Quote
"bech kar aankhein kamaai raushni ye hamein kis samt laai raushni apnaa suraj khud banaa leinge magar ham nahin leinge paraai raushni ki nigahbaani diye ki raat din khun-e-dil sinchaa banaai raushni un ke aane ki khabar jab bhi mili ham ne raste mein bichaai raushni unghti dam toDti ik raat mein teri aankhon ne dikhaai raushni nilgun ko surkh ham ne kar diyaa kal ufuq par yuun ghumaai raushni 'ishq ne yuun khaal-o-khad chamkaa diye jaise rag-rag mein samaai raushni apne man ko hi TaTolaa raat din apne andar hi jagaai raushni ek taaraa bhar liyaa thaa maang mein aur daaman mein chhupaai raushni toD kar sapnon ki saari bastiyaan kis ne malbe se uThaai raushni 'ilm ke badle jahaalat mol li haae tum ne bech khaai raushni jab hui nazr-e-karam us chaand ki raushni mein phir nahaai raushni sach sunaa hai shaa'iri ilhaam hai she'r ne dil mein jagaai raushni ham ne 'ambar' aane vaalon ke liye kitni mushkil se bachaai raushni"
Farhana Ambar
