junun-e-shauq mein aadaab-e-raqs-e-vahshat kyaa — Ahmar Nadeem

"ye ek kaam bachaa thaa so vo bhi karne lage nafas nafas mein udaasi ke jaam bharne lage abhi to in ko murattab hi kar rahe the ham khayaal safha-e-qirtaas par bikharne lage sitam-zarifi-e-dauraan bhi raas aane lagi ye kis ki zulf ke saae mein ham sanvarne lage udaas naslon ko darkaar hai ik aur safar rukh-e-sahar pe shabon ke nuqush ubharne lage musaafiraan-e-taghayyur hain kaise saada mizaaj hayaat-e-nau ki bashaarat pe kaan dharne lage bas itnaa qissa hai aankhon mein khvaab aane kaa uThe sanbhal ke chale aur phir Thaharne lage"

"ye ek din kaa nahin tajraba hai barson kaa kabhi samajh mein na aayaa khitaab aankhon kaa huzur aap bhi to is qadar ziyaada hain shumaar kaun kare kam-nazar harifon kaa 'adaavatein hi sahi kuchh to ho 'ayaan ham par bahut hi sakht hai ye marhala hijaabon kaa jo baat dil mein nahin thi zabaan pe aai hai galaa na ghonT de ye vaqt ab dalilon kaa"

"aalaam-e-rozgaar se mar'ub ho gae saare usuul 'ishq ke maa’yub ho gae shaayad main apne aap se ghaafil na rah sakaa kuchh log meri zaat se mansub ho gae pahle-pahal to ham pe tiraa kuchh asar huaa phir dekhte hi dekhte maghlub ho gae pohnchaa na kuchh hamaaraa kahaa un ke zauq tak samjhe the ham ki saahib-e-uslub ho gae shohrat ki saadgi ne bhi kyaa kyaa na kuchh kiyaa kitne hi badtarin the jo khuub ho gae teraa firaaq baa'is-e-kaif-o-nashaat thaa duniyaa tire visaal mein majzub ho gae 'ahmar' kaa kyaa banaa koi puchhe to ye kaho nazr-e-sitam-zarifi-e-mahbub ho gae"

"tashbih ramz ras na kinaae ke bas mein hai vo husn-e-be-misaal miri dastaras mein hai aisaa nahin ki sirf hami hain thakan se chuur barson ki ik thakaan sadaa-e-jaras mein hai ahvaal mere shor-e-salaasil ke sun rafiq jaise ravaan-davaan koi dariyaa qafas mein hai ai chaaraagar ilaaj-e-gham-e-dil faqat nahin vahshat kaa ik jahaan tire bul-havas mein hai vaise to ho chuki hai mukammal miri ghazal ik matla'-e-'uruj magar pesh-o-pas mein hai"

"dasht-e-junun mein mere baraabar nahin koi honge hazaar qais pa 'ahmar' nahin koi tum ne chuni hai raah jo hamvaar hai bahut zaahid tumhaari raah mein patthar nahin koi tanhaa hi dushmanon ki hadon tak pahunch gayaa buzdil chale the saath mein lashkar nahin koi 'izzat-maaab qibla-o-'aali-janaab aap 'aali-janaab aap saa ahqar nahin koi is gham mein dil-girafta hai 'ahmar-nadim’ bas sar par gunah kaa bojh hai mahshar nahin koi"

"hangaama-e-hayaat ko koi to naam de ai zindagi mujhe tu munaasib maqaam de jaldi na kar ki saaqiyaa ye fe'l hai buraa baaqi hai shab tamaam saliqe se jaam de charchaa miri shikast kaa kuchh der tak to ho main kab ye chaahtaa thaa baqaa-e-davaam de ye kyaa ki ek taal pe duniyaa hai mahv-e-raqs is gardish-e-kuhan ko nae subh-o-shaam de 'ahmar-nadim' zabt ke pahlu ko thaam kar kyaa tausan-e-hayaat ko koi lagaam de"

"is ishq-e-junun-khez mein kyaa kyaa nahin hotaa divaana hai jo qais se lailaa nahin hotaa kuchh hashr lahad par abhi barpaa nahin hotaa aae ho to Thahro koi zinda nahin hotaa kyuun kar ye kahun husn kaa nashsha nahin hotaa hotaa to bahut hai magar itnaa nahin hotaa kuchh kahiye to sharmaa ke jhukaa lete hain gardan bhule se bhi ab vaada-e-fardaa nahin hotaa milte hain vo dil surkh hui jaati hai chuTki naazuk hain bahut khun-e-tamannaa nahin hotaa deti hai mazaa mai kaa hamein talkhi-e-tauba jab haath mein paimaana-e-sahbaa nahin hotaa vo hashr ke din kushte ko Thukraa chuke sau-baar kuchh jaan si paD jaati hai zinda nahin hotaa boli ye tamannaa jo ruke vo dar-e-dil par ghar aap kaa hai aap se pardaa nahin hotaa tiron ko jagah dete hain jo siine mein apne un logon ke ai jaan kaleja nahin hotaa sahraa se qadam ghar ki taraf khaak uThaaun kaanTe se judaa paanv kaa chhaalaa nahin hotaa baiThe nazar aate hain vahi teri gali mein jin kaa kahin duniyaa mein Thikaanaa nahin hotaa furqat mein hai kyuun nazaa ki taklif gavaaraa mar jaaein 'riyaaz' aap se itnaa nahin hotaa"

