kuchh nahin tere sivaa sochte hain — Mohsin Sahil

"us ne ham se yahi shikaayat ki is qadar ham se kyon mohabbat ki aashiqon ki namaaz hone lagi aur miyaan qais ne imaamat ki laae tashrif mere khvaabon mein khvaah-makhvaah aap ne ye zahmat ki vo the tazin-e-husn mein masruf ham ne milne mein thoDi ujlat ki us ne dekhaa magar na pahchaanaa khair jo bhi kiyaa inaayat ki phir sukun dil kaa ho gayaa barbaad teri yaadon ne kyaa qayaamat ki rishte aksar hain jhuuT par qaaem koi qimat nahin sadaaqat ki ishq ke naam par hue barbaad par na mahbub se shikaayat ki chand aansu hain us ki yaadein hain baat kuchh pochhiye na khalvat ki"

"kabhi jo muztarib ye dil rahaa hai to phir jiinaa bahut mushkil rahaa hai usi ko munsifi saunpi gai hai zaraa pahle jo ik qaatil rahaa hai vazaahat mein hue tum sarf jis ki vo mauzua ham pe kab mushkil rahaa hai hamaari kashtiyaan TuuTi bahut hain magar taqdir mein 'saahil' rahaa hai"

"ik do apne yaar hue baaqi sab aghyaar hue ab to zamaana biit gayaa mahlon ko baazaar hue lafzon ke kuchh tiir chale aur lahje talvaar hue kitne saavan biit gae gori kaa didaar hue paani se thaa khauf jinhein kaise dariyaa paar hue"

"kyaa kahaa aashiqi se kyaa haasil tu bataa zindagi se kyaa haasil khidmat-e-khalq bhi zaruri hai varna is bandagi se kyaa haasil raaste hi na jaaein manzil ko phir tiri rahbari se kyaa haasil kitni sadiyon se sah rahe hain gham do ghaDi ki khushi se kyaa haasil sirf dil kaa ghubaar hai 'saahil' varna is shaaeri se kyaa haasil"

"tumhein gulzaar honaa thaa hamein to khaar honaa thaa vahi dushman banaa apnaa ki jis ko yaar honaa thaa banaa kar tum ko chaaraagar hamein laachaar honaa thaa mohabbat khuub thi tum se faqat izhaar honaa thaa jahaan naasur thaa meraa vahin par vaar honaa thaa ghulaami chhoD aae ham hamein sardaar honaa thaa masihaa ban gayaa 'saahil' use bimaar honaa thaa"

"log jo gardish-e-ayyaam se Dar jaate hain maut se pahle hi samjho ki vo mar jaate hain ye jo kuchh log ki tufaan se Daraate hain hamein sarsaraahaT se ye patton ki bhi Dar jaate hain jis ko dekho vo haraasaan hai yahaan apnon se shukr hai shaam ko sab apne hi ghar jaate hain ab ke karnaa hai hamein tark-e-taalluq mein pahal ham ye kahte hain faqat aap to kar jaate hain ik tiraa gham thaa jise ham ne sanbhaalaa har dam varna tufaan se tinke to bikhar jaate hain un kaa daavaa hai ki suraj ko kareinge taskhir jo yahaan shaam ke jugnun se bhi Dar jaate hain"

"is ishq-e-junun-khez mein kyaa kyaa nahin hotaa divaana hai jo qais se lailaa nahin hotaa kuchh hashr lahad par abhi barpaa nahin hotaa aae ho to Thahro koi zinda nahin hotaa kyuun kar ye kahun husn kaa nashsha nahin hotaa hotaa to bahut hai magar itnaa nahin hotaa kuchh kahiye to sharmaa ke jhukaa lete hain gardan bhule se bhi ab vaada-e-fardaa nahin hotaa milte hain vo dil surkh hui jaati hai chuTki naazuk hain bahut khun-e-tamannaa nahin hotaa deti hai mazaa mai kaa hamein talkhi-e-tauba jab haath mein paimaana-e-sahbaa nahin hotaa vo hashr ke din kushte ko Thukraa chuke sau-baar kuchh jaan si paD jaati hai zinda nahin hotaa boli ye tamannaa jo ruke vo dar-e-dil par ghar aap kaa hai aap se pardaa nahin hotaa tiron ko jagah dete hain jo siine mein apne un logon ke ai jaan kaleja nahin hotaa sahraa se qadam ghar ki taraf khaak uThaaun kaanTe se judaa paanv kaa chhaalaa nahin hotaa baiThe nazar aate hain vahi teri gali mein jin kaa kahin duniyaa mein Thikaanaa nahin hotaa furqat mein hai kyuun nazaa ki taklif gavaaraa mar jaaein 'riyaaz' aap se itnaa nahin hotaa"

