SHAWORDS

nahin gham gar khafaa saaraa jahaan hai — Hajir Dehlwi

Home›Hajir Dehlwi›Ghazal
"nahin gham gar khafaa saaraa jahaan hai khudaa kaa shukr hai vo mehrbaan hai yahaan fariyaad ki taaqat kahaan hai vo naahaq apne dil mein bad-gumaan hai nahin kuchh ishq mohtaaj-e-bayaan hai hamaaraa haal surat se ayaan hai niyaaz-o-naaz ishq-o-husn dekho hamaaraa sar hai un kaa aastaan hai vafaadaari mein gar be-misl hain ham sitam mein vo bhi yaktaa-e-zamaan hai haqiqat mein sitam-ijaad tum ho abas kuchh josh par tab-e-ravaan hai vazifa hai mujhe to naam un kaa ki har-dam hijr mein vird-e-zabaan hai hamein to haal kahnaa maut Thahraa tumhaare vaaste ik daastaan hai yahaan main hijr mein ghabraa rahaa huun khudaa maalum vo is dam kahaan hai haqiqat mein nigaahein kah rahi hain nihaan jis ko samajhte ho ayaan hai nazar ke saath tum bhi phir gae ho vo pahli si mohabbat ab kahaan hai hamaare vaaste hai khel marnaa unhein gar qatl aashiq kaa ravaan hai sukun-e-dil kabhi haasil na hogaa hamaare sar pe jab tak aasmaan hai adu jhijkaa to vo kahte hain us se chale aao tumhaaraa hi makaan hai koi utraa na is ke paar ab tak ki dariyaa-e-mohabbat be-karaan hai vo kahte hain miri turbat par aa kar ye mere kushta-e-gham kaa nishaan hai qazaa aai hai jo jaaun vahaan par malak-ul-maut un kaa paasbaan hai tabiat hai vahi ab bhi hamaari magar vo aap ki ulfat kahaan hai na 'haajir' ko faqat dehli kaa samjho ki ab vo shaair-e-hindostaan hai"
Urdu

نہیں غم گر خفا سارا جہاں ہے خدا کا شکر ہے وہ مہرباں ہے یہاں فریاد کی طاقت کہاں ہے وہ ناحق اپنے دل میں بد گماں ہے نہیں کچھ عشق محتاج بیاں ہے ہمارا حال صورت سے عیاں ہے نیاز و ناز عشق و حسن دیکھو ہمارا سر ہے ان کا آستاں ہے وفاداری میں گر بے مثل ہیں ہم ستم میں وہ بھی یکتائے زماں ہے حقیقت میں ستم ایجاد تم ہو عبث کچھ جوش پر طبع رواں ہے وظیفہ ہے مجھے تو نام ان کا کہ ہر دم ہجر میں ورد زباں ہے ہمیں تو حال کہنا موت ٹھہرا تمہارے واسطے اک داستاں ہے یہاں میں ہجر میں گھبرا رہا ہوں خدا معلوم وہ اس دم کہاں ہے حقیقت میں نگاہیں کہہ رہی ہیں نہاں جس کو سمجھتے ہو عیاں ہے نظر کے ساتھ تم بھی پھر گئے ہو وہ پہلی سی محبت اب کہاں ہے ہمارے واسطے ہے کھیل مرنا انہیں گر قتل عاشق کا رواں ہے سکون دل کبھی حاصل نہ ہوگا ہمارے سر پہ جب تک آسماں ہے عدو جھجکا تو وہ کہتے ہیں اس سے چلے آؤ تمہارا ہی مکاں ہے کوئی اترا نہ اس کے پار اب تک کہ دریائے محبت بے کراں ہے وہ کہتے ہیں مری تربت پر آ کر یہ میرے کشتۂ غم کا نشاں ہے قضا آئی ہے جو جاؤں وہاں پر ملک الموت ان کا پاسباں ہے طبیعت ہے وہی اب بھی ہماری مگر وہ آپ کی الفت کہاں ہے نہ ہاجرؔ کو فقط دہلی کا سمجھو کہ اب وہ شاعر ہندوستاں ہے

