sard mausam kaa sar-e-shaam taqaazaa kyaa hai — Krishn Murari

"phir jahaan-e-aarzu ki dilkashi bahlaa gai aati-jaati kuchh ruton ki raagni bharmaa gai phir badan kaa ik ta'alluq chuTkiyaan lene lagaa ik hasin mauj-e-havaa phir raaste mahkaa gai ishrat-e-nazzaargi thi be-khudi-e-shauq tak uf khirad ki raushni manzar sabhi dhundlaa gai ajnabi se lams shaayad ajnabi hi rah gae be-hisi be-chehragi chehron pe yaksar chhaa gai aah vo ehsaas kaa aalam ki jab lab sil gae aap-biti aap palkon par machal kar aa gai aasmaan-e-fikr par yaadon ki ik qaus-e-quzah maaziyon kaa ruup daur-e-haal mein dikhlaa gai raaston ki dhuul mein thiin irtiqaa ki manzilein justuju kuchh zindagi ke raaste dikhlaa gai aati-jaati sab ruton kaa le rahi thi jaaeza rahrav-e-darmaanda ki aankh jo pathraa gai raah chalte husn ki parchhaaiyon ke ruup mein kuchh machalti rangaton ki tishnagi bharmaa gai"

"zindagi bhar ham jise kahte rahe hain zindagi hai faqat tasvir-e-hasrat sar-basar tishna-labi chaahaton ke shokh naghmon se musalsal khelti aas ki masti fazaa mein duur tak lahraa gai phir udaasi shaam ki kuchh aur gahri ho gai phir kisi ghaaeb-shuda manzar ki hai jaadugari manzilon ki ik shagufta manzari ko naapti saanvli si ik thakan hai manzilon ke paas hi yuun musalsal mauj mein hai ek tufaan-e-nafi mutmain hai zakhm-e-dil se zakhm-e-dil ki taazgi yaad teri kuchh dabe paanv hi shaayad aa gai dastakein hain ab dar-e-dil par bahut khaamosh si munakis hai shokh nuqton par mizaaj-e-shaaeri ek sanjida tanavvo lahja lahja pukhtagi lamha lamha kuchh nai be-taabiyon se aashnaa nit-nae tevar badalti hai fazaa bhar aagahi in labon par saj gai harf-e-ijaazat ki tarah ik ghalat andaaz lahje ki hasin aavaargi gungunaate hain sitaare jhilmilaati loriyaan vaqt ko shaayad fazaa ki god mein niind aa gai bebasi kuchh is tarah likkhi hai chehre par mire aanktaa hai har bashar yaksar miri bechaargi ab sameTo daastaanon kaa bikhartaa silsila hai navaa-e-nim-shab ki saadhnaa khaamoshi si"

"piit ki chanchal agan thi daaera-dar-daaera raqs mein koi lagan thi daaera-dar-daaera aas ki sundar kiran thi daaera-dar-daaera shokhi-e-rang-e-chaman thi daaera-dar-daaera khud mein hi kitni magan thi daaera-dar-daaera justuju jo be-thakan thi daaera-dar-daaera chuTkiyaan letaa rahaa thaa haadisa ik qurb kaa naachti shital pavan thi daaera-dar-daaera ujli ujli raushni se khelti thi dam-ba-dam teri zulf-e-pur-shikan thi daaera-dar-daaera chehra chehra kuchh nai be-taabiyon se aashnaa soch ki dilbar thakan thi daaera-dar-daaera dam-ba-dam aankhon mein raqsaan nit-nae andaaz se shokhi-e-simin-badan thi daaera-dar-daaera chand naa-karda gunaahon ke tavaaf-e-shauq mein fikr-o-fan ki ik jhanan thi daaera-dar-daaera phir kisi harf-e-tahi kaa zaaiqa lab par liye ek chintaa tan-badan thi daaera-dar-daaera ik javaan si sansanaahaT kaa darakhshaan silsila aarzuon ki phaban thi daaera-dar-daaera ubhre sinon ki machalti marmarin si taazgi kis qadar tauba-shikan thi daaera-dar-daaera"

