuchh hashr lahad par abhi barpaa nahin hotaa aae ho to Thahro koi zinda nahin hotaa kyuun kar ye kahun husn kaa nashsha nahin hotaa hotaa to bahut hai magar itnaa nahin hotaa kuchh kahiye to sharmaa ke jhukaa lete hain gardan bhule se bhi ab vaada-e-fardaa nahin hotaa milte hain vo dil surkh hui jaati hai chuTki naazuk hain bahut khun-e-tamannaa nahin hotaa deti hai mazaa mai kaa hamein talkhi-e-tauba jab haath mein paimaana-e-sahbaa nahin hotaa vo hashr ke din kushte ko Thukraa chuke sau-baar kuchh jaan si paD jaati hai zinda nahin hotaa boli ye tamannaa jo ruke vo dar-e-dil par ghar aap kaa hai aap se pardaa nahin hotaa tiron ko jagah dete hain jo siine mein apne un logon ke ai jaan kaleja nahin hotaa sahraa se qadam ghar ki taraf khaak uThaaun kaanTe se judaa paanv kaa chhaalaa nahin hotaa baiThe nazar aate hain vahi teri gali mein jin kaa kahin duniyaa mein Thikaanaa nahin hotaa furqat mein hai kyuun nazaa ki taklif gavaaraa mar jaaein 'riyaaz' aap se itnaa nahin hotaa"

"jis din se meraa khvaab suhaanaa badal gayaa us din se zindagi kaa fasaana badal gayaa sunne lagaa huun jab se nasihat baDon ki main jaari thaa jo labon pe taraana badal gayaa pahchaan kaa havaala bhi baaqi nahin rahaa chehre ke saath aaina-khaana badal gayaa uThti nahin hai aankh bhi ab aasmaan ki samt jab se gali kaa chaand puraanaa badal gayaa tahzib jin ke ghar ki 'alaamat thi kal talak afsos aaj un kaa gharaanaa badal gayaa 'azmat kaa taaj sar pe hai 'akhilesh' ke sajaa aisi havaa chali ki zamaana badal gayaa itni sharaafaton mein kami aa gai hai aaj pahle thaa jo libaas puraanaa badal gayaa ahl-e-vafaa ne jis ki thi taarikh ki raqam 'faaruq' 'ishq kaa vo fasaana badal gayaa"

"jab tak mizaaj-e-dost mein kuchh barhami rahi goyaa bujhi bujhi si miri zindagi rahi jis par nigaah-e-lutf-e-karam aap ki rahi hairat se har nigaah use dekhti rahi go main rahaa kashaakash-e-dauraan se ham-kanaar lekin mire labon pe hansi khelti rahi laayaa hai ishq ne mujhe aise maqaam par khud-aagahi rahi na khudaa-aagahi rahi josh-e-junun ne manzil-e-maqsud paa liyaa aql-e-salim dekhti hi dekhti rahi sab kuchh mujhe 'khayaal' ki duniyaa mein mil gayaa lekin tumhaare husn-e-nazar ki kami rahi"

"aaina toD de rihaa kar de bevafaa ik yahi vafaa kar de rishta-e-dard toD de dil se rang ko phuul se judaa kar de zindagi-bhar tujhi ko chaahaa hai qarz kuchh to miraa adaa kar de de rahaa hai zakaat-e-husn agar mire haq se zaraa baDhaa kar de muddatein ho gaiin tujhe dekhe ab to milne kaa silsila kar de phir koi gul khile sar-e-mizhgaan phir dar-e-khvaab koi vaa kar de ik sitaare ko bakhsh kar mire khvaab phir use meraa aaina kar de baiThtaa jaa rahaa hai jaan kaa ghubaar ab use mujh se maavaraa kar de ai faqir-e-dayaar-e-laili-jaan mire haq mein bhi kuchh duaa kar de"