jaane kis kis ko khaa gai miTTi — Dharmraj Deshraj

"dard-o-gham aur muflisi achchhi nahin vaqt ki ye dil-lagi achchhi nahin phuul ban kar vo chaman mahkaaegi shaakh se TuuTi kali achchhi nahin qimti saanson ko maqsad dijiye be-sabab si zindagi achchhi nahin aankh se aansu chhalak jaate yahaan had se zyaada bhi hansi achchhi nahin dhaDkanein baDhti hain un ko dekh kar dil se dil ki mukhbiri achchhi nahin aadmi ban kar raho do-chaar din sau baras ki zindagi achchhi nahin log kahte aadmi to Thiik hai par 'dharam' ki shaaeri achchhi nahin"

"dil mein un ki aarzu hone lagi aaine se guftugu hone lagi ham ne keval phuul kaa bosa liyaa jaane kyon vo surkh-ru hone lagi zakhm kuchh kuchh bhar chale yaa yuun kahein zindagi phir se shuru' hone lagi ab to ham ko ashk piinaa aa gayaa baat ye sab ku-ba-ku hone lagi sirf apne aap mein hi gum huaa aur meri justuju hone lagi chaahtaa huun main use aur vo mujhe ab ye charchaa ru-ba-ru hone lagi sirf un ki baat mahfil mein chali un ki khushbu chaar-su hone lagi"

"chaand ki jab se zarurat ho gai zindagi tab se musibat ho gai hichkiyaan aane kaa hai shaayad sabab un ki dil par bhi hukumat ho gai un ki aankhein nam hain mere vaaste mere zakhmon ki bhi 'izzat ho gai dard-o-gham baDhte gae kuchh is tarah dil pe un ki baadshaahat ho gai bik rahaa imaan bhi is shahr mein gum yaqinan hi sharaafat ho gai jab se rishte khuun ke bikhre mere dil ke zakhmon mein bhi barkat ho gai chaar chhe ghazlein 'dharam' ne kyaa kahin ye mire rab ki 'inaayat ho gai"

"sochtaa huun ki bhulaa duun us ko bebasi apni bataa duun us ko yaar ke lab pe tabassum rakh ke ashk piine ki sazaa duun us ko apni hasrat kaa janaaza le kar jaa rahaa huun ye bataa duun us ko apne hisse ki khushi bhi de kar gham uThaane ki sazaa duun us ko din-o-imaan ke luTere hain bahut sochtaa huun ki jagaa duun us ko mere rone pe khushi milti hai kyon na phir aaj hansaa duun us ko vo 'dharam' mujh ko buraa kahtaa hai aaina kyon na dikhaa duun us ko"

"hamaari bebasi dekhi nahin hai hui muddat ki ham ne pi nahin hai bhale hi aasmaan hai raahbar tu khudaa ke saamne kuchh bhi nahin hai jahaan ne chaand taare chhu liye hain paheli ziist ki samjhi nahin hai sataayaa is qadar ham ko jahaan ne kisi ki baat ab chubhti nahin hai uThaa luun sang haathon mein kahin na zabaan khaamosh hai par si nahin hai miraa ‘aib-o-hunar kuchh bhi samajh lo zaraa bhi lahje mein talkhi nahin hai vo kahte dil lagaao par 'dharam' ne abhi to zindagi dekhi nahin hai"

"dard tum ne diyaa vo thoDaa thaa raat ham ne hisaab joDaa thaa aaj bhi us jagah khaDaa huun main tum ne jaisaa jahaan pe chhoDaa thaa chaand baadal mein chhup gayaa meraa hasratein saath le ke dauDaa thaa aasmaan khaak mein milaa dekhaa maut ne har ghurur toDaa thaa naqsh-e-paa kah rahe kahaan manzil kaun hai ret par jo dauDaa thaa aansuon se vo tar-ba-tar niklaa maan kaa aanchal zaraa nichoDaa thaa raah roke khaDaa rahaa imaan meri manzil mein ye hi roDaa thaa"

