tegh-e-pur-khun vo agar dhoe kanaar-e-dariyaa — Munawar Khan Ghafil

"chashm-e-khunbaar saa barse na kabhu paani ek abr har chand kare apnaa lahu paani ek shust-o-shu naama-e-aamaal ki jis se hoe baras ai abr-e-karam mujh pe vo tu paani ek laakh paani se main dhoyaa na chhuTaa zakhm kaa khuun kaam aayaa na mire vaqt-e-rafu paani ek aaj tak ashk miri aankh se girte hain safed zarf mein apne ye rakhtaa hai subu paani ek taa-kamar abr-e-mizha apnaa to barsaa sau baar na huaa mauj-zanaan ta-ba-gulu paani ek ham tiri chaal se dil kyunki na haarein is ai charkh baazi dushvaar hai tujh se to adu paani ek baazi-e-murgh mein bhi haar rahi 'ghaafil' ki tujh se jiitaa na vo ai arbada-ju paani ek"

"har uzv-e-badan ek se hai ek tiraa khuub siine ki safaai se hai chehre ki safaa khuub qaasid ke badan par alif-e-zakhm lage hain khat kaa mire likkhaa ye javaab aap ne kyaa khuub aagaah nahin hai koi ahvaal se mere jo mujh pe guzarti hai vo jaane hai khudaa khuub ban ban ke dahan halqa-e-gesu-e-musalsal luuTe hai tire bosa-e-aariz kaa mazaa khuub abtar huaa jo sher kahaa zulf kaa teri baandhaa koi mazmun hinaa kaa to bandhaa khuub madfun kiyaa teri hi gali mein use aakhir paai tire aashiq ne pas-e-marg bhi jaa khuub do-chaar hi shab maah to rahtaa hai nahufta muddat hui dekhaa nahin vo maah chhupaa khuub sharbat ke evaz suda-e-almaas pilaayaa ki aap ne bimaar-e-mohabbat ki davaa khuub ruk ruk ke jo dam nikle hai mazbuh kaa tere kyaa khanjar-e-khun-khvaar tiraa tez na thaa khuub maghrur na honaa karam-e-yaar pe 'ghaafil' paaegaa abhi dil ke lagaane ki sazaa khuub"

"ye kaun saa parvaana muaa jal ke lagan mein hairat se jo hai shama ki angusht dahan mein kahte hain use chaah-e-zanakhdaan ghalati se bose kaa nishaan hai ye tire seb-e-zaqan mein vo aaina-tan aaina phir kis liye dekhe jo dekh le munh apnaa har ik uzv-e-badan mein vo subah ko is Dar se nahin baam par aataa naama na koi baandh de suraj ki kiran mein mazmun nahin likhte ham use daagh-e-jigar kaa rakh dete hain laale ki kali khat ki shikan mein ye gard-e-kudurat se pas-e-marg thaa dil saaf dhabbaa na lagaa khaak kaa bhi mere kafan mein zindaan mein asiron se ye kahtaa thaa mah-e-misr ghurbat hi mein aaraam milaa aur na vatan mein"

"shaana to chhuTaa zulf-e-pareshaan se ulajh kar suljhaa na ye dil kaakul-e-pechaan se ulajh kar letaa hai khabar kaun asiraan-e-balaa ki mar mar gae taariki-e-zindaan se ulajh kar zoron pe chaDhaa hai ye miraa panja-e-vahshat daaman se ulajhtaa hai garebaan se ulajh kar divaane khat-o-zulf ke saude ki lahar mein kyaa kyaa na bake sumbul-o-raihaan se ulajh kar aasaar-e-qayaamat kahin jaldi ho numaayaan ghabraae hai ji ab shab-e-hijraan se ulajh kar Dartaa huun kahin taab nazaakat se na khaave mu-e-kamar us zulf-e-pareshaan se ulajh kar sau pech mein aayaa hai hamaaraa dil-e-sad-chaak shaana ki tarah kaakul-e-pechaan se ulajh kar girdaab-e-balaa mein dil-e-aashiq ko phansaayaa baali ne tiri zulf-e-pareshaan se ulajh kar tai kar gae sab kaaba-e-maqsud ki manzil ik rah gae ham nakhl-e-mughilaan se ulajh kar dauDaa huaa jaataa hai raqib us ki gali ko yaarab ye gire raste mein daamaan se ulajh kar jazb-e-dil-e-majnun ne kiyaa kaam jo apnaa naaqa na rukaa khaar-e-bayaabaan se ulajh kar yaarab main use dekhun agar dida-e-bad se rah jaae nazar panja-e-mizhgaan se ulajh kar ai tir-fagan bas hai yahi mujh ko tamannaa chhuTe na rag-e-jaan tire paikaan se ulajh kar mat bahs raqibaan-e-kaj-andesh se 'ghaafil' be-qadr na ho aise safihaan se ulajh kar"

