dil pe kuchh aur zakhm khaane de — Anees Ashfaq

"ru-e-gul chehra-e-mahtaab nahin dekhte hain ham tiri tarah koi khvaab nahin dekhte hain sina-e-mauj pe kashti ko ravaan rakhte hain gird apne koi gardaab nahin dekhte hain tishnagi mein bhi vo paaband-e-qanaaat hain ki ham bhuul kar bhi taraf-e-aab nahin dekhte hain sar bhi maujud hain shamshir-e-sitam bhi maujud shahr mein khuun kaa sailaab nahin dekhte hain aa gae hain ye mire shahr mein kis shahr ke log guftugu mein adab-aadaab nahin dekhte hain aanaa jaanaa unhin galiyon mein abhi tak hai magar ab vahaan majma-e-ahbaab nahin dekhte hain kis chaman mein hain ki mausam to gulon kaa hai magar ek bhi shaakh ko shaadaab nahin dekhte hain is pe hairaan hain kharidaar ki qimat hai bahut mere gauhar ki tab-o-taab nahin dekhte hain ho gae saare balaa-khez samundar paayaab ab safina koi gharqaab nahin dekhte hain"

"puchh mat meraa lahu sarf-e-sinaan kitnaa huaa dekh ye aa kar ki zaalim kaa ziyaan kitnaa huaa khauf-e-jaan thi us ki tegh-e-chashm ki tezi magar khaa liyaa jab zakhm to aaraam-e-jaan kitnaa huaa ho rahi hain aasmaan mein in ki parvaazein bahut in parindon se magar tai aasmaan kitnaa huaa har taraf gahri siyaahi hai muhit-e-'ishq mein ek sham'-e-dil ke bujhne se dhuaan kitnaa huaa vo jo majlis thi alam-paaron ke paDhne ki vahaan kuchh bataa mujh ko miraa qissa bayaan kitnaa huaa kar diyaa mere liye farsh-e-badan aaraasta raat hote hi vo mujh par mehrbaan kitnaa huaa main ne to us ke liye aankhein bichaai thiin magar pur-tapaaki se vo meri bad-gumaan kitnaa huaa yaad karne ki hamein mohlat mile to ham bataaein zulm teri mamlikat mein kab kahaan kitnaa huaa"

"aage ye garebaan na kabhi chaak karungaa vahshat se tire dasht ko ab paak karungaa jis din bhi huaa tez miraa sho'la-e-zulmat us din varaq-e-mahr tujhe khaak karungaa shab us ke liye masnad-e-mahtaab bichhaa kar taaron kaa tamaashaa tah-e-aflaak karungaa us ko bhi banaaungaa khush-aamoz talaatum aur khud ko bhi khaar o khas-o-khaashaak karungaa dekhungaa abhi aur bhi khanjar ki ravaani qaatil ko abhi aur bhi saffaak karungaa bal khaate hue jism pe ik zakhm lagaa kar is naar-e-mohabbat ko ghazabnaak karungaa dauD aayegaa vo aahu-e-chaalaak kahaan tak ik din to use basta-e-fitraak karungaa pahle to karungaa main tiri aatish-e-khun tez phir farsh-e-badan par tujhe bebaak karungaa"

"rukh kisi aur ki jaanib hai ishaare kuchh aur shahr mein chaahne vaale hain tumhaare kuchh aur itni jaldi nahin is raat mein aataa hai qaraar dil se kah do ki shab-e-hijr ko vaare kuchh aur saath rahtaa hai bahut roz koi 'ishq mein kab hain jo kuchh aur tumhaare to hamaare kuchh aur ho gaiin yaad tiri aayatein kuchh aur hamein paDh liye ham ne tire 'ishq ke paare kuchh aur main to samjhaa thaa ki ab raat hai jaane vaali aakhir-e-shab nikal aae hain sitaare kuchh aur ek aavaaz pe divaane kahaan lauTe hain mere aahu se kaho mujh ko pukaare kuchh aur khatm hotaa hi nahin silsila-e-tishna-labi log maujud hain dariyaa ke kinaare kuchh aur aaj ki raat vo baiThaa hai mire pahlu mein aaj ki raat falak chaand utaare kuchh aur itnaa aasaan nahin zanjir banaanaa is kaa pech vo aur de gesu ko sanvaare kuchh aur phir tiraa mulk rahegaa na tiraa taaj na takht baDh gae shahr mein gar zulm ke maare kuchh aur de mire haath mein ab apni mohabbat kaa 'asaa 'umr kaa tai ho safar is ke sahaare kuchh aur shahr mein khush-tanon khush-pairahanon ki khaatir 'ishq mein phir se uThaa lungaa khasaare kuchh aur"