"is ishq-e-junun-khez mein kyaa kyaa nahin hotaa divaana hai jo qais se lailaa nahin hotaa kuchh hashr lahad par abhi barpaa nahin hotaa aae ho to Thahro koi zinda nahin hotaa kyuun kar ye kahun husn kaa nashsha nahin hotaa hotaa to bahut hai magar itnaa nahin hotaa kuchh kahiye to sharmaa ke jhukaa lete hain gardan bhule se bhi ab vaada-e-fardaa nahin hotaa milte hain vo dil surkh hui jaati hai chuTki naazuk hain bahut khun-e-tamannaa nahin hotaa deti hai mazaa mai kaa hamein talkhi-e-tauba jab haath mein paimaana-e-sahbaa nahin hotaa vo hashr ke din kushte ko Thukraa chuke sau-baar kuchh jaan si paD jaati hai zinda nahin hotaa boli ye tamannaa jo ruke vo dar-e-dil par ghar aap kaa hai aap se pardaa nahin hotaa tiron ko jagah dete hain jo siine mein apne un logon ke ai jaan kaleja nahin hotaa sahraa se qadam ghar ki taraf khaak uThaaun kaanTe se judaa paanv kaa chhaalaa nahin hotaa baiThe nazar aate hain vahi teri gali mein jin kaa kahin duniyaa mein Thikaanaa nahin hotaa furqat mein hai kyuun nazaa ki taklif gavaaraa mar jaaein 'riyaaz' aap se itnaa nahin hotaa"

"ajab mushkil ki dil kaa haal aisaa ho gayaa hai sabhi ab puchhte hain mujh se ye kyaa ho gayaa hai main ye samjhaa ki gham kaa ab mudaavaa ho gayaa hai kuredaa zakhm to ye aur taaza ho gayaa hai kabhi fursat mile to khud se main baatein karungaa mujhe khud se mile bhi to zamaana ho gayaa hai magar ab sochtaa huun toD duun saare maraasim magar dil bhi tire gham se shanaasaa ho gayaa hai miri barbaad hasti kaa nazaara dekhne ko vo aae aur gham mein phir izaafa ho gayaa hai isi dariyaa mein ab khud ko Dubonaa chaahtaa huun ki is dil kaa talaatum mein kinaare ho gayaa hai chalo bhi 'qalb' ab tum dusraa dekho Thikaanaa ki is basti mein apnaa sab paraayaa ho gayaa hai"

"dil shaad nahin karte aabaad nahin karte mahsus ye hotaa hai vo yaad nahin karte naashaad zamaane ke dil shaad nahin karte kam-aql parindon ko aazaad nahin karte mohtaaj-e-karam aksar rahte hain gharibon ke jo log gharibon ki imdaad nahin karte kuchh log shikaayat ko haq apnaa samajhte hain kuchh log kabhi tum se fariyaad nahin karte ham apne iraadon mein rakhte hain tavaanaai ham daad ke taalib ko bedaad nahin karte jo aap ki niyyat kaa kuchh ilm hamein hotaa ham apni mohabbat ko barbaad nahin karte is daur-e-siyaasat mein 'mahmud' qayaamat hai ahbaab jo karte hain jallaad nahin karte"

"kyaa apne shahr mein koi aisaa makaan hai samjhun jise ki asl mein vo ik jahaan hai DhunDo haqiqat is mein na afsaana hi koi is kaa bayaan kuchh nahin us kaa bayaan hai apnaa shi'aar ab hai faqat amn-dushmani ye aur baat faakhta apnaa nishaan hai likhne ko ek harf na kahne ko ek lafz yuun to qalam hai haath mein munh mein zabaan hai vo lams jis ke baa'd zamaane guzar gae vo lams ab bhi taaza hai ab bhi javaan hai ho jaaegaa yaqin sabhon kaa hi kal jo aaj meraa yaqin aur sabhon kaa gumaan hai shatranj ki bisaat ki thi apni mez par shatranj ki bisaat ki saaraa jahaan hai"

"charaaghon se kuchh to churaayaa gayaa hai jo thi aag us ko bujhaayaa gayaa hai likhaa thaa jinhein sirf apne lahu se mire un khaton ko jalaayaa gayaa hai hazaaron daf'a us ne ki bevafaai mujhe bevafaa kyon bataayaa gayaa hai mujhe khud nikalnaa paDaa apne ghar se ye mat sochnaa ki bhagaayaa gayaa hai khabar ye mili hai ki mere hi ghar mein kisi ghair ko ab basaayaa gayaa hai mujhe hi sataa kar mujhe hi rulaa kar ye ilzaam mujh par lagaayaa gayaa hai tumhein kyaa bataaun mohabbat mein 'raavat' mujhe kis qadar aazmaayaa gayaa hai"

"bahr-e-rang-e-daastaan rahne diyaa ik tajassus darmiyaan rahne diyaa ab zamin ban kar bichhaa jaataa hai vo main ne jis ko aasmaan rahne diyaa raushni aur khvaab saare hech the apni aankhon mein dhuaan rahne diyaa vo jagah raushan nahin hogi kabhi is mohabbat ko jahaan rahne diyaa maan ne maathaa chuum kar rukhsat kiyaa maamtaa kaa saaebaan rahne diyaa kul milaa ke ye hai raaz-e-tishnagi ham ne dil ko sargiraan rahne diyaa khud hami paamaal Thahre shauq se khush-gumaan ko khush-gumaan rahne diyaa"