jis kaa dard baTaaogo — Mohsin Bhopali

"binaa-e-ishq hai bas ustuvaar karne tak falak ko chain kahaan phir ghubaar karne tak ye kab kahaa ki bharosaa nahin hai vaade par main ji sakungaa tiraa intizaar karne tak khabar na thi vo mujhe qatl karne aayaa hai main us ko dost samajhtaa thaa vaar karne tak phir is ke baad kahaan imtiyaaz-e-daaman-o-dil junun hai shauq faqat ikhtiyaar karne tak vo khu-e-ishq basi hai hamaari fitrat mein ki saath dete hain ham jaan nisaar karne tak kuchh is se pahle hi aa jaae meri ziist ki shaam hayaat vaqf ho jab din shumaar karne tak mere qabile kaa 'mohsin' ye qaul-e-faisal hai ki zulm zulm hai sabr ikhtiyaar karne tak"

"ye tai huaa hai ki qaatil ko bhi duaa diije khud apnaa khuun bahaa phir bhi khun-bahaa diije niyaaz-o-naaz bajaa hain magar ye shart-e-visaal hai sang-e-raah-e-taalluq ise haTaa diije sunaa thaa ham ne ki manzil qarib aa pahunchi kahaan hain aap agar ho sake sadaa diije sahar qarib sahi phir bhi kuchh baiid nahin charaagh bujhne lage hain to lau baDhaa diije mahakte zakhmon ko inaam-e-fasl-e-gul kahiye sulag uThe jo chaman barq ko duaa diije kuchh is tarah hai ki guzre hain jis qayaamat se samjhiye khvaab use khvaab ko bhulaa diije badal gae hain taqaaze sukhan-shanaasi ke udhar ataa ho idhar daad barmalaa diije ye kyaa zarur ki ehsaas ko zabaan mil jaae hai hukm-e-naghma-saraai to gungunaa diije"

"me'yaar-e-jehd jazba-e-isaar bhi nahin ye aap keh rahe hain to inkaar bhi nahin dekhein kahaan safina-e-ahl-e-sitam ruke ab ke to khun-bahaa ke talabgaar bhi nahin tashhir-e-kasmapursi-e-qaatil hi kijiye ab koi aur surat-e-izhaar bhi nahin sho'la-navaa hue bhi to kab ai navaa-garo hangaam-e-razm-o-'arsa-e-paikaar bhi nahin ab gaa rahe ho naghma-e-taqdis-e-zindagi jab zindagi ke jism pe ik taar bhi nahin 'mohsin' pe fard-e-jurm lagaaein to kis tarah maa'sum gar nahin hai gunahgaar bhi nahin"

"lafz to hon lab-e-izhaar na rahne paae ab samaaat pe koi baar na rahne paae kis tarah ke hain makin jin ki tag-o-dau hai yahi dar to baaqi rahein divaar na rahne paae is mein bhi pahlu-e-taskin nikal aataa hai ek hi surat-e-aazaar na rahne paae zehn-taa-zehn mahaktaa hi rahe zakhm-e-hunar fasl-e-harf o lab-e-izhaar na rahne paae ab ke mausam mein ye meyaar-e-junun Thahraa hai sar salaamat rahein dastaar na rahne paae koi darmaan ki havaa chikh rahi hai 'mohsin' nakhl-e-hasti pe koi baar na rahne paae"

"saron ki fasl kaaTi jaa rahi hai vo dekho surkh aandhi aa rahi hai haTaa lo sahn se kachche ghaDon ko kahin malhaar sohni gaa rahi hai miri dastaar kaise bach sakegi qasam vo mere sar ki khaa rahi hai ye barsegi kahin par aur jaa kar ghaTaa jo mere sar par chhaa rahi hai samajh rakkhaa hai kyaa divaangi ko ye duniyaa kyaa hamein samjhaa rahi hai tamannaa jald marne ki hai ham ko hayaat ab tak yunhi bahlaa rahi hai"

"dosto baargah-e-qatl sajaate jaao qarz hai rishta-e-jaan qarz chukaate jaao rahe khaamosh to ye honT sulag uTheinge shoala-e-fikr ko aavaaz banaate jaao apni taqdir mein sahraa hai to sahraa hi sahi aabla-paao! nae phuul khilaate jaao zindagi saaya-e-divaar nahin daar bhi hai ziist ko ishq ke aadaab sikhaate jaao be-zamiri hai sar-afraaz to gham kaisaa hai apni tazlil ko meaar banaate jaao ai mashihaao agar chaaragari hai dushvaar ho sake tum se nayaa zakhm lagaate jaao kaarvaan azm kaa roke se kahin ruktaa hai laakh tum raah mein divaar uThaate jaao ek muddat ki rifaaqat kaa ho kuchh to inaam jaate jaate koi ilzaam lagaate jaao jin ko gahna diyaa afkaar ki parchhaain ne 'mohsin' un chehron ko aaina dikhaate jaao"