"kyunkar ye tuf-e-ashk se mizhgaan mein lagi aag shabnam se kahin bhi hai niyastaan mein lagi aag na us se dhuaan nikle hai na shoala uThe hai ye turfa hamaare dil-e-naalaan mein lagi aag aatish jo hamaare tan-e-pur-daagh ki bhaDki daaman se bujhaai to garebaan mein lagi aag ghar tu ne raqibon kaa na ai aah jalaayaa phir kyaa jo mire kulba-e-ihzaan mein lagi aag shaakhein shajar-e-bid se aahu ne ragaD kar vo shoala nikaalaa ki bayaabaan mein lagi aag taasir tiri dekh li ai aah-e-sharar-baar ik din na kabhi gumbad-e-gardaan mein lagi aag allaah-re garmi-e-mai angur ki 'ghaafil' ik jaam ko piite hi dil-o-jaan mein lagi aag"

"ham faqiron kaa sune gar zikr-e-arra faakhta apni ku-ku par kare hargiz na gharra faakhta jal ke khaakistar abhi ho jaae tu ik aan mein gar tire dil mein ho soz-e-ishq zarra faakhta chashm-e-tar se apni tu sairaab rakh shamshaad ko yaan darakht-e-khushk par chaltaa hai arra faakhta jaama-e-khaakistari se tere ye saabit huaa apni darveshi kaa hai tujh bhi gharra faakhta jis par us maah-e-tamaami-posh kaa saaya paDe baagh mein vo sarv ho rashk-e-maharra faakhta ishq-e-mizhgaan ne bhi to khinchaa hai daar-e-sarv par yaad-e-abru mein agar hai zer-e-arra faakhta murgh-e-bustaani kaa us ke saamne dam band hai naghma-sanji mein na kar 'ghaafil' se gharra faakhta"

"is ishq-e-junun-khez mein kyaa kyaa nahin hotaa divaana hai jo qais se lailaa nahin hotaa kuchh hashr lahad par abhi barpaa nahin hotaa aae ho to Thahro koi zinda nahin hotaa kyuun kar ye kahun husn kaa nashsha nahin hotaa hotaa to bahut hai magar itnaa nahin hotaa kuchh kahiye to sharmaa ke jhukaa lete hain gardan bhule se bhi ab vaada-e-fardaa nahin hotaa milte hain vo dil surkh hui jaati hai chuTki naazuk hain bahut khun-e-tamannaa nahin hotaa deti hai mazaa mai kaa hamein talkhi-e-tauba jab haath mein paimaana-e-sahbaa nahin hotaa vo hashr ke din kushte ko Thukraa chuke sau-baar kuchh jaan si paD jaati hai zinda nahin hotaa boli ye tamannaa jo ruke vo dar-e-dil par ghar aap kaa hai aap se pardaa nahin hotaa tiron ko jagah dete hain jo siine mein apne un logon ke ai jaan kaleja nahin hotaa sahraa se qadam ghar ki taraf khaak uThaaun kaanTe se judaa paanv kaa chhaalaa nahin hotaa baiThe nazar aate hain vahi teri gali mein jin kaa kahin duniyaa mein Thikaanaa nahin hotaa furqat mein hai kyuun nazaa ki taklif gavaaraa mar jaaein 'riyaaz' aap se itnaa nahin hotaa"

