Ghazal

"shaam ki dhund se ik husn ne jhaankaa to koi nazm hoi bas-ki phir gham vahi ik gham jo khush aayaa to koi nazm hoi dil-e-be-taab mohabbat ki malaamat kaa amiin Dar saa gayaa rah badalnaa kabhi us shakhs ne chaahaa to koi nazm hoi kis kaa saaya thaa kaDi dhuup mein ik aur alaav kaa bayaan kaun thaa zakhm miraa mujh ko dikhaayaa to koi nazm hui vaqt ke dida-e-be-rahm ko maalum thaa kyaa chhinaa hai khaali haathon ko bhari aankh se dekhaa to koi nazm hoi khvaab ki titli ke TuuTe hue par aur bikharte hue rang is kamaai kaa kabhi sadqa utaaraa to koi nazm hoi"

"band aankhon mein pighalti hui ik nazm ke rog aur misron mein chhupe dard hamein jaante hain yuun gale milte hain bichhDaa huaa jaise mil jaae tere kuche mein pale dard hamein jaante hain ham se shaahaan-e-mohabbat kaa pata puchhte ho ishq-aabaad ke be-dard hamein jaante hain ek mela saa lagaa hotaa hai yaar aakhir-e-shab dil ki sarhad pe khaDe dard hamein jaante hain zard rut mein bhi unhein ham ne sambhaale rakkhaa tire haathon se mile dard hamein jaante hain ham ne dekhe hain sazaa kaaT ke jiite hue din is havaale se to ye dard hamein jaante hain"

"ye kis ke naqsh aaine mein ubhre ye kaun raahat hai jhilmilaai ki us kaa jaadu junun mein ghulte huon ko behaal kar gayaa hai hamaare hisse mein laao de do tamaam vahshat vo sab aziyyat tumhaare haathon mein jo thamaa kar koi na jaane kidhar gayaa hai tumhein kisi zakhm ki khabar tak na deinge ham ki aziz-e-jaan ho na ye bataaeinge sukh kaa dariyaa tabaah kar ke utar gayaa hai hamaari haalat kaa kyaa Thikaana ki dil se baDh kar thaa gham tumhaaraa magar ai mahtaab husn teraa bataa ki kaise bikhar gayaa hai shumaar taaron kaa mat karo tum gino nahin ab ye bahte aansu jo dard thaa ab vo miT chukaa hai jo zakhm thaa ab vo bhar gayaa hai vo ek hasrat jo dil ke andar khudaa bani thi nahin rahi hai vo sabr thaa jo ghurur-e-hasti qasam khudaa ki vo mar gayaa hai"

"ye baat kyuun nahin lagti bahut ajiib tumhein koi kisi ko pukaare javaab tak na mile bas ik khalish kaa muqaddar sanvaarne ke liye savaal kyaa kyaa nikhaare javaab tak na mile pas-e-navishta-e-taqdir maajraa kyaa thaa bujhaae kis ne sitaare javaab tak na mile agarche ham ne sadaaein kai suni thiin magar pukaarne pe hamaare javaab tak na mile na ham the ghaar-nashin aur na tuur vaale the kisi ko jab bhi pukaare javaab tak na mile"

"dil ab us shahr mein jaane ko machaltaa bhi nahin kyaa zaruri hai zarurat se alag ho jaanaa ain-mumkin hai samajh tum ko na aauun is saal tum yahi karnaa ki ujlat se alag ho jaanaa ye kahin chhin na le sabr ki daulat tum se dil dhuaan karti qayaamat se alag ho jaanaa vo tumhein bhuul ke paagal bhi to ho saktaa hai dekh kar vaqt suhulat se alag ho jaanaa meri taqdir mein bas ek hi dukh utraa hai dil kaa us yaar ki sangat se alag ho jaanaa teraa gham hi to uDaae liye phirtaa hai mujhe chaahe kaun aisi aziyyat se alag ho jaanaa adh-khile phuul se rakhnaa na kabhi rabt koi adh-bujhe rang ki haalat se alag ho jaanaa ham to jaan haar chale hain pa tum ai nikhat-e-gul chashm-e-qaatil ki mashiyyat se alag ho jaanaa"

"pahle kuchh din vafaa huaa thaa koi phir musalsal sazaa huaa thaa koi ab to zulmat-ba-dast phirte hain koi din the ziyaa huaa thaa koi kyaa yahi baat kar rahe hain aap kabhi ahd-e-vafaa huaa thaa koi ab judaai ki raah paDti hai bas yahin tak duaa huaa thaa koi dhund mein bas gae the sab manzar bas achaanak khafaa huaa thaa koi barq girti thi aashiyaane par jaise us se milaa huaa thaa koi ye mizha par rukaa huaa aansu khvaab us se juDaa huaa thaa koi Thiik se to mujhe bhi yaad nahin shaam hi thi judaa huaa thaa koi"

"thi to ye ek baat hi par sang-e-mil thi khone kaa khauf use bhi hiraasaan kiye rahaa baadal bharaa-bharaayaa na barsaa to ranj kyaa is dhuup ke safar ko to aasaan kiye rahaa ye ek shai alag se rag-e-jaan pe baar thi ik lamha-e-firaaq pareshaan kiye rahaa kyaa moD thaa ki zabt kaa yaaraa nahin rahaa haalaanki 'umr bhar dil-e-naadaan kiye rahaa us gham ke qarz-daar hain tira-shabon mein bhi radd-e-vafaa kaa daagh farozaan kiye rahaa kab aap jaante hain ki ik dard mustaqil paimaan ki shaam shaam-e-gharibaan kiye rahaa"

