farogh-e-shaam kaa manzar us aaftaab mein thaa — Basheer Ahmad Shad

"safar kaThin hai main raahon se aashnaa bhi nahin tiri vafaa ke sivaa koi aasraa bhi nahin khudaa se maangne baiThaa huun is pari-vash ko mire nasib ki takhti pe jo likhaa bhi nahin main jaantaa huun use jaane kitni muddat se ye aur baat ki us shakhs se milaa bhi nahin uThaa ke haath mohabbat ki baargaahon mein main sochtaa huun ki ab koi muddaaa bhi nahin qadam qadam tiri raahon pe jugnuon ke charaagh ravish ravish miri qismat mein ik diyaa bhi nahin hazaar khvaab sajaae the apni raaton mein khuli jo aankh to manzar koi rahaa bhi nahin"

"raaton ki god mein the azaabon ke silsile aankhon mein phailte gae khvaabon ke silsile paikaar tham gai to khulaa raaz dosto milon talak the shahr-kharaabon ke silsile ab dil ki vusaton mein zaraa aa ke dekhiye yaadon ki sar-zamin pe gulaabon ke silsile sahraa ho reg-zaar ho yaa shahr-e-aarzu milte hain duur duur saraabon ke silsile rangin aanchalon mein vo lipTe hue jamaal aankhon mein jhaankte hain naqaabon ke silsile"

"khilqat-e-shahr to kahne ko fasaane maange meri rusvaai ke kyaa kyaa na bahaane maange main use roz nae zakhm dikhaaun phir bhi dil-e-be-mehr vahi dard puraane maange ek aavaara-e-manzil se mohabbat kar ke tu baDe shahr mein rahne ko Thikaane maange yaad-e-maazi ke sivaa paas mire kuchh bhi nahin tu meri jaan vo pahle se zamaane maange raat-bhar jaagte rahnaa to nasib apnaa thaa sone vaalaa to koi khvaab suhaane maange dil-e-naadaan se qanaaat ki tavaqqoa hai kise paa liyaa un ko to kyaa aur na jaane maange"

"kal zindagi ke khvaab ki taabir mil gai thi jis ki mujh ko justuju vo hiir mil gai apni duaa pe thaa mujhe kuchh is qadar yaqin maangi khudaa se jo vahi jaagir mil gai jo log be-vaqaar se phirte the shahr mein mere sabab se un ko bhi tauqir mil gai barsein vafaa ke chaand ki kirnein kuchh is tarah be-nur aanganon ko bhi tanvir mil gai qirtaas-e-zindagaani pe dekhaa jo ghaur se tujh jaisi hu-ba-hu koi tasvir mil gai haathon ki ulTi sidhi lakiron ko dekh kar vo shokh kah rahaa thaa ki tahrir mil gai"

"ghabraa gae the raah ko pur-khaar dekh kar himmat bandhi hai qaafila-e-saalaar dekh kar logon ko un pe aaj bhi hai rashk aa rahaa be-daam bik gae jo kharidaar dekh kar aaqaa tumhaare dam se hai rangini-e-hayaat ham ji rahe hain baarish-e-anvaar dekh kar chhaanv mein koi jal rahaa hai ye khabar na thi aae the ham to saaya-e-divaar dekh kar phir lauT kar na jaa sake is raahguzar se Thahre the yunhi zinat-e-baazaar dekh kar har zakhm ab gulaab ki maanind surkh hai ji khush huaa hai shiddat-e-aazaar dekh kar"

"dasht-e-ghurbat mein agar saath tumhaaraa hotaa kyuun na sadiyon kaa safar ham ko gavaaraa hotaa apni tazin se kuchh vaqt bachaa kar jaanaan mere maahaul ki zulfon ko sanvaaraa hotaa apne masnad se zaraa niche utar kar tu ne ek lamha hi mire saath guzaaraa hotaa ruk na jaataa vo kisi koh-e-giraan ki maanind tu ne gar vaqt ke dariyaa ko pukaaraa hotaa mere be-nur darichon mein ziyaa ki khaatir koi jugnu koi suraj koi taaraa hotaa"

"is ishq-e-junun-khez mein kyaa kyaa nahin hotaa divaana hai jo qais se lailaa nahin hotaa kuchh hashr lahad par abhi barpaa nahin hotaa aae ho to Thahro koi zinda nahin hotaa kyuun kar ye kahun husn kaa nashsha nahin hotaa hotaa to bahut hai magar itnaa nahin hotaa kuchh kahiye to sharmaa ke jhukaa lete hain gardan bhule se bhi ab vaada-e-fardaa nahin hotaa milte hain vo dil surkh hui jaati hai chuTki naazuk hain bahut khun-e-tamannaa nahin hotaa deti hai mazaa mai kaa hamein talkhi-e-tauba jab haath mein paimaana-e-sahbaa nahin hotaa vo hashr ke din kushte ko Thukraa chuke sau-baar kuchh jaan si paD jaati hai zinda nahin hotaa boli ye tamannaa jo ruke vo dar-e-dil par ghar aap kaa hai aap se pardaa nahin hotaa tiron ko jagah dete hain jo siine mein apne un logon ke ai jaan kaleja nahin hotaa sahraa se qadam ghar ki taraf khaak uThaaun kaanTe se judaa paanv kaa chhaalaa nahin hotaa baiThe nazar aate hain vahi teri gali mein jin kaa kahin duniyaa mein Thikaanaa nahin hotaa furqat mein hai kyuun nazaa ki taklif gavaaraa mar jaaein 'riyaaz' aap se itnaa nahin hotaa"

