muft raaz-e-zindagi rusvaa kiyaa — Mohammad Saeed Razmi

"gila-e-jaur nahin shikva-e-bedaad nahin ham giraftaar-e-balaa khugar-e-fariyaad nahin zauq-e-parvaaz hai baaqi na tamannaa-e-bahaar shaad huun shaad ki minnat-kash-e-sayyaad nahin dil vahi josh vahi aur khayaalaat vahi kaun kahtaa hai ki zindaan mein ham aazaad nahin paas-e-aadaab-e-mohabbat hai ki khaamosh huun main ye na samjho ki mujhe taaqat-e-faryaad nahin taa-kujaa kashmakash-e-ranj-e-asiri sayyaad kyaa miri qaid-e-sitam ki koi miaad nahin dil-kashi aalam-e-ghurbat ki na puchho mujh se intihaa ye hai ki ab ghar bhi mujhe yaad nahin haasil-e-zist hai qurbaan-e-tajalli honaa zindagi khaak hai jo ishq mein barbaad nahin allah allaah ye majburi-e-bimaar-e-firaaq sabr ki taab nahin taaqat-e-faryaad nahin kyaa huaa aap kaa vo 'razmi'-e-shorida mizaaj aaj kyon mahfil-e-ishrat mein vo naashaad nahin"

"ik umr mein ab samjhaa duniyaa kaa ye haasil thaa jo naqsh thaa dhokaa thaa jo rang thaa baatil thaa hangaama-e-hasti se fursat jo mili dekhaa ik daagh-e-nadaamat hi kul ziist kaa haasil thaa ai mauj-e-lab-e-dariyaa sar piiT na tu apnaa jo gharq huaa us mein aazurda-e-saahil thaa kuchh zauq-e-samaaat hi duniyaa ko na thaa varna har saaz-e-khamoshi mein ik zamzama-e-dil thaa tufaan-e-havaadis mein jab ghaur kiyaa main ne khud aap hi dariyaa thaa khud aap hi saahil thaa duniyaa-e-mohabbat mein kaaba thaa na but-khaana har naqsh-e-qadam teraa ek sajda-gah-e-dil thaa har saans se paidaa thaa ik mahshar-e-rusvaai maanaa ki tiraa 'razmi' khaamosh thaa ghaafil thaa"

"vo jalva-gah-e-naaz hai yaa bazm-e-tur hai har ek zarra ru-kash-e-duniyaa-e-nur hai in khud-numaaiyon pe bhi mahrumiyaan 'ajab ai chashm-e-naa-muraad ye teraa qusur hai allaah re imbisaat-e-tamaashaa-e-husn-e-dost duniyaa asir-e-mauja-e-bahr-e-surur hai maayus ho na dil kisi ummid-vaar kaa ai husn-e-be-niyaaz tarahhum zarur hai nairangi-e-kamaal-e-mohabbat to dekhiye muusaa harif-e-jalva-e-lailaa-e-tur hai main aur taab-e-jalva-e-barq-e-jamaal-e-yaar ai aql-e-harzaa-kaar saraasar futur hai ranginiyon mein gharq hai kyon bazm-e-kaaenaat allaah kaun jalva-taraaz-e-zuhur hai is dushman-e-vafaa se hai ummid-e-iltifaat 'razmi' ye kyaa khayaal hai kuchh bhi shu'ur hai"

"kharaab-haal vafaa ko rulaae jaate hain nazar churaae hue muskuraae jaate hain vafaa-shi'aar sahi ghair mujh se kyon kahiye ye roz kis liye qisse sunaae jaate hain vafaa ki qadr tiri anjuman mein kyon hoti fareb-e-ghair ke naqshe jamaae jaate hain tum apne husn pe naazaan ho aur ahl-e-nazar dil-e-kharaab ki qimat baDhaae jaate hain kise khabar hai ki anjaam-e-aarzu kyaa ho nasib-e-ishq-o-vafaa aazmaae jaate hain kabhi to 'ishq-o-havas mein bhi chaahiye ye tamiz isi umiid pe sadme uThaae jaate hain khiraam-e-naaz ki hashr-aafriniyaan tauba qadam qadam pe qayaamat uThaae jaate hain ab un ki yaad ko kyon kar bhulaaiye dil se ki resha resha mein vo to samaae jaate hain sunaa hai ab to hain 'razmi' bhi baaryaab-e-jamaal us anjuman mein hamesha bulaae jaate hain"

"yaa gham-e-mahbub yaa jaam-e-sharaab haae vo sarmasti-e-ahd-e-shabaab mujh se puchh ai aarzu-e-kaamyaab e'tibaar-e-naala-e-naa-mustajaab al-hazar ai saazish-e-husn-o-shabaab kar diye dair-o-haram donon kharaab mukhtasar-tar hai yahi sharh-e-firaaq yaa tumhaari yaad yaa phir iztiraab haae in aankhon ki masti kyaa kahun har nazar parvarda-e-mauj-e-sharaab"

"aks-e-jamaal-e-yaar ki taasir dekhnaa dil ban gayaa hai husn ki tasvir dekhnaa aai hai phir chaman se havaa-e-junun-navaaz shaayad hai phir nasib mein zanjir dekhnaa phir dil ko hai kashaakash-e-hasrat se vaasta phir dil hai vaqt-e-kaavish-e-tadbir dekhnaa phir ibtilaa-e-ishq ki jurat hui mujhe phir hai fughaan ko hasrat-e-taasir dekhnaa phir jazb-aazmaa hai dil-e-be-qaraar-e-shauq phir hai kharosh naala-e-shab-gir dekhnaa phir ijz-e-shauq ne unhein maghrur kar diyaa phir tamkanat hui hai inaan-gir dekhnaa phir kashmakash se zabt ki ghabraa chalaa hai dil phir chaahtaa huun aah ki taasir dekhnaa phir ro rahaa huun ishrat-e-maazi ki yaad mein phir huun asir-e-gardish-e-taqdir dekhnaa phir ho rahi hai un se tasavvur mein guftugu phir huun main mahv-e-lazzat-e-taqrir dekhnaa qismat mein meri koi khushi ki ghaDi bhi hai ai vaaqifaan-e-nauha-e-taqdir dekhnaa 'razmi' hai dil mein phir havas-e-imtihaan-e-shauq phir chaahtaa huun burrish-e-shamshir dekhnaa"