"muzhda ai zauq-e-asiri ki nazar aataa hai daam-e-khaali qafas-e-murgh-e-giraftaar ke paas jigar-e-tishna-e-aazaar tasalli na huaa ju-e-khun ham ne bahaai bun-e-har khaar ke paas mund gaiin kholte hi kholte aankhein hai hai khuub vaqt aae tum is 'aashiq-e-bimaar ke paas main bhi ruk ruk ke na martaa jo zabaan ke badle dashna ik tez saa hotaa mire gham-khvaar ke paas dahan-e-sher mein jaa baiThe lekin ai dil na khaDe ho jiye khubaan-e-dil-aazaar ke paas dekh kar tujh ko chaman bas-ki numu kartaa hai khud-ba-khud pahunche hai gul gosha-e-dastaar ke paas mar gayaa phoD ke sar 'ghaalib'-e-vahshi hai hai baiThnaa us kaa vo aa kar tiri divaar ke paas kab faqiron ko rasaai bu-e-mai-khvaar ke paas to bane bu dijiye maikhaane ki divaar ke paas"

"ajab mushkil ki dil kaa haal aisaa ho gayaa hai sabhi ab puchhte hain mujh se ye kyaa ho gayaa hai main ye samjhaa ki gham kaa ab mudaavaa ho gayaa hai kuredaa zakhm to ye aur taaza ho gayaa hai kabhi fursat mile to khud se main baatein karungaa mujhe khud se mile bhi to zamaana ho gayaa hai magar ab sochtaa huun toD duun saare maraasim magar dil bhi tire gham se shanaasaa ho gayaa hai miri barbaad hasti kaa nazaara dekhne ko vo aae aur gham mein phir izaafa ho gayaa hai isi dariyaa mein ab khud ko Dubonaa chaahtaa huun ki is dil kaa talaatum mein kinaare ho gayaa hai chalo bhi 'qalb' ab tum dusraa dekho Thikaanaa ki is basti mein apnaa sab paraayaa ho gayaa hai"

"dil shaad nahin karte aabaad nahin karte mahsus ye hotaa hai vo yaad nahin karte naashaad zamaane ke dil shaad nahin karte kam-aql parindon ko aazaad nahin karte mohtaaj-e-karam aksar rahte hain gharibon ke jo log gharibon ki imdaad nahin karte kuchh log shikaayat ko haq apnaa samajhte hain kuchh log kabhi tum se fariyaad nahin karte ham apne iraadon mein rakhte hain tavaanaai ham daad ke taalib ko bedaad nahin karte jo aap ki niyyat kaa kuchh ilm hamein hotaa ham apni mohabbat ko barbaad nahin karte is daur-e-siyaasat mein 'mahmud' qayaamat hai ahbaab jo karte hain jallaad nahin karte"

"kahe detaa huun go hai to nahin ye baat kahne ki tiri khvaahish nahin dil mein ziyaada der rahne ki bachaa kar dil guzartaa jaa rahaa huun har ta’alluq se kahaan us aable ko taab hai ab choT sahne ki rag-o-pai mein na hangaama kare to kyaa kare aakhir ijaazat jab nahin is ranj ko aankhon se bahne ki bas apni apni tarjihaat apni apni khvaahish hai tujhe shohrat kamaane ki mujhe ik she'r kahne ki jahaan kaa huun vahin ki raas aaegi fazaa mujh ko ye duniyaa bhi bhalaa koi jagah hai mere rahne ki jo kal 'irfaan' par guzri sunaa kuchh us ke baare mein khabar tum ne suni tufaan mein dariyaa ke bahne ki"

"bahr-e-rang-e-daastaan rahne diyaa ik tajassus darmiyaan rahne diyaa ab zamin ban kar bichhaa jaataa hai vo main ne jis ko aasmaan rahne diyaa raushni aur khvaab saare hech the apni aankhon mein dhuaan rahne diyaa vo jagah raushan nahin hogi kabhi is mohabbat ko jahaan rahne diyaa maan ne maathaa chuum kar rukhsat kiyaa maamtaa kaa saaebaan rahne diyaa kul milaa ke ye hai raaz-e-tishnagi ham ne dil ko sargiraan rahne diyaa khud hami paamaal Thahre shauq se khush-gumaan ko khush-gumaan rahne diyaa"