"hai jo ik maa'raka faisal nahin hone detaa jin vo ho ke mujhe botal nahin hone detaa qatl ik roz hi kartaa huun isi goshe mein aur saabit ise maqtal nahin hone detaa zid hai us ki ki har ik shaakh ho phir sabz hi sabz garche paidaa koi konpal nahin hone detaa raushni apne khayaalon hi se karni hogi koi raushan kahin mash'al nahin hone detaa chun-ki miTTi ki bhi ek apni alag khushbu hai main kahin bhi ise sandal nahin hone detaa ik parinda ki jo sahtaa hai havaaon kaa dabaao aur parvaaz ko paidal nahin hone detaa Dar hai us ko nazar aae na kahin zehn kaa 'aks vo miraa aaina saiqal nahin hone detaa tiraa qaanun hai jangal kaa ghanimat hai ki tu mire is shahr ko jangal nahin hone detaa chalo baat us ki sunein ek 'ajab mantiq se jo kisi baat ko muhmal nahin hone detaa"

"muzhda ai zauq-e-asiri ki nazar aataa hai daam-e-khaali qafas-e-murgh-e-giraftaar ke paas jigar-e-tishna-e-aazaar tasalli na huaa ju-e-khun ham ne bahaai bun-e-har khaar ke paas mund gaiin kholte hi kholte aankhein hai hai khuub vaqt aae tum is 'aashiq-e-bimaar ke paas main bhi ruk ruk ke na martaa jo zabaan ke badle dashna ik tez saa hotaa mire gham-khvaar ke paas dahan-e-sher mein jaa baiThe lekin ai dil na khaDe ho jiye khubaan-e-dil-aazaar ke paas dekh kar tujh ko chaman bas-ki numu kartaa hai khud-ba-khud pahunche hai gul gosha-e-dastaar ke paas mar gayaa phoD ke sar 'ghaalib'-e-vahshi hai hai baiThnaa us kaa vo aa kar tiri divaar ke paas kab faqiron ko rasaai bu-e-mai-khvaar ke paas to bane bu dijiye maikhaane ki divaar ke paas"

"ajab mushkil ki dil kaa haal aisaa ho gayaa hai sabhi ab puchhte hain mujh se ye kyaa ho gayaa hai main ye samjhaa ki gham kaa ab mudaavaa ho gayaa hai kuredaa zakhm to ye aur taaza ho gayaa hai kabhi fursat mile to khud se main baatein karungaa mujhe khud se mile bhi to zamaana ho gayaa hai magar ab sochtaa huun toD duun saare maraasim magar dil bhi tire gham se shanaasaa ho gayaa hai miri barbaad hasti kaa nazaara dekhne ko vo aae aur gham mein phir izaafa ho gayaa hai isi dariyaa mein ab khud ko Dubonaa chaahtaa huun ki is dil kaa talaatum mein kinaare ho gayaa hai chalo bhi 'qalb' ab tum dusraa dekho Thikaanaa ki is basti mein apnaa sab paraayaa ho gayaa hai"

"dil shaad nahin karte aabaad nahin karte mahsus ye hotaa hai vo yaad nahin karte naashaad zamaane ke dil shaad nahin karte kam-aql parindon ko aazaad nahin karte mohtaaj-e-karam aksar rahte hain gharibon ke jo log gharibon ki imdaad nahin karte kuchh log shikaayat ko haq apnaa samajhte hain kuchh log kabhi tum se fariyaad nahin karte ham apne iraadon mein rakhte hain tavaanaai ham daad ke taalib ko bedaad nahin karte jo aap ki niyyat kaa kuchh ilm hamein hotaa ham apni mohabbat ko barbaad nahin karte is daur-e-siyaasat mein 'mahmud' qayaamat hai ahbaab jo karte hain jallaad nahin karte"

"kahe detaa huun go hai to nahin ye baat kahne ki tiri khvaahish nahin dil mein ziyaada der rahne ki bachaa kar dil guzartaa jaa rahaa huun har ta’alluq se kahaan us aable ko taab hai ab choT sahne ki rag-o-pai mein na hangaama kare to kyaa kare aakhir ijaazat jab nahin is ranj ko aankhon se bahne ki bas apni apni tarjihaat apni apni khvaahish hai tujhe shohrat kamaane ki mujhe ik she'r kahne ki jahaan kaa huun vahin ki raas aaegi fazaa mujh ko ye duniyaa bhi bhalaa koi jagah hai mere rahne ki jo kal 'irfaan' par guzri sunaa kuchh us ke baare mein khabar tum ne suni tufaan mein dariyaa ke bahne ki"