"aisaa bhi tez nashtar-e-naa-mehrbaan na thaa yuun zakhm-zakhm chehra-e-uftaad-gaan na thaa vo pyaas thi ki halq se baahar thi har zabaan aur duur tak kahin koi dariyaa ravaan na thaa dastak pe ab gharon se koi boltaa nahin pahle ye shahr shahr-e-'adam-raftagaan na thaa ab ke the kaar-zaar mein sab aashnaa harif lekin vo khush-qatil ki shikva-kunaan na thaa khaamosh saa'aton mein thi raushan tiri sadaa Thahraa huaa thaa vaqt magar raaegaan na thaa baaraan-e-tez mein bhi rahe aashiyaana-soz sahn-e-chaman mein ham saa koi tafta-jaan na thaa"

"jald is shahr mein hai vaqt vo aane vaalaa ham se Dar jaaegaa khud ham ko Daraane vaalaa kal vahi shahr mein sho'lon ko havaa detaa thaa ham samajhte the jise aag bujhaane vaalaa vaqt har daur mein taarikh nai likhtaa hai miT na jaae kahin khud ham ko miTaane vaalaa uTh khaDe honge agar zulm ke maare hue log phir na aaegaa koi tujh ko bachaane vaalaa tu kisi aur taraf kuuch ki tayyaari kar hai koi aur tire takht par aane vaalaa koi hotaa nahin zanjir-e-sitam se aazaad vo sataayaa huaa ho yaa ho sataane vaalaa bhuul jaataa hai ki haath us ke bhi jal jaaeinge vo jo hai zulm ke sho'lon ko baDhaane vaalaa us se har khuun ke qatre kaa khudaa legaa hisaab hashr mein jaaegaa jab hashr uThaane vaalaa chup ye haq vaale na baiThe hain na baiTheinge kabhi sun le honTon pe mire muhr lagaane vaalaa ai parindo tumhein hushiyaar kiye dete hain phir nayaa jaal hai sayyaad bichhaane vaalaa piT chuke sab tire mohre ab uThaa apni bisaat khel hai khatm tiraa maat hai khaane vaalaa ham pe jo zakhm lage hain so lage hain lekin ek din khuun mein tu bhi hai nahaane vaalaa main karun tere liye jam' zar-o-laa’l-o-guhar aur tu mere khazaanon ko luTaane vaalaa yuun tire shahr mein fariyaad suni jaati hai paa-ba-zanjir hai zanjir hilaane vaalaa kyaa 'ajab ret ki divaar saa khud bhi gir jaae mere ghar ke dar-o-divaar giraane vaalaa"

"is ishq-e-junun-khez mein kyaa kyaa nahin hotaa divaana hai jo qais se lailaa nahin hotaa kuchh hashr lahad par abhi barpaa nahin hotaa aae ho to Thahro koi zinda nahin hotaa kyuun kar ye kahun husn kaa nashsha nahin hotaa hotaa to bahut hai magar itnaa nahin hotaa kuchh kahiye to sharmaa ke jhukaa lete hain gardan bhule se bhi ab vaada-e-fardaa nahin hotaa milte hain vo dil surkh hui jaati hai chuTki naazuk hain bahut khun-e-tamannaa nahin hotaa deti hai mazaa mai kaa hamein talkhi-e-tauba jab haath mein paimaana-e-sahbaa nahin hotaa vo hashr ke din kushte ko Thukraa chuke sau-baar kuchh jaan si paD jaati hai zinda nahin hotaa boli ye tamannaa jo ruke vo dar-e-dil par ghar aap kaa hai aap se pardaa nahin hotaa tiron ko jagah dete hain jo siine mein apne un logon ke ai jaan kaleja nahin hotaa sahraa se qadam ghar ki taraf khaak uThaaun kaanTe se judaa paanv kaa chhaalaa nahin hotaa baiThe nazar aate hain vahi teri gali mein jin kaa kahin duniyaa mein Thikaanaa nahin hotaa furqat mein hai kyuun nazaa ki taklif gavaaraa mar jaaein 'riyaaz' aap se itnaa nahin hotaa"

