Ghazal

"tere tasavvuraat se aage nahin gayaa ye dil tavahhumaat se aage nahin gayaa jo biich raah chhoD gayaa shukr hai vo shakhs meri tavaqqu'aat se aage nahin gayaa shaayad use pasand thiin jhuTi numaaishein lekin main dil ki baat se aage nahin gayaa jazbaat-e-dil ko vo bhi na kuchh Dhang de sakaa main bhi takallufaat se aage nahin gayaa tohfa bhi us ke vaaste kangan liyaa 'zarim' vallah main us ke haath se aage nahin gayaa"

"hai sitam koi chaahiye mujh ko vaise kam koi chaahiye mujh ko raat mein chaand bhi nahin darkaar subh-dam koi chaahiye mujh ko kyaa huaa hai miri tabi'at ko ek dam koi chaahiye mujh ko kuchh to aasudgi-e-tab' bhi ho koh-e-gham koi chaahiye mujh ko vaqt thoDaa hai mere paas magar dam-ba-dam koi chaahiye mujh ko"

"dast-e-taa’zir chumne vaale ham hain zanjir chumne vaale ye haqiqat-pasand thoDi hain teri tasvir chumne vaale rah gayaa khel shaahzaadi kaa mar gae tiir chumne vaale yuun dikhaate hain husn qaatil kaa nok-e-shamshir chumne vaale tere khat ko shifaa samajhte hain teri tahrir chumne vaale sirf baatein hi kar sakaa raanjhaa le gae hiir chumne vaale kyon karein jurat-e-shikaayat bhi dast-e-taqdir chumne vaale us ke maathe ko chumte hain 'zarim' maah-e-tanvir chumne vaale"

"vo hasin log the mukarte rahe ahl-e-dil e'tibaar karte rahe yaad aati rahi tapish teri sard shaamon mein ham ThiThurte rahe un pe likkhe gae sabhi ash'aar kaaghazon par hi bain karte rahe baavle ho ke us badan ke baa'd ghar ki almaariyon ko bharte rahe us ne jaanaa thaa ek shaadi mein aaine saaraa din sanvarte rahe"

"vo mujh se duur haTti jaa rahi hai diye ki lau simaTti jaa rahi hai main khush huun aur meri zindagi ab bahut tezi se ghaTti jaa rahi hai sadaaein aasmaan tak yuun na pahunchein zamin jaise lipaTti jaa rahi hai hamaare khvaab puure ho rahe hain hamaari niind ghaTti jaa rahi hai hamaare darmiyaan thi yaad ki Dor jo ik jaanib se kaTti jaa rahi hai"

"vo ba-hosh-o-havaas Duub gae jo kinaaron ke paas Duub gae zahr-aalud jhiil thi jis mein raat ham be-libaas Duub gae tairte phir rahe hain nau-maulud aur tufaan-shanaas Duub gae kyaa Thahartaa hai bahr-e-ghaflat par mere khaali gilaas Duub gae zindagi ke jue mein kuchh bhi nahin jo tire sau pachaas Duub gae"

"paDaa hai hijr to aise hi ji lubhaate hain ab us ke jaadu badan ke taraane gaate hain hamein manaa bhi liyaa kar ki maan rah jaae ham aise log muravvat mein ruuTh jaate hain nami to khaak ki tah mein qiyaam karti hai ham aise hain nahin jaisaa tumhein dikhaate hain tum itni der mein majburiyaan banaa lo ki ham gae dinon ki rifaaqat uThaa ke laate hain ham us ke zehn pe ik 'arsa tak savaar rahe so baqiyaa 'umr yahi ik khushi manaate hain javaan hote hi jis ne bikharnaa hotaa hai ham aise khvaab ko apnaa lahu pilaate hain"

"jab tire vaaste ghar chhoD diyaa jaataa hai dar-ba-dar hone kaa Dar chhoD diyaa jaataa hai aakhir-e-kaar kahalvaate hain tere bekaar zindagi bhar kaa hunar chhoD diyaa jaataa hai ham to vo hain ki jinhein misl tamannaa-e-ziyaan dekh kar ek nazar chhoD diyaa jaataa hai vaa'da-e-ham-safari kaun nibhaa saktaa hai haan sar-e-raahguzar chhoD diyaa jaataa hai main vahaan khud hi pahunch jaataa huun pahle se 'zarim' mere jaison ko jidhar chhoD diyaa jaataa hai"

"jaane kyaa kuchh hai tujh mein zam meraa haath mat chhoD ek dam meraa tum mire pichhe pichhe mat aao itnaa raushan nahin qadam meraa muskuraa kar na dekhiye mujh ko kaam itnaa nahin hai kam meraa lenaa denaa nahin falak se kuchh sidhaa rakhtaa hai mujh ko kham meraa tere maan-baap ki ho 'umr daraaz khaa gayaa meri maan ko gham meraa"

"sab niDar 'auraton ke kyaa kahne pesha-var 'auraton ke kyaa kahne teri duniyaaein khub-surat hain khaas kar 'auraton ke kyaa kahne beTiyaan paidaa karti jaati hain be-pisar 'auraton ke kyaa kahne ye koi ek din ki baat nahin 'umr bhar 'auraton ke kyaa kahne koi ehsaas-e-kamtari mein nahin baalaa-tar 'auraton ke kyaa kahne"