Hindi

नहीं ग़म गर ख़फ़ा सारा जहाँ है ख़ुदा का शुक्र है वो मेहरबाँ है यहाँ फ़रियाद की ताक़त कहाँ है वो नाहक़ अपने दिल में बद-गुमाँ है नहीं कुछ इश्क़ मोहताज-ए-बयाँ है हमारा हाल सूरत से अयाँ है नियाज़-ओ-नाज़ इश्क़-ओ-हुस्न देखो हमारा सर है उन का आस्ताँ है वफ़ादारी में गर बे-मिस्ल हैं हम सितम में वो भी यकता-ए-ज़माँ है हक़ीक़त में सितम-ईजाद तुम हो अबस कुछ जोश पर तब-ए-रवाँ है वज़ीफ़ा है मुझे तो नाम उन का कि हर-दम हिज्र में विर्द-ए-ज़बाँ है हमें तो हाल कहना मौत ठहरा तुम्हारे वास्ते इक दास्ताँ है यहाँ मैं हिज्र में घबरा रहा हूँ ख़ुदा मालूम वो इस दम कहाँ है हक़ीक़त में निगाहें कह रही हैं निहाँ जिस को समझते हो अयाँ है नज़र के साथ तुम भी फिर गए हो वो पहली सी मोहब्बत अब कहाँ है हमारे वास्ते है खेल मरना उन्हें गर क़त्ल आशिक़ का रवाँ है सुकून-ए-दिल कभी हासिल न होगा हमारे सर पे जब तक आसमाँ है अदू झिजका तो वो कहते हैं उस से चले आओ तुम्हारा ही मकाँ है कोई उतरा न इस के पार अब तक कि दरिया-ए-मोहब्बत बे-कराँ है वो कहते हैं मिरी तुर्बत पर आ कर ये मेरे कुश्ता-ए-ग़म का निशाँ है क़ज़ा आई है जो जाऊँ वहाँ पर मलक-उल-मौत उन का पासबाँ है तबीअ'त है वही अब भी हमारी मगर वो आप की उल्फ़त कहाँ है न 'हाजिर' को फ़क़त देहली का समझो कि अब वो शाइ'र-ए-हिन्दोस्ताँ है

Hajir DehlwiHajir DehlwiMaaIshqHijrMohabbat
nahīñ ġham gar ḳhafā saarā jahāñ hai
Hajir Dehlwi
Hajir Dehlwi
Hajir Dehlwi
poet24 quotes

