Ghazal

"ghar se nikli kahaa saheli kaa phuul hamraah thaa chanbeli kaa baalaa-khaane se chikh uThti thi aur dar band thaa haveli kaa vaqt farmaan-ravaa-e-dilli hai aur main bakht huun bareli kaa us ne dast-e-talab daraaz kiyaa chhed zaahir huaa hatheli kaa vaqt kolhu hai aur ham sab bail munfarid hai nizaam teli kaa"

"vo ghoDiyon ki tarah shokh aur lachili thi main shahsavaar thaa lekin giraft Dhili thi lagaa huaa hai zamaana baDaai mein jis ki usi ne shahr se pahli lagaan bhi li thi vo jaa chuki to achaanak mujhe khayaal aayaa vo ghaas jis pe main baiThaa thaa kitni giili thi hamaaraa khuun samay kaa sufuf jazb kare hamaari chhaal kisi bad-gumaan ne chhili thi ab us kaa Dhab bhi koi dekhtaa to hogaa hi jise taraash ke qarnon ne zahr pi li thi"

"aam si hai daraaz-qad bhi nahin par mohabbat ki koi had bhi nahin sabzi maail hai aankh kaa adsa aur us par koi adad bhi nahin tu ne puchhaa to kah diyaa jo thaa yaani andar kahin hasad bhi nahin ab dalaael ki poTli kholein ye havaala to mustanad bhi nahin zakhm silne se kyaa talaafi ho daakhliyat ki koi mad bhi nahin"

"zakhm ke honT par luaab us kaa khush bahut hai mujhe khush-aab us kaa us ne uplon pe degchi rakkhi aur pakne lagaa shabaab us kaa ishq ne phir kisi ko bhejaa hai khair-maqdam kare chanaab us kaa tujh tamannaa mein jo ibaadat ki kyaa tujhe bakhsh duun savaab us kaa qaus par se umuud uThtaa huaa yaani phir jal uThaa hai khvaab us kaa daaera daaere ko chhutaa huaa aur qausain par hijaab us kaa"

"saanp ne ghaar mein rihaaish ki aur didaar ki guzaarish ki sabzagi ne ghilaaf kaaDh liyaa aur naalain ki sataaish ki lab pe naat-e-nabi ravaan rahnaa aur siine mein aag khvaahish ki ghaar mein dusraa bhi thaa koi jis ne divaar par nigaarish ki pesh-rau baargaah mein pahunche yaani baar-e-digar sifaarish ki"

"manzar ki ok se baDi ochhi lapak uThi ham jhaD chuke to peD ki Daali lachak uThi paani ki pesh-raft ne sukhaa bhagaa diyaa baarish ke baad ghaas ki TukDi lahak uThi gori ne paanv raah ke patthar pe rakh diyaa yaani kamar ke zor se gaagar chhalak uThi naddi kaa zor ab koi chhaati pe rok le pusta banaa rahe the ki miTTi sarak uThi puure badan se qaafile harakat mein aa gae raanon mein surkh aab ki saazish bidak uThi gardan ke joD par tire bose ki bastagi ik lams aur kaan ki lau tak damak uThi"

"dhyaan mein kaun darinda hai jo bedaar huaa main kisi bu ki jalan paa ke khabar-daar huaa baagh ki samt se aati hai havaa sahmi hui kaun is habs ke mausam mein sadaakaar huaa us jazire ki taraf soch-samajh kar jaanaa jo tire mauj mein aane se numudaar huaa tum ko lagtaa hai ki aasaan hai duniyaa-daari kaar-e-duniyaa mein paTaa huun to vafaadaar huaa is badan par bhi miraa kaam dikhaai degaa aur vo kaam ki jaise koi shahkaar huaa us ne har soch ki zambil ulaT kar rakh di aur main khvaab dikhaane kaa sazaa-vaar huaa"

"ghaar thaa ghaar ki tanhaai thi aage main thaa daf'atan aag si lahraai thi aage main thaa usi Table pe jahaan baiTh ke khaate the kabhi tu kisi aur ke saath aai thi aage main thaa raat khiDki se koi chiiz giri kamre mein mom-batti si vo tharraai thi aage main thaa zindagi main tujhe raste se uThaa laayaa huun tu kisi aur se Takraai thi aage main thaa pesh-rau koi sar-e-raah-e-najaf thaa hi nahin pichhe pichhe miri maulaai thi aage main thaa"

"vo to main aag jalaane se miyaan vaaqif thaa varna tu apne qabile se kahaan vaaqif thaa ant mein kyaa huaa raavi ne bataayaa hi nahin yuun kahaani se to kahne ko jahaan vaaqif thaa aag mein koi badan thaa ki jo aazaad huaa yaani aa'zaa ke tanaasub se dhuaan vaaqif thaa raat kutton ne saDak sar pe uThaa rakkhi thi aur aaseb ki aamad se makaan vaaqif thaa sandrila ne qabaa phaaD ke rassi baT li aur is baat se bas dev kaa gumaan vaaqif thaa"

"chhoDiye aap kaa is baat se kyaa lenaa hai ik barahman ko musaavaat se kyaa lenaa hai khaak ko khaak kaa paivand lagegaa aur bas ham ko is arz-o-samaavaat se kyaa lenaa hai aap to soch ke aae the yahaan kyaa hogaa aap ko yuun bhi mazaafaat se kyaa lenaa hai aag ki surkh lipaT ne mujhe paagal rakkhaa khuun ki lahr ko is ghaat se kyaa lenaa hai zakhm par haath rakhein aur ravaana ho lein is andhere mein munaajaat se kyaa lenaa hai"

"is se pahle ki kahaani se kahaani nikle aa mire dil mein utar aankh se paani nikle itni ujlat mein talaashi nahin li jaa sakti saanp ko hukm karo raat-ki-raani nikle khair ki saari duaaon kaa bhalaa ho laDki ek bosa dam-e-rukhsat ki giraani nikle is liye bhi ye badan khinchnaa paDtaa hai mujhe jitne sikke the mire paas zamaani nikle us pe mauquf hai jo hukm ho dariyaa dekhe ret nikle yaa taraai mein se paani nikle"