"chhaa gai soch ki ek be-kal ghaTaa dekh mausam ye shaayad hai barsaat kaa koi nazrein bachaa kar gayaa paas se koi nazrein churaa kar rahaa dekhtaa raqs mein thi khayaalon ki ik anjuman jhanjhanaane lagi shokh dilkash fazaa gungunaane lagi husn ki be-rukhi jab kisi ki vafaaon kaa charchaa huaa raqs karti rahin shokh tanhaaiyaan yaad kaa ek mausam suhaanaa lagaa thaa javaabon talak ek lambaa safar ajnabi se savaalon ne uljhaa diyaa bitte mausamon ki adaaein liye haadisa ek dil par guzartaa gayaa phir na guzri kabhi chain se zindagi teri bechain nazron ne kyaa kah diyaa"

"na zer-e-paa zamin baandho na sar par aasmaan baandho faqat tark-e-tamannaa ki dilon mein daastaan baandho lataafat phir milegi kab hasin rangin shaamon ki isi nuqte pe Thahraa hai yahi dilkash samaan baandho badalti kuchh ruton par aas hai be-kal manaazir ki tum apni lazzat-e-husn-e-nazar ko darmiyaan baandho badan-bhar ik ta'alluq chuTkiyaan lene lage shaayad guzarte khushnumaa manzar kaa aks-e-shaadmaan baandho jahaan-e-shauq ki phir ishrat-e-aavaargi le kar machaltaa dilrubaa be-kal surur-e-jaavedaan baandho bikharti dhuul raahon ki machalti jaae rah rah kar masaafat ke junun mein ye ghubaar-e-kaarvaan baandho lataafat chaahaton ki muskuraati hai fazaaon mein vahi chanchal hasin dilkash hadis-e-dostaan baandho nazar ke zaaviyon se naap lo ye shauq ki duniyaa koi ummid ahl-e-husn se kyon raaegaan baandho"

"chhanak chhanak si paael paael naache shokh nashili miTTi bikti jaae nagri nagri badan badan chamkili miTTi karvaT karvaT dard chhupaa kar palkon par sapne bikhraa kar ashkon se ham gundh rahe hain kaali niili piili miTTi chhoD ke mat tum jaanaa hargiz basti ke albele logo degi roz sadaaein tum ko basti ki rangili miTTi palkon kaa sangit sunaa kar chaahat ki khushbu lahraa kar man aangan mein dhuup bichhaae muTThi bhar chamkili miTTi dhaDkan dhaDkan mein bas jaae qurbat qurbat dil bahlaae dilbar dilbar raas rachaae pag pag sughaD sajili miTTi shahr-o-qarya ghuum gai hai man masti mein jhuum rahi hai mahlon ki mehraab bani hai gaanv ki sharmili miTTi umaD rahaa hai be-kal be-kal prem kaa dariyaa tufaan tufaan humak rahi hai aaj ghaDe ki kachchi kachchi piili miTTi kumhaaran ne chaak chalaayaa be-kal saa jaadu dikhlaayaa rup-rup mein Dhalti jaae chanchal chhail-chhabeli miTTi haule-haule chal ai raahi sanbhal sanbhal kar narm-ravi se main bhi thi sartaaj kisi ki bol rahi hai giili miTTi"

"raftagaan ki sadaa nahin main huun ye tiraa vaahima nahin main huun tere maazi ke saath dafn kahin meraa ik vaaqi'a nahin main huun kyaa milaa intihaa-pasandi se kyaa main tere sivaa nahin main huun ek muddat mein jaa ke mujh pe khulaa chaand hasrat-zada nahin main huun us ne mujh ko muhaal jaan liyaa main ye kahtaa rahaa nahin main huun main hi 'ujlat mein aa gayaa thaa idhar ye zamaana nayaa nahin main huun meri vahshat se Dar gae shaayad yaar baad-e-fanaa nahin main huun main tire saath rah gayaa huun kahin vaqt Thahraa huaa nahin main huun gaahe gaahe sukhan zaruri hai saamne aaina nahin main huun sarsari kyuun guzartaa hai mujh se ye miraa maajraa nahin main huun us ne puchhaa kahaan gayaa vo shakhs kyaa bataataa ki thaa nahin main huun ye kise dekhtaa hai mujh se udhar tere aage khalaa nahin main huun"

