paron ko khol zamaana uDaan dekhtaa hai — Shakeel Azmi

"kahin se chaand kahin se qutub-numaa niklaa qadam jo ghar se nikaalaa to raasta niklaa jalaayaa dhuup mein khud ko to ek saaya saa hamaare jism ki divaar se lagaa niklaa tamaam-umr bhaTaktaa rahaa main tere liye tiraa vajud hi hasti kaa muddaaa niklaa tumhaari aankhon mein sadiyon ki pyaas Duub gai hamaari ruuh se ehsaas-e-karbalaa niklaa gurez karne lagaa hai tire khayaal se bhi hamaaraa dil bhi tiri tarah bevafaa niklaa miraa hi naam kabhi 'mir' thaa ghazal vaalo nae safar mein bhi meraa hi naqsh-e-paa niklaa charaagh ghar mein jalaa chhoD kar gae the 'shakil' safar se lauTe to sab kuchh bujhaa bujhaa niklaa"

"sabhi hain jhuThe to sach main hi bol kar dekhun bahut andheraa hai lekin TaTol kar dekhun miraa charaagh bujhegaa yaa raushni hogi havaa ke saath ye jhagDaa bhi mol kar dekhun pata chale ki miraa shahr kitnaa behis hai fazaa mein zahr kisi roz ghol kar dekhun ye dekhnaa hai vo kitnaa qarib aataa hai us ajnabi se zaraa mel-jol kar dekhun pakaD rakhe hain kai khvaab meri aankhon ne jo niind aae to darvaaza khol kar dekhun sunaa hai 'ishq mein divaangi zaruri hai tu ek lai mein badal main bhi Dol kar dekhun tu zindagi hai to ho jaaun main fanaa tujh mein tu film hai to koi main bhi role kar dekhun"

"kahin mandiron mein diyaa nahin kahin masjidon mein du'aa nahin mire shahr mein hain khudaa bahut magar aadmi kaa pataa nahin yahaan ghaav hai yahaan vaar hai ye siyaasaton kaa dayaar hai yahaan koi teraa janaa nahin yahaan koi meraa sagaa nahin ye jo dil mein dard kaa raag hai ye dabi hui koi aag hai main vo zakhm huun jo bharaa nahin main vo daagh huun jo miTaa nahin kahin yuun na ho tire haath mein main havaa se mil ke bhaDak uThun abhi khel mat miri raakh se main sulag rahaa huun bujhaa nahin miri taazgi se Dare hue hain kai puraane gulaab bhi mire haq mein logo du'aa karo abhi Thiik se main khilaa nahin na main bhiiD huun na main shor huun main isi liye koi aur huun kai rang aae gae magar koi rang mujh pe chaDhaa nahin vo jo haal chaDh ke utar gayaa jo khayaal tham ke guzar gayaa kabhi tu ne mujh se sunaa nahin kabhi main ne tujh se kahaa nahin na to meraa koi raqib thaa na to meraa koi habib thaa tujhe khonaa meraa nasib thaa mujhe tujh se koi gila nahin mujhe she'r kahnaa thaa kah diyaa mujhe she'r paDhnaa thaa paDh diyaa mujhe taaliyon ki havas nahin mujhe shohraton kaa nasha nahin ye jo botalon mein sharaab hai ye kharaab thi ye kharaab hai ise chhoD de ise toD de ye kisi maraz ki davaa nahin"

"ajiib manzar hai baarishon kaa makaan paani mein bah rahaa hai falak zamin ki hudud mein hai nishaan paani mein bah rahaa hai tamaam faslein ujaD chuki hain na hal bachaa hai na bail baaqi kisaan girvi rakhaa huaa hai lagaan paani mein bah rahaa hai azaab utraa to paanv sab ke zamin ki sathon se aa lage hain havaa ke ghar mein nahin hai koi machaan paani mein bah rahaa hai koi kisi ko nahin bachaataa sab apni khaatir hi tairte hain ye din qayaamat kaa din ho jaise jahaan paani mein bah rahaa hai udaas aankhon ke baadalon ne dilon ke gard-o-ghubaar dhoe yaqin patthar banaa khaDaa hai gumaan paani mein bah rahaa hai"

"aasmaanon se zaminon ko milaane vaale jhuTe hote hain ye taqdir bataane vaale ab to mar jaataa hai rishta hi bure vaqton par pahle mar jaate the rishton ko nibhaane vaale jo tire 'aib bataataa hai use mat khonaa ab kahaan milte hain aaina dikhaane vaale ban gayaa zahr miri lau kaa dhuaan raat gae subh uTThe hi nahin mujh ko bujhaane vaale tujh mein himmat hai to suraj ke muqaabil bhi aa mere maa'sum charaaghon ko Daraane vaale ab gayaa hai to palaT kar mujhe aavaaz na de lauT ke mat aa mujhe chhoD ke jaane vaale parde darvaazon pe aangan mein hasin chehre the gaanv mein ghar huaa karte the khazaane vaale"

"kabhi kabhi tiri aavaaz par rukun bhi nahin ki tu bulaae mujhe aur main sunun bhi nahin is intizaar mein zid kaa bhi ek pahlu hai kivaaD khol duun aur raasta takun bhi nahin tamaam shahr sune mujh ko tere honTon se tire sivaa main kisi aur pe khilun bhi nahin vo duur ho to lage us se koi rishta hai qarib aae to main us kaa kuchh lagun bhi nahin likhegaa kaun adhuri talaash kaa nauha tiri talab kaa mire sar mein ab junun bhi nahin na jaane TuuT ke gir jaae kab saron pe 'shakil' ki aasmaan ki imaarat mein ik sutun bhi nahin"