"vo mujhe zindagi bataataa hai phir bhalaa kyon nazar churaataa hai main usi ko uThaa rahaa thaa par vo mujhe hi faqat giraataa hai yaad us ko kiyaa yahaan main ne par mujhe vo vahaan bhulaataa hai raaz saare bataa diye main ne kyon magar raaz vo chhupaataa hai log masruf hain mohabbat mein aur vo dil miraa dukhaataa hai"

"zindagi bojhal hui aazaar se jism jhuktaa jaa rahaa hai baar se doston ne is qadar dhoke diye aur raghbat baDh gai aghyaar se zindagi kaa ik nayaa imkaan huaa ik daricha khul gayaa divaar se ab bayaan kaise karun rudaad-e-gham kaam mushkil hai dil-e-naa-chaar se hijr ki raaton mein bahtaa hi rahaa ek naala chashm-e-dariyaa-baar se misl-e-majnun regzaaron mein rahe sar paTakte ret ki divaar se ham asiraan-e-mohabbat hain yahaan uljhe hain ab gesu-e-khamdaar se 'qalb' teri ghazlein yuun shaadaan karein dard nikle hai tire ashaar se"

"is ishq-e-junun-khez mein kyaa kyaa nahin hotaa divaana hai jo qais se lailaa nahin hotaa kuchh hashr lahad par abhi barpaa nahin hotaa aae ho to Thahro koi zinda nahin hotaa kyuun kar ye kahun husn kaa nashsha nahin hotaa hotaa to bahut hai magar itnaa nahin hotaa kuchh kahiye to sharmaa ke jhukaa lete hain gardan bhule se bhi ab vaada-e-fardaa nahin hotaa milte hain vo dil surkh hui jaati hai chuTki naazuk hain bahut khun-e-tamannaa nahin hotaa deti hai mazaa mai kaa hamein talkhi-e-tauba jab haath mein paimaana-e-sahbaa nahin hotaa vo hashr ke din kushte ko Thukraa chuke sau-baar kuchh jaan si paD jaati hai zinda nahin hotaa boli ye tamannaa jo ruke vo dar-e-dil par ghar aap kaa hai aap se pardaa nahin hotaa tiron ko jagah dete hain jo siine mein apne un logon ke ai jaan kaleja nahin hotaa sahraa se qadam ghar ki taraf khaak uThaaun kaanTe se judaa paanv kaa chhaalaa nahin hotaa baiThe nazar aate hain vahi teri gali mein jin kaa kahin duniyaa mein Thikaanaa nahin hotaa furqat mein hai kyuun nazaa ki taklif gavaaraa mar jaaein 'riyaaz' aap se itnaa nahin hotaa"

"jis din se meraa khvaab suhaanaa badal gayaa us din se zindagi kaa fasaana badal gayaa sunne lagaa huun jab se nasihat baDon ki main jaari thaa jo labon pe taraana badal gayaa pahchaan kaa havaala bhi baaqi nahin rahaa chehre ke saath aaina-khaana badal gayaa uThti nahin hai aankh bhi ab aasmaan ki samt jab se gali kaa chaand puraanaa badal gayaa tahzib jin ke ghar ki 'alaamat thi kal talak afsos aaj un kaa gharaanaa badal gayaa 'azmat kaa taaj sar pe hai 'akhilesh' ke sajaa aisi havaa chali ki zamaana badal gayaa itni sharaafaton mein kami aa gai hai aaj pahle thaa jo libaas puraanaa badal gayaa ahl-e-vafaa ne jis ki thi taarikh ki raqam 'faaruq' 'ishq kaa vo fasaana badal gayaa"

"jab tak mizaaj-e-dost mein kuchh barhami rahi goyaa bujhi bujhi si miri zindagi rahi jis par nigaah-e-lutf-e-karam aap ki rahi hairat se har nigaah use dekhti rahi go main rahaa kashaakash-e-dauraan se ham-kanaar lekin mire labon pe hansi khelti rahi laayaa hai ishq ne mujhe aise maqaam par khud-aagahi rahi na khudaa-aagahi rahi josh-e-junun ne manzil-e-maqsud paa liyaa aql-e-salim dekhti hi dekhti rahi sab kuchh mujhe 'khayaal' ki duniyaa mein mil gayaa lekin tumhaare husn-e-nazar ki kami rahi"

"aaina toD de rihaa kar de bevafaa ik yahi vafaa kar de rishta-e-dard toD de dil se rang ko phuul se judaa kar de zindagi-bhar tujhi ko chaahaa hai qarz kuchh to miraa adaa kar de de rahaa hai zakaat-e-husn agar mire haq se zaraa baDhaa kar de muddatein ho gaiin tujhe dekhe ab to milne kaa silsila kar de phir koi gul khile sar-e-mizhgaan phir dar-e-khvaab koi vaa kar de ik sitaare ko bakhsh kar mire khvaab phir use meraa aaina kar de baiThtaa jaa rahaa hai jaan kaa ghubaar ab use mujh se maavaraa kar de ai faqir-e-dayaar-e-laili-jaan mire haq mein bhi kuchh duaa kar de"