"phir khuun mein vahshat raqsaan hai tajdid sitam karne ke liye ik taaza zakhm ki khvaahish hai ik sadma kam karne ke liye ham din-bhar duniyaa-daari mein hans hans ke baatein karte hain phir saari raat pighalte hain ik ashk raqam karne ke liye vo vasl ki jis ne ham donon ko yaksar be-buniyaad kiyaa ab fursat hai aa mil baiThein us vasl kaa gham karne ke liye ik kaari zakhm ki chaahat ne kyaa kyaa na hamein gulzaar kiyaa ham kis kis se mansub hue ik hijr baham karne ke liye insaan ke jiine marne ke majburi ke mukhtaari ke ye saare khel zaruri hain taamir adam karne ke liye"

"khel duniyaa-e-'aarzi kaa huun ek kirdaar zindagi kaa huun mujh ko rakkhaa gayaa andhere mein main bhi haqdaar raushni kaa huun intihaa ke qarib hai duniyaa aadmi aakhiri sadi kaa huun dil ko ehsaas ho gayaa teraa mo'tarif teri dosti kaa huun main ne ghurbat mein 'ilm sikhaa hai main to maqruz muflisi kaa huun pur na hogaa jo mere baa'd kabhi ek aisaa khalaa kami kaa huun meraa dushman nahin 'khayaali' koi dost bhi main kisi kisi kaa huun"

"nahin piitaa main par navaazish hui hai baDi mausamon ki sifaarish hui hai bahut din se sahraa ke jaisaa ye dil hai na baadal ghire hain na baarish hui hai yahaan hai bulandi jo kirdaar ki to vahaan khaal-o-khad ki numaaish hui hai tiri jhiil jaisi jo dekhi hain aankhein miri Duub jaane ki khvaahish hui hai chhalaktaa nahin khuun zakhmon se aise kahin naakhunon ki bhi kaavish hui hai hamein 'ishq mein mubtalaa kar rahe hain nazar aur dil mein ye saazish hui hai vahaan dushmanon ki baDi yaad aai jahaan doston ki navaazish hui hai vafaa-daariyon kaa sila mil rahaa hai hamaari sadaa aazmaaish hui hai pareshaaniyon mein jo ham mubtalaa hain yaqinan koi ham se laghzish hui hai vahin apni aankhon ko ham chhoD aae jahaan manzaron ki numaaish hui hai raqibon ko hai chhuT mahfil mein un ki mire aane jaane pe bandish hui hai ghazal kahnaa 'faaruq' main chhoD dungaa isi baat par un se ranjish hui hai"

"jab se aayaa huun tere gaanv mein rang hi rang hain fazaaon mein aa ki dukh sukh ki koi baat karein baiTh kar shishamon ki chhaanv mein main bhi kartaa huun zabt ki koshish to bhi takhfif kar adaaon mein vo tiraa dafatan bichhaD jaanaa vo miraa dekhnaa khalaaon mein ho agar koi gosh-bar-aavaaz ik khamoshi bhi hai sadaaon mein yahi mere liye ghanimat hai saans le luun khuli fazaaon mein"

"bas ki ik lams ki ummid pe vaare hue hain so tire saamne ye khaak pasaare hue hain jaane kab un ko bujhaa baiThe koi baad-e-alam sar-e-mizhgaan-e-tamannaa jo sitaare hue hain zindagi tu bhi hamein vaise hi ik roz guzaar jis tarah ham tujhe barson se guzaare hue hain nit-nae naqsh karein us pe aziyyat ke raqam aa ki ham takhti-e-dil apni pachaare hue hain kab kuchal jaaein kisi paanv se ham barg-e-vajud vaqt ki dhuup mein vaise hi karaare hue hain jaante hain ki tu hi ishq-badan ko hai libaas ham tiraa ruup jo aashuftagi dhaare hue hain apni jurat ki sataaish ho ki ham chob-mizaaj rabt rakhte hain sadaa un se jo aare hue hain"