"hai jo ik maa'raka faisal nahin hone detaa jin vo ho ke mujhe botal nahin hone detaa qatl ik roz hi kartaa huun isi goshe mein aur saabit ise maqtal nahin hone detaa zid hai us ki ki har ik shaakh ho phir sabz hi sabz garche paidaa koi konpal nahin hone detaa raushni apne khayaalon hi se karni hogi koi raushan kahin mash'al nahin hone detaa chun-ki miTTi ki bhi ek apni alag khushbu hai main kahin bhi ise sandal nahin hone detaa ik parinda ki jo sahtaa hai havaaon kaa dabaao aur parvaaz ko paidal nahin hone detaa Dar hai us ko nazar aae na kahin zehn kaa 'aks vo miraa aaina saiqal nahin hone detaa tiraa qaanun hai jangal kaa ghanimat hai ki tu mire is shahr ko jangal nahin hone detaa chalo baat us ki sunein ek 'ajab mantiq se jo kisi baat ko muhmal nahin hone detaa"

"muzhda ai zauq-e-asiri ki nazar aataa hai daam-e-khaali qafas-e-murgh-e-giraftaar ke paas jigar-e-tishna-e-aazaar tasalli na huaa ju-e-khun ham ne bahaai bun-e-har khaar ke paas mund gaiin kholte hi kholte aankhein hai hai khuub vaqt aae tum is 'aashiq-e-bimaar ke paas main bhi ruk ruk ke na martaa jo zabaan ke badle dashna ik tez saa hotaa mire gham-khvaar ke paas dahan-e-sher mein jaa baiThe lekin ai dil na khaDe ho jiye khubaan-e-dil-aazaar ke paas dekh kar tujh ko chaman bas-ki numu kartaa hai khud-ba-khud pahunche hai gul gosha-e-dastaar ke paas mar gayaa phoD ke sar 'ghaalib'-e-vahshi hai hai baiThnaa us kaa vo aa kar tiri divaar ke paas kab faqiron ko rasaai bu-e-mai-khvaar ke paas to bane bu dijiye maikhaane ki divaar ke paas"

"ajab mushkil ki dil kaa haal aisaa ho gayaa hai sabhi ab puchhte hain mujh se ye kyaa ho gayaa hai main ye samjhaa ki gham kaa ab mudaavaa ho gayaa hai kuredaa zakhm to ye aur taaza ho gayaa hai kabhi fursat mile to khud se main baatein karungaa mujhe khud se mile bhi to zamaana ho gayaa hai magar ab sochtaa huun toD duun saare maraasim magar dil bhi tire gham se shanaasaa ho gayaa hai miri barbaad hasti kaa nazaara dekhne ko vo aae aur gham mein phir izaafa ho gayaa hai isi dariyaa mein ab khud ko Dubonaa chaahtaa huun ki is dil kaa talaatum mein kinaare ho gayaa hai chalo bhi 'qalb' ab tum dusraa dekho Thikaanaa ki is basti mein apnaa sab paraayaa ho gayaa hai"

"dil shaad nahin karte aabaad nahin karte mahsus ye hotaa hai vo yaad nahin karte naashaad zamaane ke dil shaad nahin karte kam-aql parindon ko aazaad nahin karte mohtaaj-e-karam aksar rahte hain gharibon ke jo log gharibon ki imdaad nahin karte kuchh log shikaayat ko haq apnaa samajhte hain kuchh log kabhi tum se fariyaad nahin karte ham apne iraadon mein rakhte hain tavaanaai ham daad ke taalib ko bedaad nahin karte jo aap ki niyyat kaa kuchh ilm hamein hotaa ham apni mohabbat ko barbaad nahin karte is daur-e-siyaasat mein 'mahmud' qayaamat hai ahbaab jo karte hain jallaad nahin karte"

"kahe detaa huun go hai to nahin ye baat kahne ki tiri khvaahish nahin dil mein ziyaada der rahne ki bachaa kar dil guzartaa jaa rahaa huun har ta’alluq se kahaan us aable ko taab hai ab choT sahne ki rag-o-pai mein na hangaama kare to kyaa kare aakhir ijaazat jab nahin is ranj ko aankhon se bahne ki bas apni apni tarjihaat apni apni khvaahish hai tujhe shohrat kamaane ki mujhe ik she'r kahne ki jahaan kaa huun vahin ki raas aaegi fazaa mujh ko ye duniyaa bhi bhalaa koi jagah hai mere rahne ki jo kal 'irfaan' par guzri sunaa kuchh us ke baare mein khabar tum ne suni tufaan mein dariyaa ke bahne ki"