More by Hajir Dehlwi

View all →
Quote
"vaaqif nahin hai koi hasinon ki chaal se dil kaa shikaar karte hain zulfon ke jaal se naaseh khudaa ke vaaste zikr-e-sanam na kar hotaa hai ranj aur kisi ke khayaal se aaegaa baaz tu na 'adu se mile baghair zaahir ye ho rahaa hai tiri chaal-Dhaal se us ke liye jahaan mein lutf-e-hayaat kyaa maayus ho gayaa ho jo tere visaal se ab raaz ham se khinchne kaa maa'lum ho gayaa karte ho khush 'adu ko hamaare malaal se ye bhi hai ik saliqa-e-inkaar dekhnaa chin-bar-jabin vo hote hain mere savaal se achchhaa ye 'ishq achchhi ye dil-bastagi hui aaya huun tang roz ke ranj-o-malaal se yuun to bashar ke vaaste iksir hai sharaab piinaa hai is kaa shart magar e'tidaal se dil mein agar vo khush hon to hairat kaa hai maqaam zaahir mein jo khafaa hain miri ‘arz-e-haal se kyaa kyaa guzar chuki hai mire dil pe hijr mein vaaqif nahin hain aap abhi mere haal se 'haajir' ke mo'taqid hon ye ham ko yaqin hai jaa kar milein gar aap bhi us baa-kamaal se"
Hajir DehlwiHajir Dehlwi
DilMaa
Quote
"adaaein hain jo us rashk-e-pari mein na DhunDe se mileingi vo kisi mein na dekhi vo kisi ki dushmani mein jo aafat hai tumhaari dosti mein taghaaful kis qadar himmat-shikan hai nahin hai ab koi armaan ji mein taDapte hain hazaaron kushta-e-gham qayaamat hai bapaa teri gali mein banaavaT mein vo kaifiyyat kahaan hai mazaa hai jo tumhaari saadgi mein vo kab sunne lage hain shikva-e-gham khafaa ho jaate hain jo dil-lagi mein judaa jab se hue ho tum miri jaan kami kuchh aa gai hai zindagi mein vahi dil ko bachaa saktaa hai gham se kabhi jo khush nahin hotaa khushi mein bachaanaa har balaa se ai khudaa tu tiraa hi aasraa hai be-kasi mein jo dil mein bas rahaa hai kaun hai vo kise maalum hai ye be-khudi mein tumhin ko chhinti hai mujh se duniyaa mile the ek tum hi zindagi mein na bhulegi ye sair-e-baagh 'haajir' kisi ko saath le kar chaandni mein"
Hajir DehlwiHajir Dehlwi
ZindagiKhudi
Quote
"adu pur-lutf hai ham par jafaa hai miri jaan kyaa yahi rasm-e-vafaa hai sitam-ijaad teri kyaa khataa hai miri taqdir hi mujh se khafaa hai ham apne haal ke qurbaan jaaein vo farmaate hain tum ko kyaa huaa hai tire dar par jabin-saai se haasil kahin taqdir kaa likkhaa miTaa hai tumhaari kaakul-e-pechaan se uljhun miraa baiThe biThaae sar-phiraa hai tasavvur ki fusun-kaari to dekho vo goyaa saamne baiThaa huaa hai abas karte ho taklif-e-mudaavaa mariz-e-gham kahin jaan-bar huaa hai vo sun kar kahte hain fariyaad 'haajir' kisi TuuTe hue dil ki sadaa hai"
Hajir DehlwiHajir Dehlwi
SadYaad
Quote
"unhein dushman se milne ki paDi hai yahaan betaabi-e-gham har ghaDi hai kisi surat gham-e-furqat saheinge karein kyaa ab to sar par aa paDi hai bandhaa hai aansuon kaa taar gham mein vo farmaate hain saavan ki jhaDi hai chale jaao zaraa Thokar lagaa kar hamaari laash raste mein paDi hai nigaah-e-yaar sharmaai hui hai khudaa maa'lum kis kis se laDi hai nahin hai paasbaan dar par tumhaare qayaamat hai ki khud aa kar khaDi hai adaa-e-ishq se kab aashnaa the tabi'at aap hi se kuchh laDi hai taDapte zindagi bhar us ko dekhaa nazar jis par tiri jaa kar paDi hai