ye bhi nahin bimaar na the — Aashufta Changezi

"tum ne likkhaa hai likho kaisaa huun main doston ki bhiiD hai tanhaa huun main yaasmin o nastaran meraa pata khushbuon ke jism par likkhaa huun main pahle hi kyaa kam tamaashe the yahaan phir nae manzar uThaa laayaa huun main phir vahi mausam puraane ho gae din Dhale sargoshiyaan suntaa huun main kaun utarti chaDhti saanson kaa amiin saaya-e-divaar se lipTaa huun main tu kabhi is shahr se ho kar guzar raaston ke jaal mein uljhaa huun main vo miri khush-fahmiyaan sab kyaa huiin jaane kab se be-hunar zinda huun main"

"Thikaane yuun to hazaaron tire jahaan mein the koi sadaa hamein rokegi is gumaan mein the ajiib basti thi chehre to apne jaise the magar sahife kisi ajnabi zabaan mein the bahut khushi hui tarkash ke khaali hone par zaraa jo ghaur kiyaa tiir sab kamaan mein the ilaaj DhunDh nikaaleinge apni vahshat kaa junun-navaaz abhi tak isi gumaan mein the ham ek aisi jagah jaa ke lauT kyuun aae jahaan sunaa hai ki sab aakhiri zamaan mein the"

"ghar ki had mein sahraa hai aage dariyaa bahtaa hai hairat tak mafqud hui itnaa dekhaa-bhaalaa hai jaane kyaa uftaad paDe khvaab mein us ko dekhaa hai aahaT kaisi basti mein kaun ye rasta bhulaa hai raste apne apne hain kaun kisi ko samjhaa hai qaid se vahshi chhuT gae dekhein kyaa gul khiltaa hai uDne vaalaa panchhi kyuun pankh sameTe baiThaa hai"

"guzar gae hain jo mausam kabhi na aaeinge tamaam dariyaa kisi roz Duub jaaeinge safar to pahle bhi kitne kiye magar is baar ye lag rahaa hai ki tujh ko bhi bhuul jaaeinge alaav ThanDe hain logon ne jaagnaa chhoDaa kahaani saath hai lekin kise sunaaeinge sunaa hai aage kahin samtein baanTi jaati hain tum apni raah chuno saath chal na paaeinge duaaein loriyaan maaon ke paas chhoD aae bas ek niind bachi hai kharid laaeinge zarur tujh saa bhi hogaa koi zamaane mein kahaan talak tiri yaadon se ji lagaaeinge"

"gharaunde khvaabon ke suraj ke saath rakh lete paron mein dhuup ke ik kaali raat rakh lete hamein khabar thi zabaan kholte hi kyaa hogaa kahaan kahaan magar aankhon pe haath rakh lete tamaam jangon kaa anjaam mere naam huaa tum apne hisse mein koi to maat rakh lete kahaa thaa tum se ki ye raasta bhi Thiik nahin kabhi to qaafile vaalon ki baat rakh lete ye kyaa kiyaa ki sabhi kuchh ganvaa ke baiTh gae bharam to banda-e-maulaa-sifaat rakh lete main bevafaa huun chalo ye bhi maan letaa huun bhale bure hi sahi tajrabaat rakh lete"

"duur tak phailaa samundar mujh pe saahil ho gayaa lauT kar jaanaa yahaan se aur mushkil ho gayaa daakhila mamnua likkhaa thaa fasil-e-shahr par paDh to main ne bhi liyaa thaa phir bhi daakhil ho gayaa khvaab hi baazaar mein mil jaate hain taabir bhi pahle logon se sunaa thaa aaj qaail ho gayaa is hujum-e-be-karaan se bhaag kar jaataa kahaan tum ne rokaa to bahut thaa main hi shaamil ho gayaa pahle bhi ye sab manaazir rokte the is dafa aisaa kyaa dekhaa ki tujh se aur ghaafil ho gayaa ek mauqa kyaa milaa khush-fahmiyaan baDhne lagin raasta itnaa pasand aayaa ki manzil ho gayaa aur kyaa detaa bhalaa sahraa-navardi kaa khiraaj tu bachaa thaa ab ke tu bhi nazr-e-mahmil ho gayaa"

