uThaae dosh pe taarikh-e-haadsaat-e-jahaan — Ishrat Zafar

"chaaron taraf khalaa mein hai gahraa ghubaar saa phir bhi kahin pe hai yunhi kuchh aashkaar saa kyaa phuTtaa hai dil ki zamin se ba-rang-e-gham kyaa tairtaa hai aankh mein naqsh-e-bahaar saa bikhre hain mere gird nishaan-e-qadam mire khinchaa hai main ne apne liye bhi hisaar saa fursat jo ho to khul ke baras meri khaak par ban jaaun main bhi ek shajar saaya-daar saa tanhaa darakht main bhi huun us ke kanaar mein vo bhi mire qarib hai ik juebaar saa 'ishrat' udaas taaq pe ye zard-ru charaagh tanhaaiyon mein meri hai ik gham-gusaar saa"

"saahil pe samundar ke kuchh der Thahar jaaun mumkin hai ki maujon ke maathe pe ubhar jaaun tapte hue lamhon ko sairaab to kar jaaun ik mauj-e-sadaa ban kar sahraa mein bikhar jaaun har sang hai ik shisha har shisha hai ik patthar ai shahr-e-tilism aakhir Thahrun ki guzar jaaun laao na ujaalon ko is shahr ki sarhad tak aisaa na ho main apne saae se hi Dar jaaun har samt fazaaon mein pathraav kaa aalam hai shishe kaa badan le kar jaaun to kidhar jaaun har shaam mire dil mein detaa hai sadaa koi main Dubte suraj ke hamraah na mar jaaun roke na agar mujh ko is dasht ki tanhaai 'ishrat' main havaaon ke paikar mein utar jaaun"

"falak ne bheje hain kyaa jaane kis vasile se lahu ke bahr mein bhi kuchh sadaf hain niile se abhi to qaafila-e-baad sabz raah mein hai isi liye to hain ashjaar-e-dasht piile se jo mere saath hai sadiyon se misl-e-aks-e-bahaar khabar nahin ki hai vo shakhs kis qabile se paDaa hai kab se siyah-posh meraa dasht-e-badan charaagh is mein jalaa de kisi bhi hiile se qayaas kahtaa hai un ke aqab mein hai suraj chamak rahe hain ufaq par jo zard Tiile se hai lams-e-aab se mahrum dasht-e-khaak-o-havaa na jaane kis liye zarraat phir hain giile se ragon mein aaj bhi raushan hain surkh-o-zard charaagh ajiib shai the vo ishrat badan nashile se"

"na sail-e-rang na sayyaara maahtaab miraa hai mere siine mein angaara maahtaab miraa chhaTi ufuq ki siyah-gard to dikhaai diyaa payaam-e-vasl kaa harkaara maahtaab miraa khalaa mein muztarib-o-be-qayaam meri tarah ye mere dasht kaa banjaara maahtaab miraa khunuk havaaon kaa maskan bisaat-e-khaak miri lahu ki aanch kaa gahvaara maahtaab miraa chihaar samt mare aab-zaar aur is mein ghurub hotaa huaa taaraa maahtaab miraa khud apne nuur se kartaa hai iktisaab-e-jamaal vo ek shola-e-aavaaraa maahtaab miraa tamaam raat mukhaatib rahaa mare dil se vahi sukut kaa favvaaraa maahtaab miraa zamin pe dhuum mire zakhm-e-naa-shagufta ki falak pe haasil-e-nazzaaraa maahtaab miraa main justuju mein usi kuza-gar ki huun 'ishrat' hai jis ke chaak kaa fan-paara maahtaab miraa"

"har rag-e-khaar ki tahvil mein khuun hai meraa be-karaan dasht dabistaan-e-junun hai meraa naqsh-e-mauhum hai sab vusat-e-raz-o-aflaak mere shahpar ke tale said-e-zabun hai meraa shaakhein talvaar ki surat hain gul-o-barg hain sang dil kaa ye nakhl giraftaar-e-fusun hai meraa zakhm kyaa hai kisi shamshir-e-nigah kaa ejaaz ashk kyaa hai samar-e-fasl-e-darun hai meraa hijr kaa chaand dahaktaa huaa angaara sahi magar is se bhi kahin shola fuzun hai meraa sab mire dil pe karam us nigah-e-naaz kaa hai be-qaraari hai miri aur na sukun hai meraa gham kaa zahraab rag o pai mein jo utraa 'ishrat' tab ye maalum huaa mujh ko vo kyuun hai meraa"

"har ek ahd mein jo sangsaar hotaa rahaa lahu lahu main usi harf ke badan mein huun zabaan kyuun nahin banti hai ham-navaa dil ki ye shakhs kaun hai main kis ke pairahan mein huun mire lahu se hi us ne sipar kaa kaam liyaa use khabar thi ki main taaq apne fan mein huun har aaine mein hai mahfuz meri hi tasvir bahut dinon se main khud apni anjuman mein huun sadaaein detaa hai 'ishrat' koi mire andar ki main rafiq tiraa raah-e-pur-shikan mein huun"