na kyon qaail huun us sannaaa kaa main ye surat jis ne fursat mein ghaDi hai nae raste nikaale shauq ne phir tabi'at jab kabhi apni aDi hai hujum itnaa hai kyon dar par tumhaare yahaan kyaa husn ki daulat gaDi hai nahin hai dil mein ye surat kisi ki koi tasvir shishe mein jaDi hai tumhaaraa naam hai har dam zabaan par tumhaari yaad dil ko har ghaDi hai ye hai kis fitna-gar ki aamad aamad jigar thaame hue khilqat khaDi hai gham-e-furqat se kyunkar jaan chhuTe baDi mushkil mein ab ye jaa paDi hai 'ayaadat ko mariz-e-gham ki aao ki us ki maut ab sar par khaDi hai abhi se vasl kaa armaan ai dil abhi to hijr ki manzil paDi hai muqaddar ne diyaa hai saath kyaa kyaa nigah us but se haT haT kar laDi hai tumhaare lab ko kyaa nisbat kisi se gul-e-tar ki ye naazuk pankhuDi hai sanbhal kar raah-e-ulfat mein qadam rakh are naadaan ye manzil kaDi hai mohabbat mein jo dil uljhaa hai dil se nazar un ki nazar se jaa laDi hai kiyaa hai muntakhab dil ne unhin ko nazar laakhon mein un par jaa paDi hai milaa hai 'ishq mein jo ranj 'haajir' vo us zanjir ki pahli kaDi hai"
Hajir DehlwiHajir Dehlwi
YaadKhudi
Quote
"sochtaa huun kabhi huron kaa khayaal achchhaa hai kabhi kahtaa huun ki us but kaa jamaal achchhaa hai mujh se kahte hain kaho 'ishq mein haal achchhaa hai chheD achchhi hai ye andaaz-e-savaal achchhaa hai na adaaein tiri achchhi na jamaal achchhaa hai asl mein chaahne vaale kaa khayaal achchhaa hai dekh kar shakl vo aaine mein apni bole kaun kahtaa hai ki huron kaa jamaal achchhaa hai jo hunar kaam na aae to hunar phir kaisaa kaam jo vaqt par aae vo kamaal achchhaa hai vo javaani vo adaa aur vo qadd-e-mauzun dekh kar bol uThaa dil bhi ki maal achchhaa hai hijr mein dil ne kahaa kucha-e-jaanaan mein chalo shauq kam-bakht ye bolaa ki khayaal achchhaa hai yuun to 'aashiq ke liye donon vabaal-e-jaan hain hijr se phir bhi har ik tarah visaal achchhaa hai aap jab hote nahin is kaa to phir zikr hi kyaa aap jab saamne baiThe hain to haal achchhaa hai jalva-afroz hon jab aap nazar ke aage vo mahina vo ghaDi aur vo saal achchhaa hai us ne jab pyaar se puchhaa ki kaho kaise ho munh se be-saakhta ye niklaa ki haal achchhaa hai lutf se khaali nahin jaur bhi un kaa 'haajir' jo hasinon se milaa hai vo malaal achchhaa hai"
Hajir DehlwiHajir Dehlwi
DilMaa
Quote
"aap kaa intizaar rahtaa hai dil bahut be-qaraar rahtaa hai ye sifat hai sharaab-e-ulfat mein zindagi bhar khumaar rahtaa hai kuchh khabar bhi hai tere kuche mein koi ummid-vaar rahtaa hai aap ke dar pe raat din haazir aap kaa jaan-nisaar rahtaa hai haal-e-dil ishq mein nahin chhuptaa shakl se aashkaar rahtaa hai dil miraa kyon na rashk-e-jannat ho is mein koi nigaar rahtaa hai zindagi se to bhar gayaa hai dil maut kaa intizaar rahtaa hai chaar hoti hain un se jab nazrein dil pe kab ikhtiyaar rahtaa hai jis ko paas-e-zabaan nahin hotaa sab ki nazron mein khaar rahtaa hai dil kahaan pheink duun kise de duun ye bahut be-qaraar rahtaa hai yaad hai vo nigaah-e-mast ab tak be-piye hi khumaar rahtaa hai phir kisi ke firaaq mein 'haajir' raat din ashk-baar rahtaa hai"
Hajir DehlwiHajir Dehlwi
ZindagiYaad