"taavil-e-ahd-e-fan hi to vahshat kaa hal nahin pesh-e-nazar junun hai yaaro ghazal nahin ab is ke baad ahd ki taarik raat hai ye ikhtitaam-e-shaam hai subh-e-azal nahin ai dost ishq mansab-e-fahm-o-shuur hai ye irtiqaa hai zehn kaa koi khalal nahin ik umr ratjagon ki aziyyat mein kaaT di ab mere khvaab niind kaa radd-e-amal nahin kyaa kyaa ataa-e-neamat-e-rabb-e-karim hai lekin 'samir' dard kaa nemul-badal nahin"

"bistar-e-karb pe jab niind jalaai main ne tab kisi khvaab ki buniyaad uThaai main ne zakhm aise the ki har shakhs ke aage rakkhe baat aisi thi ki khud se bhi chhupaai main ne hurmat-e-gham ke liye khud ko aziyyat bakhshi phir usi dard se taskin bhi paai main ne main ne zakhmon ko kuredaa unhein taaza rakkhaa tab kahin dasht mein ki naghma-saraai main ne apni khiDki se yunhi khud ko pukaaraa kal shab aur phir khud ko vo aavaaz sunaai main ne jaane vaale se rag-e-jaan kaa bhi rishta thaa 'samir' ye samajhne mein bahut der lagaai main ne"

"jaagte hi nazar akhbaar mein kho jaati hai zindagi dard ke ambaar mein kho jaati hai naa-khudaa aql ke patvaar uThaataa hai ki jab kashti-e-dil miri manjdhaar mein kho jaati hai be-sabab sochne vaale kabhi sochaa tu ne aagahi kasrat-e-afkaar mein kho jaati hai uDte rahte hain khayaalaat ke jugnu phir bhi baat kyuun parda-e-izhaar mein kho jaati hai us ke kaamon kaa hai rangin khushaamad pe madaar aur mehnat miri isaar mein kho jaati hai hurmat-e-parda zaruri hai 'ataa-ji' varna chiiz jaisi bhi ho baazaar mein kho jaati hai"

"jahaan-e-dard-o-gham hai aur main huun tiraa naqsh-e-qadam hai aur main huun kisi ki aankh nam hai aur main huun vufur-e-shauq kam hai aur main huun mujhe hai daulat-e-kaunain haasil mire rab kaa karam hai aur main huun main apne aap ko pahchaantaa huun miraa apnaa bharam hai aur main huun yahi kyaa kam hai duniyaa-e-vafaa mein mujhe ehsaas-e-gham hai aur main huun kisi ki yaad kaa ehsaan hai mujh par sukun-e-dil baham hai aur main huun mujhe 'mahmud' koi Dar nahin hai miraa apnaa qalam hai aur main huun"

"chaand bhi khoyaa khoyaa saa hai taare bhi khvaabida hain aaj fazaa ke bojhal-pan se lahje bhi sanjida hain jaane kin kin logon se is dard ke kyaa kyaa rishte the hijr ki is aabaad saraa mein sab chehre naadida hain itne barson baad bhi donon kaise TuuT ke milte hain tu hai kitnaa saada-dil aur ham kitne pechida hain sun jaanaan ham tark-e-taalluq aur kisi din kar leinge aaj tujhe bhi ujlat si hai ham bhi kuchh ranjida hain kaanon mein ik sargoshi hai be-maani si sargoshi aankhon mein kuchh khvaab saje hain khvaab bhi umr-rasida hain ghar ki vo makhdush imaarat gir ke phir taamir hui ab aangan mein peD hain jitne saare shaakh burida hain is basti mein ek saDak hai jis se ham ko nafrat hai us ke niche pagDanDi hai jis ke ham girvida hain"

"kis ajab saaat-e-naayaab mein aayaa huaa huun tujh se milne main tire khvaab mein aayaa huaa huun phir vahi main huun, vahi hijr kaa dariyaa-e-amiq koi dam aks-e-sar-e-aab mein aayaa huaa huun kaise aaine ke maanind chamaktaa huaa main ishq ke shahr-e-abad-taab mein aayaa huaa huun meri har taan hai az-roz-e-azal taa-ba-abad ek sur ke liye mizraab mein aayaa huaa huun koi parchhaain kabhi jism se karti hai kalaam? be-sabab saaya-e-mahtaab mein aayaa huaa huun har guzarte hue lamhe mein Tapaktaa huaa mein dard huun, vaqt ke aasaab mein aayaa huaa huun kaisi gahraai se niklaa huun adam ki 'irfaan' kaise paayaab se taalaab mein aayaa huaa huun"