"dil shaad nahin karte aabaad nahin karte mahsus ye hotaa hai vo yaad nahin karte naashaad zamaane ke dil shaad nahin karte kam-aql parindon ko aazaad nahin karte mohtaaj-e-karam aksar rahte hain gharibon ke jo log gharibon ki imdaad nahin karte kuchh log shikaayat ko haq apnaa samajhte hain kuchh log kabhi tum se fariyaad nahin karte ham apne iraadon mein rakhte hain tavaanaai ham daad ke taalib ko bedaad nahin karte jo aap ki niyyat kaa kuchh ilm hamein hotaa ham apni mohabbat ko barbaad nahin karte is daur-e-siyaasat mein 'mahmud' qayaamat hai ahbaab jo karte hain jallaad nahin karte"

"kyaa apne shahr mein koi aisaa makaan hai samjhun jise ki asl mein vo ik jahaan hai DhunDo haqiqat is mein na afsaana hi koi is kaa bayaan kuchh nahin us kaa bayaan hai apnaa shi'aar ab hai faqat amn-dushmani ye aur baat faakhta apnaa nishaan hai likhne ko ek harf na kahne ko ek lafz yuun to qalam hai haath mein munh mein zabaan hai vo lams jis ke baa'd zamaane guzar gae vo lams ab bhi taaza hai ab bhi javaan hai ho jaaegaa yaqin sabhon kaa hi kal jo aaj meraa yaqin aur sabhon kaa gumaan hai shatranj ki bisaat ki thi apni mez par shatranj ki bisaat ki saaraa jahaan hai"

"charaaghon se kuchh to churaayaa gayaa hai jo thi aag us ko bujhaayaa gayaa hai likhaa thaa jinhein sirf apne lahu se mire un khaton ko jalaayaa gayaa hai hazaaron daf'a us ne ki bevafaai mujhe bevafaa kyon bataayaa gayaa hai mujhe khud nikalnaa paDaa apne ghar se ye mat sochnaa ki bhagaayaa gayaa hai khabar ye mili hai ki mere hi ghar mein kisi ghair ko ab basaayaa gayaa hai mujhe hi sataa kar mujhe hi rulaa kar ye ilzaam mujh par lagaayaa gayaa hai tumhein kyaa bataaun mohabbat mein 'raavat' mujhe kis qadar aazmaayaa gayaa hai"

"bahr-e-rang-e-daastaan rahne diyaa ik tajassus darmiyaan rahne diyaa ab zamin ban kar bichhaa jaataa hai vo main ne jis ko aasmaan rahne diyaa raushni aur khvaab saare hech the apni aankhon mein dhuaan rahne diyaa vo jagah raushan nahin hogi kabhi is mohabbat ko jahaan rahne diyaa maan ne maathaa chuum kar rukhsat kiyaa maamtaa kaa saaebaan rahne diyaa kul milaa ke ye hai raaz-e-tishnagi ham ne dil ko sargiraan rahne diyaa khud hami paamaal Thahre shauq se khush-gumaan ko khush-gumaan rahne diyaa"

"tere tasavvuraat se aage nahin gayaa ye dil tavahhumaat se aage nahin gayaa jo biich raah chhoD gayaa shukr hai vo shakhs meri tavaqqu'aat se aage nahin gayaa shaayad use pasand thiin jhuTi numaaishein lekin main dil ki baat se aage nahin gayaa jazbaat-e-dil ko vo bhi na kuchh Dhang de sakaa main bhi takallufaat se aage nahin gayaa tohfa bhi us ke vaaste kangan liyaa 'zarim' vallah main us ke haath se aage nahin gayaa"

"ajab mushkil ki dil kaa haal aisaa ho gayaa hai sabhi ab puchhte hain mujh se ye kyaa ho gayaa hai main ye samjhaa ki gham kaa ab mudaavaa ho gayaa hai kuredaa zakhm to ye aur taaza ho gayaa hai kabhi fursat mile to khud se main baatein karungaa mujhe khud se mile bhi to zamaana ho gayaa hai magar ab sochtaa huun toD duun saare maraasim magar dil bhi tire gham se shanaasaa ho gayaa hai miri barbaad hasti kaa nazaara dekhne ko vo aae aur gham mein phir izaafa ho gayaa hai isi dariyaa mein ab khud ko Dubonaa chaahtaa huun ki is dil kaa talaatum mein kinaare ho gayaa hai chalo bhi 'qalb' ab tum dusraa dekho Thikaanaa ki is basti mein apnaa sab paraayaa ho gayaa hai"