"is ishq-e-junun-khez mein kyaa kyaa nahin hotaa divaana hai jo qais se lailaa nahin hotaa kuchh hashr lahad par abhi barpaa nahin hotaa aae ho to Thahro koi zinda nahin hotaa kyuun kar ye kahun husn kaa nashsha nahin hotaa hotaa to bahut hai magar itnaa nahin hotaa kuchh kahiye to sharmaa ke jhukaa lete hain gardan bhule se bhi ab vaada-e-fardaa nahin hotaa milte hain vo dil surkh hui jaati hai chuTki naazuk hain bahut khun-e-tamannaa nahin hotaa deti hai mazaa mai kaa hamein talkhi-e-tauba jab haath mein paimaana-e-sahbaa nahin hotaa vo hashr ke din kushte ko Thukraa chuke sau-baar kuchh jaan si paD jaati hai zinda nahin hotaa boli ye tamannaa jo ruke vo dar-e-dil par ghar aap kaa hai aap se pardaa nahin hotaa tiron ko jagah dete hain jo siine mein apne un logon ke ai jaan kaleja nahin hotaa sahraa se qadam ghar ki taraf khaak uThaaun kaanTe se judaa paanv kaa chhaalaa nahin hotaa baiThe nazar aate hain vahi teri gali mein jin kaa kahin duniyaa mein Thikaanaa nahin hotaa furqat mein hai kyuun nazaa ki taklif gavaaraa mar jaaein 'riyaaz' aap se itnaa nahin hotaa"

"ajab mushkil ki dil kaa haal aisaa ho gayaa hai sabhi ab puchhte hain mujh se ye kyaa ho gayaa hai main ye samjhaa ki gham kaa ab mudaavaa ho gayaa hai kuredaa zakhm to ye aur taaza ho gayaa hai kabhi fursat mile to khud se main baatein karungaa mujhe khud se mile bhi to zamaana ho gayaa hai magar ab sochtaa huun toD duun saare maraasim magar dil bhi tire gham se shanaasaa ho gayaa hai miri barbaad hasti kaa nazaara dekhne ko vo aae aur gham mein phir izaafa ho gayaa hai isi dariyaa mein ab khud ko Dubonaa chaahtaa huun ki is dil kaa talaatum mein kinaare ho gayaa hai chalo bhi 'qalb' ab tum dusraa dekho Thikaanaa ki is basti mein apnaa sab paraayaa ho gayaa hai"

"dil shaad nahin karte aabaad nahin karte mahsus ye hotaa hai vo yaad nahin karte naashaad zamaane ke dil shaad nahin karte kam-aql parindon ko aazaad nahin karte mohtaaj-e-karam aksar rahte hain gharibon ke jo log gharibon ki imdaad nahin karte kuchh log shikaayat ko haq apnaa samajhte hain kuchh log kabhi tum se fariyaad nahin karte ham apne iraadon mein rakhte hain tavaanaai ham daad ke taalib ko bedaad nahin karte jo aap ki niyyat kaa kuchh ilm hamein hotaa ham apni mohabbat ko barbaad nahin karte is daur-e-siyaasat mein 'mahmud' qayaamat hai ahbaab jo karte hain jallaad nahin karte"

"kahe detaa huun go hai to nahin ye baat kahne ki tiri khvaahish nahin dil mein ziyaada der rahne ki bachaa kar dil guzartaa jaa rahaa huun har ta’alluq se kahaan us aable ko taab hai ab choT sahne ki rag-o-pai mein na hangaama kare to kyaa kare aakhir ijaazat jab nahin is ranj ko aankhon se bahne ki bas apni apni tarjihaat apni apni khvaahish hai tujhe shohrat kamaane ki mujhe ik she'r kahne ki jahaan kaa huun vahin ki raas aaegi fazaa mujh ko ye duniyaa bhi bhalaa koi jagah hai mere rahne ki jo kal 'irfaan' par guzri sunaa kuchh us ke baare mein khabar tum ne suni tufaan mein dariyaa ke bahne ki"

"kyaa apne shahr mein koi aisaa makaan hai samjhun jise ki asl mein vo ik jahaan hai DhunDo haqiqat is mein na afsaana hi koi is kaa bayaan kuchh nahin us kaa bayaan hai apnaa shi'aar ab hai faqat amn-dushmani ye aur baat faakhta apnaa nishaan hai likhne ko ek harf na kahne ko ek lafz yuun to qalam hai haath mein munh mein zabaan hai vo lams jis ke baa'd zamaane guzar gae vo lams ab bhi taaza hai ab bhi javaan hai ho jaaegaa yaqin sabhon kaa hi kal jo aaj meraa yaqin aur sabhon kaa gumaan hai shatranj ki bisaat ki thi apni mez par shatranj ki bisaat ki saaraa jahaan hai"

"charaaghon se kuchh to churaayaa gayaa hai jo thi aag us ko bujhaayaa gayaa hai likhaa thaa jinhein sirf apne lahu se mire un khaton ko jalaayaa gayaa hai hazaaron daf'a us ne ki bevafaai mujhe bevafaa kyon bataayaa gayaa hai mujhe khud nikalnaa paDaa apne ghar se ye mat sochnaa ki bhagaayaa gayaa hai khabar ye mili hai ki mere hi ghar mein kisi ghair ko ab basaayaa gayaa hai mujhe hi sataa kar mujhe hi rulaa kar ye ilzaam mujh par lagaayaa gayaa hai tumhein kyaa bataaun mohabbat mein 'raavat' mujhe kis qadar aazmaayaa gayaa hai"