"hai jo ik maa'raka faisal nahin hone detaa jin vo ho ke mujhe botal nahin hone detaa qatl ik roz hi kartaa huun isi goshe mein aur saabit ise maqtal nahin hone detaa zid hai us ki ki har ik shaakh ho phir sabz hi sabz garche paidaa koi konpal nahin hone detaa raushni apne khayaalon hi se karni hogi koi raushan kahin mash'al nahin hone detaa chun-ki miTTi ki bhi ek apni alag khushbu hai main kahin bhi ise sandal nahin hone detaa ik parinda ki jo sahtaa hai havaaon kaa dabaao aur parvaaz ko paidal nahin hone detaa Dar hai us ko nazar aae na kahin zehn kaa 'aks vo miraa aaina saiqal nahin hone detaa tiraa qaanun hai jangal kaa ghanimat hai ki tu mire is shahr ko jangal nahin hone detaa chalo baat us ki sunein ek 'ajab mantiq se jo kisi baat ko muhmal nahin hone detaa"

"muzhda ai zauq-e-asiri ki nazar aataa hai daam-e-khaali qafas-e-murgh-e-giraftaar ke paas jigar-e-tishna-e-aazaar tasalli na huaa ju-e-khun ham ne bahaai bun-e-har khaar ke paas mund gaiin kholte hi kholte aankhein hai hai khuub vaqt aae tum is 'aashiq-e-bimaar ke paas main bhi ruk ruk ke na martaa jo zabaan ke badle dashna ik tez saa hotaa mire gham-khvaar ke paas dahan-e-sher mein jaa baiThe lekin ai dil na khaDe ho jiye khubaan-e-dil-aazaar ke paas dekh kar tujh ko chaman bas-ki numu kartaa hai khud-ba-khud pahunche hai gul gosha-e-dastaar ke paas mar gayaa phoD ke sar 'ghaalib'-e-vahshi hai hai baiThnaa us kaa vo aa kar tiri divaar ke paas kab faqiron ko rasaai bu-e-mai-khvaar ke paas to bane bu dijiye maikhaane ki divaar ke paas"

"ajab mushkil ki dil kaa haal aisaa ho gayaa hai sabhi ab puchhte hain mujh se ye kyaa ho gayaa hai main ye samjhaa ki gham kaa ab mudaavaa ho gayaa hai kuredaa zakhm to ye aur taaza ho gayaa hai kabhi fursat mile to khud se main baatein karungaa mujhe khud se mile bhi to zamaana ho gayaa hai magar ab sochtaa huun toD duun saare maraasim magar dil bhi tire gham se shanaasaa ho gayaa hai miri barbaad hasti kaa nazaara dekhne ko vo aae aur gham mein phir izaafa ho gayaa hai isi dariyaa mein ab khud ko Dubonaa chaahtaa huun ki is dil kaa talaatum mein kinaare ho gayaa hai chalo bhi 'qalb' ab tum dusraa dekho Thikaanaa ki is basti mein apnaa sab paraayaa ho gayaa hai"

"dil shaad nahin karte aabaad nahin karte mahsus ye hotaa hai vo yaad nahin karte naashaad zamaane ke dil shaad nahin karte kam-aql parindon ko aazaad nahin karte mohtaaj-e-karam aksar rahte hain gharibon ke jo log gharibon ki imdaad nahin karte kuchh log shikaayat ko haq apnaa samajhte hain kuchh log kabhi tum se fariyaad nahin karte ham apne iraadon mein rakhte hain tavaanaai ham daad ke taalib ko bedaad nahin karte jo aap ki niyyat kaa kuchh ilm hamein hotaa ham apni mohabbat ko barbaad nahin karte is daur-e-siyaasat mein 'mahmud' qayaamat hai ahbaab jo karte hain jallaad nahin karte"

"kahe detaa huun go hai to nahin ye baat kahne ki tiri khvaahish nahin dil mein ziyaada der rahne ki bachaa kar dil guzartaa jaa rahaa huun har ta’alluq se kahaan us aable ko taab hai ab choT sahne ki rag-o-pai mein na hangaama kare to kyaa kare aakhir ijaazat jab nahin is ranj ko aankhon se bahne ki bas apni apni tarjihaat apni apni khvaahish hai tujhe shohrat kamaane ki mujhe ik she'r kahne ki jahaan kaa huun vahin ki raas aaegi fazaa mujh ko ye duniyaa bhi bhalaa koi jagah hai mere rahne ki jo kal 'irfaan' par guzri sunaa kuchh us ke baare mein khabar tum ne suni tufaan mein dariyaa ke bahne ki"