"vo mujhe zindagi bataataa hai phir bhalaa kyon nazar churaataa hai main usi ko uThaa rahaa thaa par vo mujhe hi faqat giraataa hai yaad us ko kiyaa yahaan main ne par mujhe vo vahaan bhulaataa hai raaz saare bataa diye main ne kyon magar raaz vo chhupaataa hai log masruf hain mohabbat mein aur vo dil miraa dukhaataa hai"

"tere tasavvuraat se aage nahin gayaa ye dil tavahhumaat se aage nahin gayaa jo biich raah chhoD gayaa shukr hai vo shakhs meri tavaqqu'aat se aage nahin gayaa shaayad use pasand thiin jhuTi numaaishein lekin main dil ki baat se aage nahin gayaa jazbaat-e-dil ko vo bhi na kuchh Dhang de sakaa main bhi takallufaat se aage nahin gayaa tohfa bhi us ke vaaste kangan liyaa 'zarim' vallah main us ke haath se aage nahin gayaa"

"na koi dost ho meraa na ho adu meraa tum apne munh se agar kah do mujh ko tu meraa fasurdagi mein junun-e-havaa-e-gul yaani khizaan ke daur mein saudaa-e-rang-o-bu meraa jo tum nahin to bahaar-e-jinaan mein khaak nahin bahut vasia hai daamaan-e-aarzu meraa nibhegi ai dil-e-aavaara ab na tujh se miri bas aaj se na main teraa huun aur na tu meraa banaa rahe hain vo jalve ki apne tasvirein dikhaa dikhaa ke tamaashaa-e-rang-o-bu meraa kisi ki zulf-e-siyah kah rahi hai khul khul kar ghaTaa ne rang uDaayaa hai hu-ba-hu meraa mah-e-siyaam kaa aur intizaam kyaa karte janaab-e-shaikh uDaa le gae subu meraa jafaa kaa rang judaa hai vafaa kaa rang judaa malo na dast-e-hinaai mein tum lahu meraa taDap rahi hai jo abr-e-siyaah mein bijli firaaq mein yahi naqsha thaa hu-ba-hu meraa suhaani raat hai chhiTki hai chaandni 'muztar' miri nigaah mein phirtaa hai maah-ru meraa"

"taavil-e-ahd-e-fan hi to vahshat kaa hal nahin pesh-e-nazar junun hai yaaro ghazal nahin ab is ke baad ahd ki taarik raat hai ye ikhtitaam-e-shaam hai subh-e-azal nahin ai dost ishq mansab-e-fahm-o-shuur hai ye irtiqaa hai zehn kaa koi khalal nahin ik umr ratjagon ki aziyyat mein kaaT di ab mere khvaab niind kaa radd-e-amal nahin kyaa kyaa ataa-e-neamat-e-rabb-e-karim hai lekin 'samir' dard kaa nemul-badal nahin"

"chaahe khoTe hain yaa khare hain ham Dast-e-qudrat ke laaDle hain ham 'aks-e-rafta ko dekhiye saahib kitne maa'sum lag rahe hain ham raat jivan kaa giit gaati hai khvaab-e-tanvim dekhte hain ham 'umr lag jaaegi sanbhalne mein kis bulandi se yuun gire hain ham ek hangaam hai taghayyur kaa kunj-e-nisyaan mein paDe hain ham ab bhi mehndi kaa rang gahraa hai sandalin haath par rache hain ham ik tamaashaa hai kaar-zaar-e-hayaat dekh kar ser ho chuke hain ham jhilmilaate hain aarzu ke kanval dil-jharoke se jhaankte hain ham"

"raakh ke Dher pe kyaa shoala-bayaani karte ek qisse ki bhalaa kitni kahaani karte husn itnaa thaa ki mumkin hi na thi khud-nigari ek imkaan ki kab tak nigaraani karte shola-e-jaan ko bujhaate yunhi qatra qatra khud ko ham aag banaate tujhe paani karte phuul saa tujh ko mahaktaa huaa rakhte shab bhar apne saanson se tujhe raat ki raani karte naddiyaan dekhein to bas sharm se paani ho jaaein chashm-e-khun-basta se paidaa vo ravaani karte sab se kahte ki ye qissa hai puraanaa saahab aah ki aanch se tasvir puraani karte dar-o-divaar badalne mein kahaan ki mushkil ghar jo hotaa to bhalaa naql-e-makaani karte koi aa jaataa kabhi yunhi agar dil ke qarib ham tiraa zikr pae-yaad-dahaani karte sach to ye hai ki tire hijr kaa ab ranj nahin kyaa dikhaave ke liye ashk-fishaani karte dil ko har lahza hi di aql pe ham ne tarjih yaar-e-jaani ko kahaan dushman-e-jaani karte shab isi tarah basar hoti hai meri 'irfaan' harf-e-khush-rang ko andoh-e-maaani karte"