More on Maa

View all →
Quote
"dil shaad nahin karte aabaad nahin karte mahsus ye hotaa hai vo yaad nahin karte naashaad zamaane ke dil shaad nahin karte kam-aql parindon ko aazaad nahin karte mohtaaj-e-karam aksar rahte hain gharibon ke jo log gharibon ki imdaad nahin karte kuchh log shikaayat ko haq apnaa samajhte hain kuchh log kabhi tum se fariyaad nahin karte ham apne iraadon mein rakhte hain tavaanaai ham daad ke taalib ko bedaad nahin karte jo aap ki niyyat kaa kuchh ilm hamein hotaa ham apni mohabbat ko barbaad nahin karte is daur-e-siyaasat mein 'mahmud' qayaamat hai ahbaab jo karte hain jallaad nahin karte"
Mahmood NashtariMahmood Nashtari
YaadDil
Quote
"kyaa apne shahr mein koi aisaa makaan hai samjhun jise ki asl mein vo ik jahaan hai DhunDo haqiqat is mein na afsaana hi koi is kaa bayaan kuchh nahin us kaa bayaan hai apnaa shi'aar ab hai faqat amn-dushmani ye aur baat faakhta apnaa nishaan hai likhne ko ek harf na kahne ko ek lafz yuun to qalam hai haath mein munh mein zabaan hai vo lams jis ke baa'd zamaane guzar gae vo lams ab bhi taaza hai ab bhi javaan hai ho jaaegaa yaqin sabhon kaa hi kal jo aaj meraa yaqin aur sabhon kaa gumaan hai shatranj ki bisaat ki thi apni mez par shatranj ki bisaat ki saaraa jahaan hai"
M
M. Qamruddin
Maa
Quote
"charaaghon se kuchh to churaayaa gayaa hai jo thi aag us ko bujhaayaa gayaa hai likhaa thaa jinhein sirf apne lahu se mire un khaton ko jalaayaa gayaa hai hazaaron daf'a us ne ki bevafaai mujhe bevafaa kyon bataayaa gayaa hai mujhe khud nikalnaa paDaa apne ghar se ye mat sochnaa ki bhagaayaa gayaa hai khabar ye mili hai ki mere hi ghar mein kisi ghair ko ab basaayaa gayaa hai mujhe hi sataa kar mujhe hi rulaa kar ye ilzaam mujh par lagaayaa gayaa hai tumhein kyaa bataaun mohabbat mein 'raavat' mujhe kis qadar aazmaayaa gayaa hai"
Divyansh RawatDivyansh Rawat
MaaMohabbat
Quote
"bahr-e-rang-e-daastaan rahne diyaa ik tajassus darmiyaan rahne diyaa ab zamin ban kar bichhaa jaataa hai vo main ne jis ko aasmaan rahne diyaa raushni aur khvaab saare hech the apni aankhon mein dhuaan rahne diyaa vo jagah raushan nahin hogi kabhi is mohabbat ko jahaan rahne diyaa maan ne maathaa chuum kar rukhsat kiyaa maamtaa kaa saaebaan rahne diyaa kul milaa ke ye hai raaz-e-tishnagi ham ne dil ko sargiraan rahne diyaa khud hami paamaal Thahre shauq se khush-gumaan ko khush-gumaan rahne diyaa"
Bushra MasuudBushra Masuud
DilMaa
Quote
"aakhiri hal thaa yahi pesh-e-nazar jaane diyaa ek gahri saans li phir khvaab mar jaane diyaa saarbaanaa de gavaahi mujh ko pyaari thi anaa rakh liyaa zaad-e-safar aur ham-safar jaane diyaa hazrat-e-naaseh ki khush-uftaadgi pe daad hai khud jidhar se aae the sab ko udhar jaane diyaa is harim-e-naaz mein yuun be-mahaabaa guftugu kuchh bharam rakkhaa to hotaa tum ko gar jaane diyaa tujh ko rokaa jaa rahaa thaa raushni thi jab talak shaam ke Dhalte samay suraj ko ghar jaane diyaa aankh sapne dekhti thi aansuon se kyon bhari chaahti to puchh leti main magar jaane diyaa dostaa qismat na ho to koshishein bekaar hain sabr kaa paimaana ham ne khud hi bhar jaane diyaa dil musir thaa baarhaa kuchh jaanchne ko ruk gae aakhirash us ne hamein baar-e-digar jaane diyaa"
Bushra MasuudBushra Masuud
DilKhudi