"muzhda ai zauq-e-asiri ki nazar aataa hai daam-e-khaali qafas-e-murgh-e-giraftaar ke paas jigar-e-tishna-e-aazaar tasalli na huaa ju-e-khun ham ne bahaai bun-e-har khaar ke paas mund gaiin kholte hi kholte aankhein hai hai khuub vaqt aae tum is 'aashiq-e-bimaar ke paas main bhi ruk ruk ke na martaa jo zabaan ke badle dashna ik tez saa hotaa mire gham-khvaar ke paas dahan-e-sher mein jaa baiThe lekin ai dil na khaDe ho jiye khubaan-e-dil-aazaar ke paas dekh kar tujh ko chaman bas-ki numu kartaa hai khud-ba-khud pahunche hai gul gosha-e-dastaar ke paas mar gayaa phoD ke sar 'ghaalib'-e-vahshi hai hai baiThnaa us kaa vo aa kar tiri divaar ke paas kab faqiron ko rasaai bu-e-mai-khvaar ke paas to bane bu dijiye maikhaane ki divaar ke paas"

"ajab mushkil ki dil kaa haal aisaa ho gayaa hai sabhi ab puchhte hain mujh se ye kyaa ho gayaa hai main ye samjhaa ki gham kaa ab mudaavaa ho gayaa hai kuredaa zakhm to ye aur taaza ho gayaa hai kabhi fursat mile to khud se main baatein karungaa mujhe khud se mile bhi to zamaana ho gayaa hai magar ab sochtaa huun toD duun saare maraasim magar dil bhi tire gham se shanaasaa ho gayaa hai miri barbaad hasti kaa nazaara dekhne ko vo aae aur gham mein phir izaafa ho gayaa hai isi dariyaa mein ab khud ko Dubonaa chaahtaa huun ki is dil kaa talaatum mein kinaare ho gayaa hai chalo bhi 'qalb' ab tum dusraa dekho Thikaanaa ki is basti mein apnaa sab paraayaa ho gayaa hai"

"dil shaad nahin karte aabaad nahin karte mahsus ye hotaa hai vo yaad nahin karte naashaad zamaane ke dil shaad nahin karte kam-aql parindon ko aazaad nahin karte mohtaaj-e-karam aksar rahte hain gharibon ke jo log gharibon ki imdaad nahin karte kuchh log shikaayat ko haq apnaa samajhte hain kuchh log kabhi tum se fariyaad nahin karte ham apne iraadon mein rakhte hain tavaanaai ham daad ke taalib ko bedaad nahin karte jo aap ki niyyat kaa kuchh ilm hamein hotaa ham apni mohabbat ko barbaad nahin karte is daur-e-siyaasat mein 'mahmud' qayaamat hai ahbaab jo karte hain jallaad nahin karte"

"kahe detaa huun go hai to nahin ye baat kahne ki tiri khvaahish nahin dil mein ziyaada der rahne ki bachaa kar dil guzartaa jaa rahaa huun har ta’alluq se kahaan us aable ko taab hai ab choT sahne ki rag-o-pai mein na hangaama kare to kyaa kare aakhir ijaazat jab nahin is ranj ko aankhon se bahne ki bas apni apni tarjihaat apni apni khvaahish hai tujhe shohrat kamaane ki mujhe ik she'r kahne ki jahaan kaa huun vahin ki raas aaegi fazaa mujh ko ye duniyaa bhi bhalaa koi jagah hai mere rahne ki jo kal 'irfaan' par guzri sunaa kuchh us ke baare mein khabar tum ne suni tufaan mein dariyaa ke bahne ki"

"bahr-e-rang-e-daastaan rahne diyaa ik tajassus darmiyaan rahne diyaa ab zamin ban kar bichhaa jaataa hai vo main ne jis ko aasmaan rahne diyaa raushni aur khvaab saare hech the apni aankhon mein dhuaan rahne diyaa vo jagah raushan nahin hogi kabhi is mohabbat ko jahaan rahne diyaa maan ne maathaa chuum kar rukhsat kiyaa maamtaa kaa saaebaan rahne diyaa kul milaa ke ye hai raaz-e-tishnagi ham ne dil ko sargiraan rahne diyaa khud hami paamaal Thahre shauq se khush-gumaan ko khush-gumaan rahne diyaa"