"ik tasalsul se ek aziyyat ko jaanib-e-dil uchhaaltaa hai koi ek mushkil se nim-jaan ho kar khud ko kaise sambhaaltaa hai koi bujhti palkon se taakti vahshat shukr kar ham tujhe mayassar hain hamein jo rog ho gae laahiq dekh vo bhi ujaaltaa hai koi imtihaan mein paDe hue ye log ik taassuf se dekhtaa hai jahaan haae aise kharaab haalon ke kahaan shajre khangaaltaa hai koi gard-e-raah-e-safar hi hain ham log ain-mumkin hai bhuul jaao hamein jis tarah ghar kaa faaltu saamaan be-dili se nikaaltaa hai koi baad mere bhi kitne log aae tum ko achchhe lage tumhaare hue kyaa kabhi chup ki saaaton mein tumhein miri tarah sambhaaltaa hai koi"

"magar ye kis ki tamannaa ne Das liyaa us ko jo ek chehra judaa saa dikhaai detaa thaa ye haadsa thaa ki qismat ne ek karvaT li vagarna bakht sanvartaa dikhaai detaa thaa vo ik shikast baDi duur tak nibhaai thi malaal jis kaa tavaanaa dikhaai detaa thaa jo saint saint ke rakkhaa huaa asaasa thaa fishaar ban ke rahegaa dikhaai detaa thaa"

"ye hare peD jo paani pe jhuke hote hain shaam hote hi ganvaa dete hain binaai bhi go ki khaamosh hi rahti hai umuman lekin chikh uThti hai kabhi hijr mein tanhaai bhi vo tire khvaab thi aabaad jahaan ik duniyaa kyaa vo duniyaa mujhe kho kar tujhe raas aai bhi surmai raat mein ik zakhm khilaa rahtaa hai vo gayaa vaqt mayassar thi masihaai bhi ek dukh jis mein kai zard manaazir ki thakan maand paD jaaein jahaan rang bhi raanaai bhi"

"ki jin se lahja badal ke tu boltaa hai vo log malaal us kaa saheinge magar kaheinge nahin riaayaton mein likheinge hamesh naam tiraa ba-naam-e-jurm-e-vafaa tohmatein dhareinge nahin hamaaraa vaqt to hans kar guzarne vaalaa thaa magar ye ranj to ab raah se haTeinge nahin ai ishq tere mizaajon ki khair ho ab ke diye hain zakhm jo tu ne kabhi bhareinge nahin vo ek pal ki jise ham ne zindagi likkhaa ab aur us ki aziyyat mein ham jiyeinge nahin so phir ye dil hi hamaaraa hamaare kaam aayaa kuchh aise phuul khile jo kabhi khileinge nahin"

"ab zulekhaa hai yaaqub ki aah mein mere yusuf kabhi tu dikhaai bhi de khaana dil se moDein mahaarein agar tu mujhe apne gham se rihaai bhi de main tamannaa ko kaise likhun tirgi phir ye dil tirgi ki duhaai bhi de husn nazrein jhukaae hue ru-ba-ru us tamaashe talak par rasaai bhi de raat muddat se aankhon mein kaTti hoi aur chup ke darun se sunaai bhi de"

"na ab vo pahli si tarz-e-girya na shaam-e-gham ki hamaa-hami hai be-ashk aankhon ke ratjagon mein khayaal saare bujhe hue hain sunahri ghaDiyon kaa lams thaa vo mire takallum ke baankpan mein magar ye aalam hai ab ki alfaaz abr-e-gham mein ghire hue hain tumhaare dar ko hi takte rahnaa machalte jazbon ki shokhiyon mein magar ab is chashm-e-naa-tavaan mein hazaar neze gaDe hue hain dhanak saa chehra udaas honaa phir us pe bhi vo shafaq saa khulnaa yaqin maano ki ham se naadaan unhi dinon ke jiye hue hain vo us ke jhagDe hamaari khaatir vo saare logon se bair rakhnaa kahaan hai ab aa ke dekhe ham kin adaavaton mein ghire hue hain Dase hue hain ye aagahi ke na ji rahe hain na mar rahe hain na puchho in se sabab koi bhi ye log pahle Dare hue hain jo jaa chuke hain vo log kyaa the ki un ki ulfat ki mahki duniyaa jahaan thami thi ghaDi ruki thi vahin pe ham bhi khaDe hue hain"

"vahshat ke talavvun mein guzri ki guzaar aae ik ahd bujhaa aae ik 'umr ko haar aae tum log bhi kyaa samjho tum log bhi kyaa jaano kis khvaab-asaase ko miTTi mein utaar aae vo rang jo bheje the us chashm-e-fusun-gar ko vo rang vahin apni taabaani ko vaar aae ab aabla-paai hai lamhon ki giraani hai khush-baash gae the jo vo sina-figaar aae gham se thiin bujhi aankhein chehre pe taghayyur thaa ik shakhs ko kyaa dekhaa be-ant nikhaar aae aavaaz kaa kyaa hogaa ye 'ilm thaa pahle se bas zid mein khamoshi ki ham un ko pukaar aae"